སྟག་རྣའི་རྟོགས་པ་བརྗོད་པ།

The Exemplary Tale of Śārdūlakarṇa
F.264.b

Śārdūla­karṇāvadāna
F.264.b, volume 76, Degé Kangyur

བྱ་བའོ། །​ཐ་སྐར་ལ་ནི་སྐྱེས་པ་དང་། བུད་མེད་དང་། རྟ་སྦྱར་བ་དང་། མེ་ཐབ་བྱ་བ་དང་། རྟ་བསྒྲུབ་པ་དང་། ཤིང་རྟ་བྱ་བ་དང་། བུ་ལོན་བྱ་བ་དང་། ས་བོན་གདབ་པ་དང་། རྟ་དང་གླང་པོ་གདུལ་བ་དང་། གར་བྱ་བ་དང་། སྨན་སྦྱར་བ་དང་། སྨན་གཏང་བར་བཟང་ངོ་། །​དེ་ལ་སྐྱེས་པ་ནི་བལྟ་ན་སྡུག་པ་དང་། ཡིད་གཞུངས་པ་དང་། རྒྱལ་པོའི་གནང་ཆེན་ཕུན་སུམ་ཚོགས་པ་དང་། ནད་མེད་པ་ལ་བུ་སྐྱེ་ཞིང་སྐལ་བ་བཟང་པོ་དང་ལྡན་པར་འགྱུར་རོ། །​ཆར་ལེགས་པར་འབབ་ཅིང་སྟོར་བ་རྙེད་པར་བསྟན་ཏོ། །​ཐ་སྐར་གྱི་བྱ་བའོ། །​བྲ་ཉེ་ལ་ནི་སྐར་མ་གསུམ་ཡོད་པས། དྲག་པོའི་ལས་བྱ་བ་དང་། བྲན་དང་གླ་པ་བསྐོ་བ་དང་། གླ་པ་བཙལ་བ་དང་། ཆུང་མ་བླང་བར་བཟང་ངོ་། །​དེ་ལ་སྐྱེས་པ་ནི་ཐབ་ཀྲོལ་དང་། བསླུས་པ་བྱེད་པ་དང་། གྱ་གྱུ་ཅན་དང་། བརྫུན་ཆེ་བ་དང་། བློ་རྣོ་བ་དང་། སྡིག་པ་སྤྱོད་པ་དང་། གཙང་སྨེ་ཆུང་བར་འགྱུར་རོ། །​དེ་ལ་སྣད་པ་དང་། ནད་ཀྱིས་བཏབ་པ་སྡུག་བསྔལ་བར་འགྱུར་རོ། །​འགྲོ་བ་སྤང་བར་བྱའོ། །​དེ་ལ་ཆར་ངེས་པར་འབབ་པ་དེ་ལྟར་དྲང་སྲོང་ཆེན་པོ་རྣམས་ཀྱིས་བསྟན་ཏོ། །​རྒྱུ་སྐར་དེའི་ལྷ་གཤིན་རྗེ་ཡིན་པས་ཤི་བའི་ཕྱིར་ཟས་སྦྱིན་ནོ། །​དེ་ལ་སྐྱེས་པ་ནི་ཚུལ་ཁྲིམས་ཉམས་ཤིང་བླ་མ་ལ་གནོད་པ་དང་། ཕ་རོལ་ལ་གནོད་པ་བྱེད་པ་དང་། བརྐམ་ཆགས་ཆེ་བ་དང་། ཕ་རོལ་ལ་དགྲ་བྱེད་པར་འགྱུར་ཏེ། བྲ་ཉེའི་བྱ་བའོ། །​སྨིན་དྲུག་ལ་སོགས་པའི་རྒྱུ་སྐར་བདུན་དང་། བྲ་ཉེའི་བར་འདི་དག་ལས་འདི་ནི་བསྡུ་བར་བྱ་སྟེ། དེ་དག་གི་ནང་ནས་གང་དག་འབྲུ་ཐམས་ཅད་དང་། སྨན་ཐམས་ཅད་ཕུན་སུམ་ཚོགས་པ་ལ་གནོད་པར་བྱེད་པའི་གཟའ་གནས་པས་བསྲུང་བར་བྱའོ། །​གཞན་ཡང་རྒྱུ་སྐར་རྣམས་ཀྱི་མིང་གི་ལེའུ་བཤད་པར་བྱ་སྟེ། ཀྱེ་པད་མའི་སྙིང་པོ་འདི་ལྟ་སྟེ། རྒྱུ་སྐར་བཞི་པོ་འདི་དག་ནི་བདེ་བར་བྱེད་པ་སྟེ། སྨད་གསུམ་དང་སྣར་མའོ། །​དེ་བྲམ་ཟེ་གནས་པར་བྱེད་པ་སྟེ། དེ་ལ་གནས་བྱ་བ་དང་། རྒྱལ་པོ་དབང་བསྐུར་བ་དང་། གང་སོ་སོར་བསྟན་པའི་ལས་རྣམས་བྱ་བར་བཟང་ཞིང་གཞན་

eKangyur, UT4CZ5369-I1KG9202-0000, page 528 (264b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://84000.co/translation/toh358/UT22084-076-012-2006#UT22084-076-012-2006