བསྐལ་པ་བཟང་པོ།

The Good Eon
F.283.b

Bhadra­kalpika
F.283.b, volume 45, Degé Kangyur

ཚེ་ལོ་གྲངས་བདུན་ཁྲི་ཆིག་སྟོང་ཡིན། །​ཡོངས་སུ་མྱ་ངན་འདས་ནས་དམ་ཆོས་དག །​ལོ་གྲངས་བདུན་ཁྲིའི་བར་དུ་གནས་པར་འགྱུར། །​རྒྱལ་བའི་སྐུ་གདུང་མཆོད་རྟེན་དཔག་ཚད་ནི། །​བཅུ་གཉིས་པ་གཅིག་གསེར་གྱི་བླ་རེར་ལྡན། །​དེ་བཞིན་གཤེགས་པ་མཛད་མཐའ་གཟིགས་པ་ཡི། །​སྐྱེ་བའི་ཡུལ་ནི་མཛེས་པར་སྦྱངས་ཞེས་བྱ། །​རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །​དཔག་ཚད་དྲུག་ཅུ་རྣམ་པར་དག་པ་ཡབ། །​བྱས་པ་ངེས་ཞེས་བྱ་བ་རྒྱལ་བའི་ཡུམ། །​སྲས་པོ་བཟང་ལྡན་གྲགས་བྱིན་རིམ་གྲོ་པ། །​མཆོད་རྟེན་དགའ་ཞེས་བྱ་བ་མཁས་པ་སྟེ། །​གསལ་བ་གཏི་མུག་མེད་པ་རྫུ་འཕྲུལ་ཅན། །འདུས་པ་ལན་གྲངས་བརྒྱད་ཅུ་ཀུན་ལ་ཡང་། །​དགྲ་དག་ཆོམས་པ་དེ་དག་ཀུན་གྱི་གྲངས། །​བྱེ་བ་ཕྲག་ནི་བརྒྱ་བརྒྱ་འདུས་པར་འགྱུར། །​མི་ཚེ་ལོ་གྲངས་དག་ནི་བརྒྱད་ཁྲི་ཡིན། །​མྱ་ངན་འདས་པ་དེ་ཡི་དམ་ཆོས་དག །​ལོ་གྲངས་བདུན་ཁྲིའི་བར་དུ་གནས་པར་འགྱུར། །​རྒྱལ་བའི་སྐུ་གདུང་དག་ནི་རྒྱས་འགྱུར་ལ། །​སྟོང་གསུམ་མཆོད་རྟེན་བཟང་པོས་གང་བར་འགྱུར། །​དེ་བཞིན་གཤེགས་པ་སྲིད་པའི་མེ་ཏོག་གི། །​སྐྱེ་བའི་ཡུལ་ནི་གྲགས་པ་བསྒྲགས་ཞེས་བྱ། །​རིགས་ནི་བྲམ་ཟེ་ཡིན་ཏེ་འོད་དཔག་ཚད། །​སུམ་ཅུ་རྩ་ལྔ་ཡབ་ནི་སྲིད་མཐའ་ཡིན། །​བློ་གྲོས་ཉི་མ་ཞེས་བྱ་རྒྱལ་བའི་ཡུམ། །ནོར་ལྷའི་བུ་སྲས་ཟླ་ཉི་རིམ་གྲོ་པ། །​དགྲ་བཅོམ་དགའ་ཞེས་བྱ་བ་མཁས་པ་སྟེ། །​འཕགས་པ་དད་པར་བྱེད་པ་རྫུ་འཕྲུལ་ཅན། །​འདུས་པ་ལན་གྲངས་བརྒྱད་ཅུ་ཀུན་ལ་ཡང་། །​ང་མེད་ནམ་མཁའ་དག་དང་མཚུངས་པ་པོ། །​བྱེ་བ་ཕྲག་ནི་བརྒྱད་ཅུ་བཞི་བཞི་ཡོད། །​མི་ཚེ་ལོ་གྲངས་བརྒྱད་ཁྲི་ཉིས་སྟོང་ཡིན། །​ཡོངས་སུ་མྱ་ངན་འདས་ནས་དམ་ཆོས་དག །​ལོ་གྲངས་ཉི་ཁྲི་ཆིག་སྟོང་བར་དུ་གནས། །​སྐུ་གདུང་མཆོད་རྟེན་དཔག་ཚད་བཅུ་གསུམ་པ། །​གཅིག་སྟེ་རིན་ཆེན་བཀོད་པས་རབ་ཏུ་བརྒྱན། །​འཇིག་རྟེན་མགོན་པོ་མཛོད་སྤུ་ལྡན་པ་ཡི། །​སྐྱེ་བའི་ཡུལ་ནི་སྟེགས་མཆོག་ཅེས་ཀྱང་བྱ། །​རིགས་ནི་བྲམ་ཟེ་ཡིན་ཏེ་འོད་དཔག་ཚད། །​སུམ་ཅུ་རྩ་གསུམ་ཡབ་ནི་རབ་གསལ་ཡིན། །​བརྟུལ་ཞུགས་གྲུབ་ཅེས་བྱ་བ་རྒྱལ་བའི་ཡུམ། །​སྲས་པོ་ཟླ་སྡུག་རབ་དགའ་རིམ་གྲོ་པ། །​ཐར་པའི་འགྲོས་ཞེས་བྱ་བ་མཁས་པ་སྟེ། །​མྱ་ངན་མེད་པར་གནས་པ་རྫུ་འཕྲུལ་ཅན། །

eKangyur, UT4CZ5369-I1KG9171-0000, page 566 (283b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh94/UT22084-045-001-14420#UT22084-045-001-14420