The Perfection of Wisdom in One Hundred Thousand Lines
F.271.a
དེ་བས་ཀྱང་དགྲ་བཅོམ་པར་གྱུར་པ་དེ་ལྟ་བུ་ནི་ཆེས་ཉུང་ངོ་། །དེ་བས་ཀྱང་རང་བྱང་ཆུབ་ཏུ་ཡང་དག་པར་ཞུགས་པ་དེ་ལྟ་བུ་ནི་ཆེས་ཉུང་ངོ་། །དེ་བས་ཀྱང་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་དེ་ལྟ་བུ་ནི་ཆེས་ཉུང་ངོ་། །དེ་བས་ཀྱང་བྱང་ཆུབ་ཏུ་སྤྱོད་པར་གྱུར་པ་དེ་ལྟ་བུ་ནི་ཆེས་ཉུང་ངོ་། །དེ་ཅིའི་ཕྱིར་ཞེ་ན། དེ་ནི་འདི་ལྟར་སྔོན་འཁོར་བ་ན་འཁོར་བའི་ཚེ། སངས་རྒྱས་མ་མཐོང་བ་དང་། ཆོས་མ་ཐོས་པ་དང་། དགེ་འདུན་བསྙེན་མ་བཀུར་བ་དང་། སྦྱིན་པ་མ་བྱིན་པ་དང་། ཚུལ་ཁྲིམས་མ་བསྲུངས་པ་དང་། བཟོད་པ་མ་བསྒོམས་པ་དང་། བརྩོན་འགྲུས་མ་བརྩོམས་པ་དང་། བསམ་གཏན་རྣམས་མ་བསྒོམས་པ་དང་། ཤེས་རབ་མ་བསྒོམས་པ་དང་། སྦྱིན་པའི་ཕ་རོལ་ཏུ་ཕྱིནད་པ་མ་ཐོས་མ་བསྒོམས་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་མ་ཐོས་མ་བསྒོམས་པ་དང་། བཟོད་པའི་ཕ་རོལ་ཏུ་ཕྱིན་པ་མ་ཐོས་མ་བསྒོམས་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་མ་ཐོས་མ་བསྒོམས་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་མ་ཐོས་མ་བསྒོམས་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་མ་ཐོས་མ་བསྒོམས་པ་དང་། ནང་སྟོང་པ་ཉིད་མ་ཐོས་མ་བསྒོམས་པ་དང་། ཕྱི་སྟོང་པ་ཉིད་མ་ཐོས་མ་བསྒོམས་པ་དང་། ཕྱི་ནང་སྟོང་པ་ཉིད་མ་ཐོས་མ་བསྒོམས་པ་དང་། སྟོང་པ་ཉིད་སྟོང་པ་ཉིད་མ་ཐོས་མ་བསྒོམས་པ་དང་། ཆེན་པོ་སྟོང་པ་ཉིད་མ་ཐོས་མ་བསྒོམས་པ་དང་། དོན་དམ་པ་སྟོང་པ་ཉིད་མ་ཐོས་མ་བསྒོམས་པ་དང་། འདུས་བྱས་སྟོང་པ་ཉིད་མ་ཐོས་མ་བསྒོམས་པ་དང་། འདུས་མ་བྱས་སྟོང་པ་ཉིད་མ་ཐོས་མ་བསྒོམས་པ་དང་། མཐའ་ལས་འདས་པ་སྟོང་པ་ཉིད་མ་ཐོས་མ་བསྒོམས་པ་དང་། ཐོག་མ་དང་ཐ་མ་མྱེད་པ་སྟོང་པ་ཉིད་མ་ཐོས་མ་བསྒོམས་པ་དང་། དོར་བ་མྱེད་པ་སྟོང་པ་ཉིད་མ་ཐོས་མ་བསྒོམས་པ་དང་།
eKangyur, UT4CZ5369-I1KG9144-0000, page 541 (271a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96751#UT22084-014-001-96751