The Perfection of Wisdom in One Hundred Thousand Lines
F.268.b
།བཅོམ་ལྡན་འདས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། དེ་བཞིན་གཤེགས་པའི་སྟོབས་བཅུ་འདུ་བར་བགྱིད་པ་འམ། ཡངས་པར་བགྱིད་པ་འམ། མྱི་འཇིགས་པ་བཞི་འདུ་བར་བགྱིད་པ་འམ། ཡངས་པར་བགྱིད་པ་འམ། སོ་སོ་ཡང་དག་པར་རིག་པ་བཞི་འདུ་བར་བགྱིད་པ་འམ། ཡངས་པར་བགྱིད་པ་འམ། སྙིང་རྗེ་ཆེན་པོ་འདུ་བར་བགྱིད་པ་འམ། ཡངས་པར་བགྱིད་པ་འམ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་འདུ་བར་བགྱིད་པ་འམ། ཡངས་པར་བགྱིད་པ་འམ་དེ་ནི། དེའི་དམྱིགས་པ་ཆེན་པོར་འགྱུར་རོ། །བཅོམ་ལྡན་འདས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། རྒྱུན་ཏུ་ཞུགས་པའི་འབྲས་བུ་འདུ་བར་བགྱིད་པ་འམ། ཡངས་པར་བགྱིད་པ་འམ། ལན་ཅིག་ཕྱིར་འོང་བའི་འབྲས་བུ་འདུ་བར་བགྱིད་པ་འམ། ཡངས་པར་བགྱིད་པ་འམ། ཕྱིར་མྱི་འོང་བའི་འབྲས་བུ་འདུ་བར་བགྱིད་པ་འམ། ཡངས་པར་བགྱིད་པ་འམ། དགྲ་བཅོམ་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། རང་བྱང་ཆུབ་འདུ་བར་བགྱིད་པ་འམ། ཡངས་པར་བགྱིད་པ་འམ། ལམ་གྱི་རྣམ་པ་ཤེས་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ་དེ་ནི། དེའི་དམྱིགས་པ་ཆེན་པོར་འགྱུར་རོ། །བཅོམ་ལྡན་འདས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། བྱང་ཆུབ་དང་སངས་རྒྱས་དང་སངས་རྒྱས་ཀྱི་ཆོས་རྣམས་འདུ་བར་བགྱིད་པ་འམ། ཡངས་པར་བགྱིད་པ་འམ་དེ་ནི། དེའི་དམིགས་པ་ཆེན་པོར་འགྱུར་རོ།། །།ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། བམ་པོ་ཉི་ཤུ་བ། །བཅོམ་ལྡན་འདས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གཟུགས་ཚད་མཆིས་པར་བགྱིད་པ་འམ། ཚད་མ་མཆིས་པར་བགྱིད་པ་འམ། ཚོར་བ་ཚད་མཆིས་པར་བགྱིད་པ་འམ། ཚད་མ་མཆིས་པར་བགྱིད་པ་འམ། འདུ་ཤེས་ཚད་མཆིས་པར་བགྱིད་པ་འམ། ཚད་མ་མཆིས་པར་བགྱིད་པ་འམ། འདུ་བྱེད་ཚད་མཆིས་པར་བགྱིད་པ་འམ། ཚད་མ་མཆིས་པར་བགྱིད་པ་འམ། རྣམ་པར་ཤེས་པ་ཚད་མཆིས་པར་བགྱིད་པ་འམ།
eKangyur, UT4CZ5369-I1KG9145-0000, page 536 (268b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97517#UT22084-014-001-97517