The Perfection of Wisdom in One Hundred Thousand Lines
F.135.a
མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །ཐོག་མ་དང་ཐ་མ་མྱེད་པ་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །དོར་བ་མྱེད་པ་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །རང་བཞིན་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །ཆོས་ཐམས་ཅད་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །རང་གི་མཚན་ཉིད་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །མྱི་དམྱིགས་པ་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །དངོས་པོ་མྱེད་པ་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །ངོ་བོ་ཉིད་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མེད་པ་ནི་རྣམ་པར་དག་པའོ། །དྲན་པ་ཉེ་བར་གཞག་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །ཡང་དག་པར་སྤོང་བ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །རྫུ་འཕྲུལ་གྱི་རྐང་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །དབང་པོ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །སྟོབས་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །བྱང་ཆུབ་ཀྱི་ཡན་ལག་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །འཕགས་པའི་ལམ་ཡན་ལག་བརྒྱད་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ།
eKangyur, UT4CZ5369-I1KG9147-0000, page 269 (135a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-98802#UT22084-014-001-98802