The Perfection of Wisdom in One Hundred Thousand Lines
F.352.a
ཅེས་བྱ་བར་དམྱིགས་པའི་ཚུལ་གྱིས་གནས་པར་མྱི་བྱའོ། །དྲན་པ་ཉེ་བར་གཞག་པ་རྣམས་ཀྱི་སྒྲ་ཡོད་པར་མ་འགྱུར་ཅིག །ཡང་དག་པར་སྤོང་བ་རྣམས་ཀྱི་སྒྲ་ཡོད་པར་མ་འགྱུར་ཅིག །རྫུ་འཕྲུལ་གྱི་རྐང་པ་རྣམས་ཀྱི་སྒྲ་ཡོད་པར་མ་འགྱུར་ཅིག། དབང་པོ་རྣམས་ཀྱི་སྒྲ་ཡོད་པར་མ་འགྱུར་ཅིག། ཅེས་བྱ་བར་དམྱིགས་པའི་ཚུལ་གྱིས་གནས་པར་མྱི་བྱའོ། །སྟོབས་རྣམས་ཀྱི་སྒྲ་ཡོད་པར་མ་འགྱུར་ཅིག །བྱང་ཆུབ་ཀྱི་ཡན་ལག་རྣམས་ཀྱི་སྒྲ་ཡོད་པར་མ་འགྱུར་ཅིག །འཕགས་པའི་ལམ་ཡན་ལག་བརྒྱད་པའི་སྒྲ་ཡོད་པར་མ་འགྱུར་ཅིག །འཕགས་པའི་བདེན་པ་རྣམས་ཀྱི་སྒྲ་ཡོད་པར་མ་འགྱུར་ཅིག །ཅེས་བྱ་བར་དམྱིགས་པའི་ཚུལ་གྱིས་གནས་པར་མྱི་བྱའོ། །བསམ་གཏན་རྣམས་ཀྱི་སྒྲ་ཡོད་པར་མ་འགྱུར་ཅིག །ཚད་མྱེད་པ་རྣམས་ཀྱི་སྒྲ་ཡོད་པར་མ་འགྱུར་ཅིག །གཟུགས་མྱེད་པའི་སྙོམས་པར་འཇུག་པ་རྣམས་ཀྱི་སྒྲ་ཡོད་པར་མ་འགྱུར་ཅིག །རྣམ་པར་ཐར་པ་རྣམས་ཀྱི་སྒྲ་ཡོད་པར་མ་འགྱུར་ཅིག །ཅེས་བྱ་བར་དམྱིགས་པའི་ཚུལ་གྱིས་གནས་པར་མྱི་བྱའོ། །མཐར་ཀྱིས་གནས་པའི་སྙོམས་པར་འཇུག་པ་རྣམས་ཀྱི་སྒྲ་ཡོད་པར་མ་འགྱུར་ཅིག །རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པའི་སྒྲ་ཡོད་པར་མ་འགྱུར་ཅིག །མངོན་པར་ཤེས་པ་རྣམས་ཀྱི་སྒྲ་ཡོད་པར་མ་འགྱུར་ཅིག །ཏིང་ངེ་འཛིན་རྣམས་ཀྱི་སྒྲ་ཡོད་པར་མ་འགྱུར་ཅིག །གཟུངས་ཀྱི་སྒོ་རྣམས་ཀྱི་སྒྲ་ཡོད་པར་མ་འགྱུར་ཅིག །ཅེས་བྱ་བར་དམྱིགས་པའི་ཚུལ་གྱིས་གནས་པར་མི་བྱའོ། །དེ་བཞིན་གཤེགས་པའི་སྟོབས་རྣམས་ཀྱི་སྒྲ་ཡོད་པར་མ་འགྱུར་ཅིག །མྱི་འཇིགས་པ་རྣམས་ཀྱི་སྒྲ་ཡོད་པར་མ་འགྱུར་ཅིག །སོ་སོ་ཡང་དག་པར་རིག་པ་རྣམས་ཀྱི་སྒྲ་ཡོད་པར་མ་འགྱུར་ཅིག །ཅེས་བྱ་བར་དམྱིགས་པའི་ཚུལ་གྱིས་གནས་པར་མྱི་བྱའོ། །བྱམས་པ་ཆེན་པོའི་སྒྲ་ཡོད་པར་མ་འགྱུར་ཅིག །སྙིང་རྗེ་ཆེན་པོའི་སྒྲ་ཡོད་པར་མ་འགྱུར་ཅིག །སངས་རྒྱས་ཀྱི་ཆོས་མ་འདྲེས་པ་རྣམས་ཀྱི་སྒྲ་ཡོད་པར་མ་འགྱུར་ཅིག་ཅེས་བྱ་བར་དམྱིགས་པའི་ཚུལ་གྱིས་གནས་པར་མི་བྱའོ།
eKangyur, UT4CZ5369-I1KG9143-0000, page 703 (352a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96163#UT22084-014-001-96163