འཕགས་མ་སྒྲོལ་མ་ཀུ་རུ་ཀུལླེའི་རྟོག་པ།

The Practice Manual of Noble ​Tārā​ Kurukullā​
F.29.b

Ārya­tārā­kurukullā­kalpa
F.29.b, volume 81, Degé Kangyur

༄༅༅། །​རྒྱ་གར་སྐད་དུ། ཨཱརྱ་ཏཱ་རེ་ཀུ་རུ་ཀུལླེ་ཀལྤ། བོད་སྐད་དུ། འཕགས་མ་སྒྲོལ་མ་ཀུ་རུ་ཀུ་ལླེའི་རྟོག་པ། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །​འཕགས་མ་ལྷ་མོ་སྒྲོལ་མ་ལ་ཕྱག་འཚལ་ལོ། །​སྒྲོལ་མ་འབྱུང་བའི་རྣལ་འབྱོར་རྒྱ་མཚོའི་རྒྱུད་ཀྱི་ནི། །​གཞུང་དང་རྟོག་པ་ཉམས་ཤིང་ནུབ་པར་གྱུར་ནས་ཡང་། །​སྒྲོལ་མ་འབྱུང་བའི་ཏིང་འཛིན་ཞེས་བྱ་རྒྱུད་ཀྱི་གཙོ། །​དེ་ཡང་ནུབ་པར་གྱུར་ནས་རྟོག་པ་འདི་ཡང་འབྱུང་། །​སེམས་ཅན་མང་པོའི་དོན་དུ་རྣལ་འབྱོར་པ། །​རྒྱས་པར་བསྟན་པའི་རྒྱུད་ལས་བསྡུས་བྱས་ནས། །​རྟོག་པ་འདི་ནི་འཇིག་རྟེན་དབང་ཕྱུག་གསུངས། །​བྱང་ཆུབ་སེམས་དཔའ་ཐམས་ཅད་མཉན་པར་གྱིས། །​འཇིག་རྟེན་སྐྱབས་མེད་གྱུར་ལ་རྣམ་བལྟས་ནས། །​འགྲོ་ཀུན་དོན་བྱེད་པ་ཡི་ཚུལ་འདི་ནི། །​སྡུག་བསྔལ་གསུམ་གྱིས་སྡུག་བསྔལ་གྱུར་བལྟས་ནས། །​གུས་པ་ཆེན་པོས་ཁྱོད་ཀྱིས་བླང་བར་བྱོས། །​འཇིག་རྟེན་རྣམ་རྟོག་ཞི་བར་བྱ་ཕྱིར་རྟོག་པ་འདི། །​སངས་རྒྱས་ཐམས་ཅད་ཀྱིས་ནི་རབ་ཏུ་གསུངས། །​དཔལ་ལྡན་གྲུ་འཛིན་རི་ལ་འཇམ་དཔལ་དང་། །​པདྨ་བསྣམས་དང་རྒྱལ་བར་བྱེད་པ་དང་། །​སྒྲིབ་པ་རྣམ་སེལ་བློ་གྲོས་རྒྱ་མཚོ་དང་། །​བྱམས་པ་ལ་སོགས་ཚོགས་རྣམས་ཐམས་ཅད་ཀྱིས། །​གང་ཡང་ཆོས་ཀྱི་ཚིག་འདི་ཐོས་གྱུར་ནས། །​རྗེས་སུ་ཡི་རང་སྤྱི་བོས་གུས་ཕྱག་བྱས། །​རྒྱལ་བའི་སྲས་ཀྱིས་མངའ་བྱས་བསྟོད་པ་འམ། །​ཡང་ན་གླུ་དང་དབྱངས་དག་བྱས་པ་ཡིས། །​སྣ་ཚོགས་གར་གྱིས་འདི་ནི་མཆོད་པ་བྱས། །​གནོད་སྦྱིན་སྲིན་པོ་ཡི་དགས་འཇིག་རྟེན་དང་། །​སྣ་ཚོགས་བུ་མོ་དང་ནི་རྒྱུ་སྐར་དང་། །​ས་ཡི་དབང་དང་ལག་ན་རྡོ་རྗེ་དང་། །​རླབས་རྣམས་སྣ་ཚོགས་ཅན་གང་གནས་པ་ཡི། །​ཀླུ་ཡི་བུ་མོ་ཟུར་གྱིས་བལྟ་བས་ལྟ་བ་དང་། །​ས་འོག་སྐྱོང་དང་ལྷ་དབང་གྲུབ་པའི་བུ་མོས་མཆོད། །​དྲི་ཟའི་རྒྱལ་མོ་ནུ་མ་ཤིན་ཏུ་རྒྱས་པ་དང་། །​རིག་པ་འཛིན་དང་མི་འམ་ཅི་ཡི་ཆུང་མ་དང་། །​གནོད་སྦྱིན་ཆུང་མ་རི་ཡི་བུ་མོའི་བུ་དག་ནི། །​གང་ཡིན་བདག་དང་སྐྱབས་མེད་ཅེས་ནི་འདི་སྐད་སྨྲ། །​གང་ཕྱིར་སྐྱབས་མེད་སྐྱབས་གྱུར་སངས་རྒྱས་བསྟན་པ་འདིར། །​མགོན་མེད་མགོན་གྱུར་འཇིག་རྟེན་མགོན་པོ་ཁྱོད། །

eKangyur, UT4CZ5369-I1KG9207-0000, page 58 (29b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh437/UT22084-081-006-1496#UT22084-081-006-1496