The Perfection of Wisdom in One Hundred Thousand Lines
F.268.a
།བཅོམ་ལྡན་འདས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། དྲན་པ་ཉེ་བར་གཞག་པ་རྣམས་འདུ་བར་བགྱིད་པ་འམ། ཡངས་པར་བགྱིད་པ་འམ། ཡང་དག་པར་སྤོང་བ་རྣམས་འདུ་བར་བགྱིད་པ་འམ། ཡངས་པར་བགྱིད་པ་འམ། རྫུ་འཕྲུལ་གྱི་རྐང་པ་རྣམས་འདུ་བར་བགྱིད་པ་འམ། ཡངས་པར་བགྱིད་པ་འམ། དབང་པོ་རྣམས་འདུ་བར་བགྱིད་པ་འམ། ཡངས་པར་བགྱིད་པ་འམ། སྟོབས་རྣམས་འདུ་བར་བགྱིད་པ་འམ། ཡངས་པར་བགྱིད་པ་འམ། བྱང་ཆུབ་ཀྱི་ཡན་ལག་རྣམས་འདུ་བར་བགྱིད་པ་འམ། ཡངས་པར་བགྱིད་པ་འམ། འཕགས་པའི་ལམ་ཡན་ལག་བརྒྱད་པ་འདུ་བར་བགྱིད་པ་འམ། ཡངས་པར་བགྱིད་པ་འམ། འཕགས་པའི་བདེན་པ་རྣམས་འདུ་བར་བགྱིད་པ་འམ། ཡངས་པར་བགྱིད་པ་འམ། བསམ་གཏན་རྣམས་འདུ་བར་བགྱིད་པ་འམ། ཡངས་པར་བགྱིད་པ་འམ། ཚད་མྱེད་པ་རྣམས་འདུ་བར་བགྱིད་པ་འམ། ཡངས་པར་བགྱིད་པ་འམ། གཟུགས་མྱེད་པའི་སྙོམས་པར་འཇུག་པ་རྣམས་འདུ་བར་བགྱིད་པ་འམ། ཡངས་པར་བགྱིད་པ་འམ། རྣམ་པར་ཐར་པ་བརྒྱད་འདུ་བར་བགྱིད་པ་འམ། ཡངས་པར་བགྱིད་པ་འམ། མཐར་ཀྱིས་གནས་པའི་སྙོམས་པར་འཇུག་པ་དགུ་འདུ་བར་བགྱིད་པ་འམ། ཡངས་པར་བགྱིད་པ་འམ། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་འདུ་བར་བགྱིད་པ་འམ། ཡངས་པར་བགྱིད་པ་དེ་ནི། དེའི་དམྱིགས་པ་ཆེན་པོར་འགྱུར་རོ། །བཅོམ་ལྡན་འདས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། མངོན་པར་ཤེས་པ་རྣམས་འདུ་བར་བགྱིད་པ་འམ། ཡངས་པར་བགྱིད་པ་འམ། ཏིང་ངེ་འཛིན་རྣམས་འདུ་བར་བགྱིད་པ་འམ། ཡངས་པར་བགྱིད་པ་འམ། གཟུངས་ཀྱི་སྒོ་རྣམས་འདུ་བར་བགྱིད་པ་འམ། ཡངས་པར་བགྱིད་པ་འམ་དེ་ནི། དེའི་དམྱིགས་པ་ཆེན་པོར་འགྱུར་རོ། །བཅོམ་ལྡན་འདས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ།
eKangyur, UT4CZ5369-I1KG9145-0000, page 535 (268a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97516#UT22084-014-001-97516