The Perfection of Wisdom in One Hundred Thousand Lines
F.268.b
།འཕགས་པའི་བདེན་པ་བཞི་ཡང་འདི་ལས་བྱུང་ངོ་། །བསམ་གཏན་བཞི་ཡང་འདི་ལས་བྱུང་ངོ་། །ཚད་མྱེད་པ་བཞི་ཡང་འདི་ལས་བྱུང་ངོ་། །གཟུགས་མྱེད་པའི་སྙོམས་པར་འཇུག་པ་བཞི་ཡང་འདི་ལས་བྱུང་ངོ་། །རྣམ་པར་ཐར་པ་བརྒྱད་ཀྱང་འདི་ལས་བྱུང་ངོ་། །མཐར་ཀྱིས་གནས་པའི་སྙོམས་པར་འཇུག་པ་དགུ་ཡང་འདི་ལས་བྱུང་ངོ་། །རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ཡང་འདི་ལས་བྱུང་ངོ་། །མངོན་པར་ཤེས་པ་ལྔ་ཡང་འདི་ལས་བྱུང་ངོ་། །ཏིང་ངེ་འཛིན་ཐམས་ཅད་ཀྱང་འདི་ལས་བྱུང་ངོ་། །གཟུངས་ཀྱི་སྒོ་ཐམས་ཅད་ཀྱང་འདི་ལས་བྱུང་ངོ་། །དེ་བཞིན་གཤེགས་པའི་སྟོབས་བཅུ་ཡང་འདི་ལས་བྱུང་ངོ་། །མྱི་འཇིགས་པ་བཞི་ཡང་འདི་ལས་བྱུང་ངོ་། །སོ་སོ་ཡང་དག་པར་རིག་པ་བཞི་ཡང་འདི་ལས་བྱུང་ངོ་། །བྱམས་པ་ཆེན་པོ་ཡང་འདི་ལས་བྱུང་ངོ་། །སྙིང་རྗེ་ཆེན་པོ་ཡང་འདི་ལས་བྱུང་ངོ་། །སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ཀྱང་འདི་ལས་བྱུང་ངོ་། །སེམས་ཅན་ཡོངས་སུ་སྨྱིན་པར་བྱ་བ་ཡང་འདི་ལས་བྱུང་ངོ་། །སངས་རྒྱས་ཀྱི་ཞིང་ཕུན་སུམ་ཚོགས་པ་ཡང་འདི་ལས་བྱུང་ངོ་། །བྱང་ཆུབ་སེམས་དཔའ་སེམས་དཔའ་ཆེན་པོའི་རིགས་ཕུན་སུམ་ཚོགས་པ་ཡང་འདི་ལས་བྱུང་ངོ་། །གཟུགས་ཕུན་སུམ་ཚོགས་པ་ཡང་འདི་ལས་བྱུང་ངོ་། །ལོངས་སྤྱོད་ཕུན་སུམ་ཚོགས་པ་ཡང་འདི་ལས་བྱུང་ངོ་། །འཁོར་ཕུན་སུམ་ཚོགས་པ་ཡང་འདི་ལས་བྱུང་ངོ་། །བྱམས་པ་ཆེན་པོ་ཡང་འདི་ལས་བྱུང་ངོ་། །སྙིང་རྗེ་ཆེན་པོ་ཡང་འདི་ལས་བྱུང་ངོ་། །རྒྱལ་རིགས་ཆེ་ཞིང་མཐོ་བ་ཡང་འདི་ལས་བྱུང་ངོ་། །བྲམ་ཟེའི་རིགས་ཆེ་ཞིང་མཐོ་བ་ཡང་འདི་ལས་བྱུང་ངོ་། །ཁྱིམ་བདག་གི་རིགས་ཆེ་ཞིང་མཐོ་བ་ཡང་འདི་ལས་བྱུང་ངོ་། །རྒྱལ་ཆེན་བཞིའི་རིས་ཀྱི་ལྷའི་བུ་རྣམས་ཀྱང་འདི་ལས་བྱུང་ངོ་། །སུམ་ཅུ་རྩ་གསུམ་གྱི་ལྷའི་བུ་རྣམས་ཀྱང་འདི་ལས་བྱུང་ངོ་། །མཚེ་མའི་ལྷའི་བུ་རྣམས་ཀྱང་འདི་ལས་བྱུང་ངོ་།
eKangyur, UT4CZ5369-I1KG9144-0000, page 536 (268b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96746#UT22084-014-001-96746