གཤིན་རྗེ་གཤེད་ནག་པོའི་རྒྱུད།

The Tantra of Black Yamāri
F.146.a

Kṛṣṇayamāri­tantra
F.146.a, volume 83, Degé Kangyur

པདྨའི་མཁའ་འགྲོ་མ། །​ཕྱག་དྲུག་པདྨ་འཛིན་པའོ། །​བྱང་དུ་ལས་ཀྱི་མཁའ་འགྲོ་མ། །​རལ་གྲི་འཛིན་པའི་དཀྱིལ་འཁོར་རིམ་པའོ། །​མེ་ལ་སོགས་པ་མཚམས་བཞི་རུ། །​ལྷ་མོ་བསྒོམ་བྱ་བརྟུལ་ཞུགས་ཅན། །​ལཱ་སྱེ་མཱ་ལེ་དེ་བཞིན་གར། །​གླུ་མ་ཡི་ནི་ཁྱད་པར་རོ། །​ལས་ཀྱི་ཆོ་ག་མཐོང་བ་ཡིས། །​དེར་ནི་སྒོ་སྐྱོང་བསྒོམ་པར་བྱ། །​ཐོ་བ་དབྱིག་པ་དང་པདྨ། །​དེ་བཞིན་གཞན་ནི་རལ་གྲིའོ། །​ཨོྃ་བཛྲ་ཌཱ་ཀི་ནཱི། ཨོྃ་བུདྡྷ་ཌཱ་ཀི་ནཱི། ཨོྃ་རཏྣ་ཌཱ་ཀི་ནཱི། ཨོྃ་པདྨ་ཌཱ་ཀི་ནཱི། ཨོྃ་ཀརྨྨ་ཌཱ་ཀི་ནཱི། ལྃ་ནྃ་གྃ་མྃ། མཚམས་སུའོ། །​ཨོྃ་མུདྒར་ཛཿཨོཾ་དཎྜ་ཧཱུྃ། ཨོྃ་པདྨ་བྃ། ཨོྃ་ཁངྒ་ཧོཿ །​འདི་ནི་བཅོམ་ལྡན་འདས་རྡོ་རྗེ་ཅན་གྱིས་རྡོ་རྗེ་མཁའ་འགྲོ་མའི་སྒྲུབ་ཐབས་གསུངས་པའོ། །​རིང་པོའི་ཐོས་པ་བསྒྲུབ་དོན་དུ། །​རྡོ་རྗེ་མཁའ་འགྲོ་མ་བསྒོམ་བྱ། །​དེར་ནི་གསང་སྔགས་ཀྱི་དངོས་གྲུབ་འགྲུབ་པར་འགྱུར་ཏེ། །​ཨོྃ་ཨཱ་ཀི་ཤ་ཙ་ར་བཛྲ་ཌཱ་ཀི་ནཱི་སྭཱ་ཧཱ། དེ་ནས་ཡང་དག་བཤད་བྱ་བ། །​རྡོ་རྗེས་འོག་སྒྲུབ་ཐབས་སོ། །​ས་འོག་རྣམ་པར་བསྒྲུབ་དོན་དུ། །​གནོད་མཛེས་རྡོ་རྗེ་བསྒོམ་པར་བྱ། །​ཕྱག་དྲུག་མདོག་སྔོན་འཇིགས་པ་ཡི། །​ཕྱག་ཏུ་གཏུན་ཤིང་དགོད་པར་བྱ། །​དཀྱིལ་འཁོར་གྱི་ནི་དཀྱིལ་དག་ཏུ། །​འདི་ནི་རབ་ཏུ་དགོད་པར་བྱ། །​ཤར་དུ་སྤྱན་མ་དགོད་པར་བྱ། །​དེ་བཞིན་ལྷོ་རུ་མཱ་མ་ཀཱི། །​ནུབ་ཏུ་ལྷ་མོ་གོས་དཀར་མོ། །​སྒྲོལ་མ་བྱང་གི་ཕྱོགས་སུ་དགོད། །​མེ་ཏོག་སྤོས་དང་དེ་བཞིན་དྲི། །​མར་མེ་ལ་སོགས་མཚམས་སུ་དགོད། །​ཐོབ་ལ་སོགས་སྒོ་དྲུང་སྟེ། །​སྦྲུལ་གྱིས་བརྒྱན་པའི་སྐ་རགས་བྱས། །ལས་ཀྱི་ཆོ་ག་མཐོང་ནས་ནི། །​དཀྱིལ་འཁོར་འདི་ལྟར་བསྒོམ་པར་བྱ། །​རྡོ་རྗེ་ས་འོག་སྦྱོར་ལྡན་པས། །​རྨི་ལམ་དུ་ནི་ལམ་མཐོང་འགྱུར། །​དེ་ནས་ཡང་དག་བཤད་བྱ་བ། །​བདུན་པའི་རྒྱལ་པོའི་དཀྱིལ་འཁོར་ཏེ། །​མཁའ་སྤྱོད་ཉིད་ནི་རབ་བསྒྲུབ་ཕྱིར། །​རྟ་ཡི་མཆོག་ནི་རབ་ཏུ་བསྒྲུབ། །​ཕྱག་གཉིས་པ་ལ་ཞལ་གཅིག་པ། །​སྐུ་མདོག་ལྗང་གུ་འཇིགས་པར་བྱེད། །​ཉི་མའི་དཀྱིལ་འཁོར་སྟེང་དུ་གཞག །​རྟ་ཡི་གདོང་པ་རབ་མཛེས་པས། །​གཡས་པ་སྲད་བུ་ཁུ་ཚུར་བཅས། །​ཕྱག་གཡོན་པ་ནི་ཐོད་པའོ། །​ཨོྃ་ཕུྃཤ་ཕུྃ་ཕུྃ་ཧི་ཧི་ཧི། གསང་

eKangyur, UT4CZ5369-I1KG9209-0000, page 291 (146a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://84000.co/translation/toh467/UT22084-083-015-1305#UT22084-083-015-1305