The Perfection of Wisdom in One Hundred Thousand Lines
F.267.b
བརྩོན་འགྲུས་ཀྱི་ཕ་རོལ་ཏུ་ཕྱིན་པ་འདུ་བར་བགྱིད་པ་འམ། ཡངས་པར་བགྱིད་པ་འམ། བསམ་གཏན་གྱི་ཕ་རོལ་ཏུ་ཕྱིན་པ་འདུ་བར་བགྱིད་པ་འམ། ཡངས་པར་བགྱིད་པ་འམ་དེ་ནི། དེའི་དམྱིགས་པ་ཆེན་པོར་འགྱུར་རོ། །བཅོམ་ལྡན་འདས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། ནང་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། ཕྱི་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། ཕྱི་ནང་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། སྟོང་པ་ཉིད་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། ཆེན་པོ་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། དོན་དམ་པ་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། འདུས་བྱས་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། འདུས་མ་བྱས་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། མཐའ་ལས་འདས་པ་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། ཐོག་མ་དང་ཐ་མ་མྱེད་པ་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། དོར་བ་མྱེད་པ་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། རང་བཞིན་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། ཆོས་ཐམས་ཅད་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། རང་གི་མཚན་ཉིད་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། མྱི་དམྱིགས་པ་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། དངོས་པོ་མྱེད་པ་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། ངོ་བོ་ཉིད་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ། དངོས་པོ་མྱེད་པའི་ངོ་བོ་ཉིད་སྟོང་པ་ཉིད་འདུ་བར་བགྱིད་པ་འམ། ཡངས་པར་བགྱིད་པ་འམ་དེ་ནི། དེའི་དམྱིགས་པ་ཆེན་པོར་འགྱུར་རོ། །བཅོམ་ལྡན་འདས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ།
eKangyur, UT4CZ5369-I1KG9145-0000, page 534 (267b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97515#UT22084-014-001-97515