The Practice Manual of Noble Tārā Kurukullā
F.35.b
སེམས་དེ་ཡིས་ནི་དབང་དུ་བྱེད། །འགྲོ་བ་ཐམས་ཅད་དབང་བྱས་ནས། །སངས་རྒྱས་བྱང་ཆུབ་ངེས་པར་སྤྱོད། །འདི་ནི་དབང་དུ་བྱ་བའི་ཆོ་གའོ། །རྣམ་པ་ཀུན་མཁྱེན་ཞེས་བྱ་བ། །ཤེས་རབ་མེད་པར་ཐོབ་མི་འགྱུར། །དེ་ཕྱིར་དེ་ཐོབ་འདོད་པ་གང་། །ཤེས་རབ་རྣོན་པོ་བསྒྲུབ་པར་བྱ། །བཟླས་དང་སྦྱིན་སྲེག་སྦྱོར་བ་ཡིས། །ཆོས་རྣམས་ཀུན་ལ་སྤྱོད་པའོ། །བློ་ནི་དག་གསལ་དྲི་མ་མེད། །དེ་ཉིད་ཤེས་རབ་ཕ་རོལ་ཕྱིན། །རྣལ་འབྱོར་པ་ནི་གྲོལ་བར་འགྱུར། །གྲི་ཧ་པི་དའི་ལོ་མ་དང་། །ཤ་ཏི་དང་ནི་ཤིང་མངར་དང་། །བྲམ་ཟེ་མོ་དང་མ་ག་ཏ། །སྦྲང་དང་བཅས་པས་བཟའ་བར་བྱ། །ཤེས་རབ་འཕེལ་བར་བྱ་བའི་ཆོ་གའོ།། །།དུག་རྗེས་སྦྲང་རྩི་མར་དང་བཅས། །འཁོར་ལོ་བཟང་རྩ་དེ་བཞིན་ཏེ། །མཆེ་བའི་དུག་གིས་བཟུང་བ་ལ། །བསྐུས་དང་འཐུངས་པས་ཞི་བར་མཛད། །དུག་གཞིལ་བའི་སྨན་ནོ། །ཛ་རི་ཙཎྜཱ་ལི་དག་དང་། །ནད་པའི་སྡི་ནི་མར་ཁུར་བཅས། །ལུས་ཀྱི་སྲིན་བུ་ཤི་བའི་རོ། །ཟོས་ནས་དབང་དུ་འགྱུར་བ་ཡིན། །དབང་དུ་བྱ་བའི་སྨན་ནོ། །དུག་འགུགས་པས་ནི་འགྲོ་བ་ཞི། །ཤེས་རབ་འཕེལ་བས་སངས་རྒྱས་ཉིད། །ཆོས་ཀྱི་འཁོར་ལོ་སྐོར་བ་ནི། །སྐད་ཅིག་གིས་ནི་དབང་བྱེད་འགྱུར། །བདག་གཞན་དོན་རབ་བསྒྲུབ་པ་ལ། །ཐེག་པ་ཆེན་པོར་ཐབས་གཞན་མེད། །རིག་པ་ལན་གཅིག་བསྒྲུབས་པ་ཡིས། །འཕྲལ་དུ་ཡིད་ཆེས་བྱེད་པ་ཡིན། །ཧྲཱིཿཡིག་མྱོས་པའི་སྣོད་བསམས་ནས། །བུད་མེད་རྣམས་ནི་འཛག་པར་འགྱུར། །ལྕེ་སྙིང་དཀྱིལ་དུ་ཧྲཱིཿདེ་ཉིད། །བསམས་ན་བློ་རྣམས་སྐྱེ་བར་བྱེད། །མཆེ་བས་བཟུང་བ་ལས་བསྒོམས་པ། །ཆོས་ཀྱི་ཡི་གེ་མཛེས་པ་ཡིས། །ཡི་གེ་དག་ནི་དུག་ཞི་བྱེད། །སྒྲོལ་མའི་སྙིང་པོ་ཁམས་གསུམ་ལས། །རྒྱལ་བ་ཡིན་པར་བརྩེ་བ་ཅན་གྱིས་རྣམ་ཤེས་བྱ། །ངག་གི་སྐྱོན་རྣམས་ཟད་པས་དུག་སེལ་སེམས་ཀྱི་སྐྱོན་སྤངས་པས། །ཤེས་རབ་འཕེལ་འགྱུར་ལུས་ཀྱི་སྐྱོན་རྣམས་ཟད་པས་དབང་དུ་བྱེད། །དེ་ཕྱིར་འགྲོ་འདི་མི་དགེ་ལ་ཞེན་དངོས་གྲུབ་ཐོབ་མི་འགྱུར། །དེ་ཕྱིར་རྒྱལ་བའི་སྲས་ཀྱིས་ཕན་ཕྱིར་སྡིག་རྣམས་སྤང་བར་བྱ་ཕྱིར་བགྱི། །ཕྱག་རྒྱ་བཅིང་བའི་ཁྱད་པར་གྱིས་ནི་ངེས་པར་ལུས་ཀྱི་སྐྱོན་རྣམས་ཟད་པར་འགྱུར། །
