The Perfection of Wisdom in One Hundred Thousand Lines
F.135.b
མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །འཕགས་པའི་བདེན་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །བསམ་གཏན་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །ཚད་མྱེད་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མེད་པ་ནི་རྣམ་པར་དག་པའོ། །གཟུགས་མྱེད་པའི་སྙོམས་པར་འཇུག་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །རྣམ་པར་ཐར་པ་བརྒྱད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །མཐར་ཀྱིས་གནས་པའི་སྙོམས་པར་འཇུག་པ་དགུ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །སྟོང་པ་ཉིད་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །མཚན་མ་མྱེད་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །སྨོན་པ་མྱེད་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །མངོན་པར་ཤེས་པ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །ཏིང་ངེ་འཛིན་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །གཟུངས་ཀྱི་སྒོ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །དེ་བཞིན་གཤེགས་པའི་སྟོབས་བཅུ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །མྱི་འཇིགས་པ་བཞི་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །སོ་སོ་ཡང་དག་པར་རིག་པ་བཞི་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །བྱམས་པ་ཆེན་པོ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ། །སྙིང་རྗེ་ཆེན་པོ་ཐོབ་པར་བྱ་བ་མྱེད་པ་དང་། མངོན་པར་རྟོགས་པར་བྱ་བ་མྱེད་པ་ནི་རྣམ་པར་དག་པའོ།
eKangyur, UT4CZ5369-I1KG9147-0000, page 270 (135b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-98803#UT22084-014-001-98803