The Perfection of Wisdom in One Hundred Thousand Lines
F.265.b
སུམ་ཅུ་རྩ་གསུམ་གྱི་ལྷའི་བུ་དང་། མཚེ་མའི་ལྷའི་བུ་དང་། དགའ་ལྡན་གྱི་ལྷའི་བུ་དང་། འཕྲུལ་དགའི་ལྷའི་བུ་དང་། གཞན་འཕྲུལ་དབང་བྱེད་ཀྱི་ལྷའི་བུ་དང་། ཚངས་རིས་ཀྱི་ལྷའི་བུ་དང་། ཚངས་ལྷ་ཉེ་ཕན་གྱི་ལྷའི་བུ་དང་། ཚངས་པ་ཀུན་འཁོར་གྱི་ལྷའི་བུ་དང་། ཚངས་ཆེན་གྱི་ལྷའི་བུ་དང་། སྣང་བའི་ལྷའི་བུ་དང་། ཆུང་སྣང་གི་ལྷའི་བུ་དང་། ཚད་མྱེད་སྣང་བའི་ལྷའི་བུ་དང་། ཀུན་སྣང་དང་བའི་ལྷའི་བུ་དང་། དགེ་བའི་ལྷའི་བུ་དང་། ཆུང་དགེའི་ལྷའི་བུ་དང་། ཚད་མེད་དགེ་བའི་ལྷའི་བུ་དང་། དགེ་རྒྱས་ཀྱི་ལྷའི་བུ་དང་། ཆེ་བའི་ལྷའི་བུ་དང་། ཆུང་ཆེའི་ལྷའི་བུ་དང་། ཚད་མྱེད་ཆེ་བའི་ལྷའི་བུ་དང་། འབྲས་བུ་ཆེ་བའི་ལྷའི་བུ་དང་། མྱི་ཆེ་བའི་ལྷའི་བུ་དང་། མྱི་གདུང་བའི་ལྷའི་བུ་དང་། ཤིན་ཏུ་མཐོང་བའི་ལྷའི་བུ་དང་གྱ་ནོམ་སྣང་བའི་ལྷའི་བུ་དང་། འོག་མྱིན་གྱི་ལྷའི་བུ་གང་ཇི་སྙེད་པ་དེ་དག་ཀྱང་རིགས་ཀྱི་བུ་འམ་རིགས་ཀྱི་བུ་མོ་གང་གིས་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་བྲིས་ཤིང་བཅངས་པ་དེ་དག་ལ་རྟག་ཏུ་རྒྱུན་མྱི་འཆད་པར་བསྲུང་བ་དང་། བསྐྱབ་པ་དང་། བསྐྱང་བ་བྱེད་དེ། ལྷའི་བུ་དེ་དག་འོངས་ནས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་རིམ་གྲོ་དང་། བཀུར་སྟི་དང་། ཕུ་དུད་དང་། མཆོད་པ་བྱས་ཤིང་འདོང་བར་འགྱུར་ཏེ། ཀཽ་ཤི་ཀ་དེ་ལྟར་གང་ལ་ལས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བྲིས་ཏེ་བཅངས་ན། དེ་ལ་ཡང་ཚེ་འདིའི་ཡོན་ཏན་དང་ལེགས་པ་དེ་དག་ཡོད་པར་འགྱུར་རོ། །ཀཽ་ཤི་ཀ་འདི་ལྟ་སྟེ་དཔེར་ན། སྙིང་པོ་བྱང་ཆུབ་པ་འམ། སྙིང་པོ་བྱང་ཆུབ་ཀྱི་འཁོར་ཏམ། སྙིང་པོ་བྱང་ཆུབ་ཀྱི་ནང་ན་བྱོལ་སོང་གི་སྐྱེ་གནས་སུ་གཏོགས་པའི་སྲོག་ཆགས་སམ་མྱིར་གྱུར་པ་གང་སུ་འདུག་ཀྱང་རུང་སྟེ། དེ་དག་ལ་མྱི་འམ། མྱི་མ་ཡིན་པས་གཙོ་བ་འམ། ཐོ་བཙམ་པར་མྱི་ནུས་སོ། །དེ་ཅིའི་ཕྱིར་ཞེ་ན། སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་དེ་ལ་བཞུགས་ནས།
eKangyur, UT4CZ5369-I1KG9144-0000, page 530 (265b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96742#UT22084-014-001-96742