The Perfection of Wisdom in One Hundred Thousand Lines
F.268.a
བླགས་པ་དང་། ཀུན་ཆུབ་པར་བྱས་པ་དང་། ཚུལ་བཞིན་དུ་ཡིད་ལ་བྱས་པ་དང་། མེ་ཏོག་དང་། ཕྲེང་བ་དང་། དྲི་དང་། བྱུག་པ་དང་། ཕྱེ་མ་དང་། ན་བཟའ་དང་། གདུགས་དང་། རྒྱལ་མཚན་དང་། བ་དན་མང་པོས་རིམ་གྲོ་དང་། བཀུར་སྟི་དང་ཕུ་དུད་དང་། མཆོད་པ་བྱས་ན་འདི་ཉིད་དེ་བས་བསོད་ནམས་ཆེས་མང་དུ་འཕེལ་ལོ། །ཀཽ་ཤི་ཀ་དེ་ཅིའི་ཕྱིར་ཞེ་ན། ཕ་རོལ་ཏུ་ཕྱིན་པ་ལྔ་ཡང་འདི་ལས་བྱུང་ངོ་། །ནང་སྟོང་པ་ཉིད་ཀྱང་འདི་ལས་བྱུང་ངོ་། །ཕྱི་སྟོང་པ་ཉིད་ཀྱང་འདི་ལས་བྱུང་ངོ་། །ཕྱི་ནང་སྟོང་པ་ཉིད་ཀྱང་འདི་ལས་བྱུང་ངོ་། །སྟོང་པ་ཉིད་སྟོང་པ་ཉིད་ཀྱང་འདི་ལས་བྱུང་ངོ་། །ཆེན་པོ་སྟོང་པ་ཉིད་ཀྱང་འདི་ལས་བྱུང་ངོ་། །དོན་དམ་པ་སྟོང་པ་ཉིད་ཀྱང་འདི་ལས་བྱུང་ངོ་། །འདུས་བྱས་སྟོང་པ་ཉིད་ཀྱང་འདི་ལས་བྱུང་ངོ་། །འདུས་མ་བྱས་སྟོང་པ་ཉིད་ཀྱང་འདི་ལས་བྱུང་ངོ་། །མཐའ་ལས་འདས་པ་སྟོང་པ་ཉིད་ཀྱང་འདི་ལས་བྱུང་ངོ་། །ཐོག་མ་དང་ཐ་མ་མྱེད་པ་སྟོང་པ་ཉིད་ཀྱང་འདི་ལས་བྱུང་ངོ་། །དོར་བ་མྱེད་པ་སྟོང་པ་ཉིད་ཀྱང་འདི་ལས་བྱུང་ངོ་། །རང་བཞིན་སྟོང་པ་ཉིད་ཀྱང་འདི་ལས་བྱུང་ངོ་། །ཆོས་ཐམས་ཅད་སྟོང་པ་ཉིད་ཀྱང་འདི་ལས་བྱུང་ངོ་། །རང་གི་མཚན་ཉིད་སྟོང་པ་ཉིད་ཀྱང་འདི་ལས་བྱུང་ངོ་། །མྱི་དམྱིགས་པ་སྟོང་པ་ཉིད་ཀྱང་འདི་ལས་བྱུང་ངོ་། །དངོས་པོ་མྱེད་པ་སྟོང་པ་ཉིད་ཀྱང་འདི་ལས་བྱུང་ངོ་། །ངོ་བོ་ཉིད་སྟོང་པ་ཉིད་ཀྱང་འདི་ལས་བྱུང་ངོ་། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱང་འདི་ལས་བྱུང་ངོ་། །དྲན་པ་ཉེ་བར་གཞག་པ་བཞི་ཡང་འདི་ལས་བྱུང་ངོ་། །ཡང་དག་པར་སྤོང་བ་བཞི་ཡང་འདི་ལས་བྱུང་ངོ་། །རྫུ་འཕྲུལ་གྱི་རྐང་པ་བཞི་ཡང་འདི་ལས་བྱུང་ངོ་། །དབང་པོ་ལྔ་ཡང་འདི་ལས་བྱུང་ངོ་། །སྟོབས་ལྔ་ཡང་འདི་ལས་བྱུང་ངོ་། །བྱང་ཆུབ་ཀྱི་ཡན་ལག་བདུན་ཡང་འདི་ལས་བྱུང་ངོ་། །འཕགས་པའི་ལམ་ཡན་ལག་བརྒྱད་པ་ཡང་འདི་ལས་བྱུང་ངོ་། །འཕགས་པའི་བདེན་པ་བཞི་ཡང་འདི་ལས་བྱུང་ངོ་།
eKangyur, UT4CZ5369-I1KG9144-0000, page 535 (268a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-99230#UT22084-014-001-99230