སེམས་དེ་ཡིས་ནི་དབང་དུ་བྱེད། །འགྲོ་བ་ཐམས་ཅད་དབང་བྱས་ནས། །སངས་རྒྱས་བྱང་ཆུབ་ངེས་པར་སྤྱོད། །འདི་ནི་དབང་དུ་བྱ་བའི་ཆོ་གའོ། །རྣམ་པ་ཀུན་མཁྱེན་ཞེས་བྱ་བ། །ཤེས་རབ་མེད་པར་ཐོབ་མི་འགྱུར། །དེ་ཕྱིར་དེ་ཐོབ་འདོད་པ་གང་། །ཤེས་རབ་རྣོན་པོ་བསྒྲུབ་པར་བྱ། །བཟླས་དང་སྦྱིན་སྲེག་སྦྱོར་བ་ཡིས། །ཆོས་རྣམས་ཀུན་ལ་སྤྱོད་པའོ། །བློ་ནི་དག་གསལ་དྲི་མ་མེད། །དེ་ཉིད་ཤེས་རབ་ཕ་རོལ་ཕྱིན། །རྣལ་འབྱོར་པ་ནི་གྲོལ་བར་འགྱུར། །གྲི་ཧ་པི་དའི་ལོ་མ་དང་། །ཤ་ཏི་དང་ནི་ཤིང་མངར་དང་། །བྲམ་ཟེ་མོ་དང་མ་ག་ཏ། །སྦྲང་དང་བཅས་པས་བཟའ་བར་བྱ། །ཤེས་རབ་འཕེལ་བར་བྱ་བའི་ཆོ་གའོ།། །།དུག་རྗེས་སྦྲང་རྩི་མར་དང་བཅས། །འཁོར་ལོ་བཟང་རྩ་དེ་བཞིན་ཏེ། །མཆེ་བའི་དུག་གིས་བཟུང་བ་ལ། །བསྐུས་དང་འཐུངས་པས་ཞི་བར་མཛད། །དུག་གཞིལ་བའི་སྨན་ནོ། །ཛ་རི་ཙཎྜཱ་ལི་དག་དང་། །ནད་པའི་སྡི་ནི་མར་ཁུར་བཅས། །ལུས་ཀྱི་སྲིན་བུ་ཤི་བའི་རོ། །ཟོས་ནས་དབང་དུ་འགྱུར་བ་ཡིན། །དབང་དུ་བྱ་བའི་སྨན་ནོ། །དུག་འགུགས་པས་ནི་འགྲོ་བ་ཞི། །ཤེས་རབ་འཕེལ་བས་སངས་རྒྱས་ཉིད། །ཆོས་ཀྱི་འཁོར་ལོ་སྐོར་བ་ནི། །སྐད་ཅིག་གིས་ནི་དབང་བྱེད་འགྱུར། །བདག་གཞན་དོན་རབ་བསྒྲུབ་པ་ལ། །ཐེག་པ་ཆེན་པོར་ཐབས་གཞན་མེད། །རིག་པ་ལན་གཅིག་བསྒྲུབས་པ་ཡིས། །འཕྲལ་དུ་ཡིད་ཆེས་བྱེད་པ་ཡིན། །ཧྲཱིཿཡིག་མྱོས་པའི་སྣོད་བསམས་ནས། །བུད་མེད་རྣམས་ནི་འཛག་པར་འགྱུར། །ལྕེ་སྙིང་དཀྱིལ་དུ་ཧྲཱིཿདེ་ཉིད། །བསམས་ན་བློ་རྣམས་སྐྱེ་བར་བྱེད། །མཆེ་བས་བཟུང་བ་ལས་བསྒོམས་པ། །ཆོས་ཀྱི་ཡི་གེ་མཛེས་པ་ཡིས། །ཡི་གེ་དག་ནི་དུག་ཞི་བྱེད། །སྒྲོལ་མའི་སྙིང་པོ་ཁམས་གསུམ་ལས། །རྒྱལ་བ་ཡིན་པར་བརྩེ་བ་ཅན་གྱིས་རྣམ་ཤེས་བྱ། །ངག་གི་སྐྱོན་རྣམས་ཟད་པས་དུག་སེལ་སེམས་ཀྱི་སྐྱོན་སྤངས་པས། །ཤེས་རབ་འཕེལ་འགྱུར་ལུས་ཀྱི་སྐྱོན་རྣམས་ཟད་པས་དབང་དུ་བྱེད། །དེ་ཕྱིར་འགྲོ་འདི་མི་དགེ་ལ་ཞེན་དངོས་གྲུབ་ཐོབ་མི་འགྱུར། །དེ་ཕྱིར་རྒྱལ་བའི་སྲས་ཀྱིས་ཕན་ཕྱིར་སྡིག་རྣམས་སྤང་བར་བྱ་ཕྱིར་བགྱི། །ཕྱག་རྒྱ་བཅིང་བའི་ཁྱད་པར་གྱིས་ནི་ངེས་པར་ལུས་ཀྱི་སྐྱོན་རྣམས་ཟད་པར་འགྱུར། །
eKangyur, UT4CZ5369-I1KG9207-0000, page 70 (35b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh437/UT22084-081-006-1508#UT22084-081-006-1508