The Perfection of Wisdom in One Hundred Thousand Lines
F.351.b
རྟེན་ཅིང་འབྲེལ་བར་འབྱུང་བའི་སྒྲ་ཡོད་པར་མ་འགྱུར་ཅིག་ཅེས་བྱ་བར་དམྱིགས་པའི་ཚུལ་གྱིས་གནས་པར་མྱི་བྱའོ། །སྦྱིན་པའི་ཕ་རོལ་ཏུ་ཕྱིན་པའི་སྒྲ་ཡོད་པར་མ་འགྱུར་ཅིག །ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་སྒྲ་ཡོད་པར་མ་འགྱུར་ཅིག །བཟོད་པའི་ཕ་རོལ་ཏུ་ཕྱིན་པའི་སྒྲ་ཡོད་པར་མ་འགྱུར་ཅིག །བརྩོན་འགྲུས་ཀྱི་ཕ་རོལ་ཏུ་ཕྱིན་པའི་སྒྲ་ཡོད་པར་མ་འགྱུར་ཅིག །བསམ་གཏན་གྱི་ཕ་རོལ་ཏུ་ཕྱིན་པའི་སྒྲ་ཡོད་པར་མ་འགྱུར་ཅིག །ཤེས་རབ་ཀྱི་ཕ་རོལ་ཏུ་ཕྱིན་པའི་སྒྲ་ཡོད་པར་མ་འགྱུར་ཅིག་ཅེས་བྱ་བར་དམྱིགས་པའི་ཚུལ་གྱིས་གནས་པར་མི་བྱའོ། །ནང་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །ཕྱི་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །ཕྱི་ནང་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །ཅེས་བྱ་བར་དམྱིགས་པའི་ཚུལ་གྱིས་གནས་པར་མྱི་བྱའོ། །སྟོང་པ་ཉིད་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །ཆེན་པོ་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །དོན་དམ་པ་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །འདུས་བྱས་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །འདུས་མ་བྱས་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག་ཅེས་བྱ་བར་དམྱིགས་པའི་ཚུལ་གྱིས་གནས་པར་མི་བྱའོ། །མཐའ་ལས་འདས་པ་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །ཐོག་མ་དང་ཐ་མ་མྱེད་པ་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །དོར་བ་མེད་པ་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །རང་བཞིན་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །ཅེས་བྱ་བར་དམྱིགས་པའི་ཚུལ་གྱིས་གནས་པར་མི་བྱའོ། །ཆོས་ཐམས་ཅད་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །རང་གི་མཚན་ཉིད་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །མྱི་དམྱིགས་པ་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །ཅེས་བྱ་བར་དམྱིགས་པའི་ཚུལ་གྱིས་གནས་པར་མྱི་བྱའོ། །དངོས་པོ་མྱེད་པ་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །ངོ་བོ་ཉིད་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཀྱི་སྒྲ་ཡོད་པར་མ་འགྱུར་ཅིག །
eKangyur, UT4CZ5369-I1KG9143-0000, page 702 (351b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96162#UT22084-014-001-96162