The Perfection of Wisdom in One Hundred Thousand Lines
F.134.b
།སྐྱེ་བ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །རྒ་ཤི་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །ཤ་ར་དྭ་ཏིའི་བུ་སྦྱིན་པའི་ཕ་རོལ་ཏུ་ཕྱིན་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །བཟོད་པའི་ཕ་རོལ་ཏུ་ཕྱིན་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །བསམ་གཏན་གྱི་ཕ་རོལ་ཏུ་ཕྱིན་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །ནང་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །ཕྱི་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །ཕྱི་ནང་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །སྟོང་པ་ཉིད་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །ཆེན་པོ་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །དོན་དམ་པ་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །འདུས་བྱས་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །འདུས་མ་བྱས་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །མཐའ་ལས་འདས་པ་སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ།
eKangyur, UT4CZ5369-I1KG9147-0000, page 268 (134b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-98801#UT22084-014-001-98801