The Perfection of Wisdom in One Hundred Thousand Lines
F.270.b
།དེ་བས་ཀྱང་སོ་སོ་ཡང་དག་པར་རིག་པ་བཞི་ཐོབ་པ་དེ་ལྟ་བུ་ནི་ཆེས་ཉུང་ངོ་། །དེ་བས་ཀྱང་མངོན་པར་ཤེས་པ་དྲུག་ཐོབ་པ་དེ་ལྟ་བུ་ནི་ཆེས་ཉུང་ངོ་། །དེ་བས་ཀྱང་འཛམ་བུའི་གླིང་གི་མྱི་ལས་ཀུན་ཏུ་སྦྱོར་བ་གསུམ་སྤངས་པའི་སླད་དུ། །རྒྱུན་ཏུ་ཞུགས་པར་གྱུར་པ་དེ་ལྟ་བུ་ནི་ཆེས་ཉུང་ངོ་། །དེ་བས་ཀྱང་འདོད་ཆགས་དང་། ཞེ་སྡང་དང་། གཏི་མུག་རྣམས་བསྲབས་པའི་སླད་དུ། ལན་ཅིག་ཕྱིར་འོང་བར་གྱུར་པ་དེ་ལྟ་བུ་ནི་ཆེས་ཉུང་ངོ་། །དེ་བས་ཀྱང་དམ་པ་མ་ལགས་པའི་ཆའི་ཀུན་ཏུ་སྦྱོར་བ་ལྔ་སྤངས་པའི་སླད་དུ། ཕྱིར་མྱི་འོང་བར་གྱུར་པ་དེ་ལྟ་བུ་ནི་ཆེས་ཉུང་ངོ་། །དེ་བས་ཀྱང་བླ་མའི་ཆའི་ཀུན་ཏུ་སྦྱོར་བ་ལྔ་སྤངས་པའི་སླད་དུ། དགྲ་བཅོམ་པར་གྱུར་པ་དེ་ལྟ་བུ་ནི་ཆེས་ཉུང་ངོ་། །དེ་བས་ཀྱང་འཛམ་བུའི་གླིང་གི་མྱི་ལས་རང་བྱང་ཆུབ་ཏུ་ཡང་དག་པར་ཞུགས་པ་དེ་ལྟ་བུ་ནི་ཆེས་ཉུང་ངོ་། །དེ་བས་ཀྱང་འཛམ་བུའི་གླིང་གི་མྱི་ལས་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་དེ་ལྟ་བུ་ནི་ཆེས་ཉུང་ངོ་། །བཅོམ་ལྡན་འདས་ཀྱིས་བཀའ་སྩལ་པ། ཀཽ་ཤི་ཀ་དེ་དེ་བཞིན་ནོ། །དེ་དེ་བཞིན་ཏེ། འཛམ་བུའི་གླིང་གི་མྱི་དེ་དག་ལས་སངས་རྒྱས་ལ་མོས་པ་མྱི་ཕྱེད་པ་དང་ལྡན་པ་དང་། ཆོས་ལ་མོས་པ་མྱི་ཕྱེད་པ་དང་ལྡན་པ་དང་། དགེ་འདུན་ལ་མོས་པ་མྱི་ཕྱེད་པ་དང་ལྡན་པ་དང་། སངས་རྒྱས་ལ་ནེམ་ནུར་མྱེད་པ་དང་། ཆོས་ལ་ནེམ་ནུར་མྱེད་པ་དང་། དགེ་འདུན་ལ་ནེམ་ནུར་མྱེད་པ་དེ་ལྟ་བུ་ནི་ཉུང་ངོ་། །དེ་བས་ཀྱང་སངས་རྒྱས་ལ་ཤིན་ཏུ་རྟོན་པ་དང་། ཆོས་ལ་ཤིན་ཏུ་རྟོན་པ་དང་། དགེ་འདུན་ལ་ཤིན་ཏུ་རྟོན་པ་དེ་ལྟ་བུ་ནི་ཆེས་ཉུང་ངོ་། །དེ་བས་ཀྱང་བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ཐོབ་པ་དེ་ལྟ་བུ་ནི་ཆེས་ཉུང་ངོ་། །དེ་བས་ཀྱང་རྒྱུན་ཏུ་ཞུགས་པར་གྱུར་པ་དེ་ལྟ་བུ་ནི་ཆེས་ཉུང་ངོ་། །དེ་བས་ཀྱང་ལན་ཅིག་ཕྱིར་འོང་བར་གྱུར་པ་དེ་ལྟ་བུ་ནི་ཆེས་ཉུང་ངོ་། །དེ་བས་ཀྱང་ཕྱིར་མྱི་འོང་བར་གྱུར་པ་དེ་ལྟ་བུ་ནི་ཆེས་ཉུང་ངོ་། །
eKangyur, UT4CZ5369-I1KG9144-0000, page 540 (270b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96750#UT22084-014-001-96750