བསྐལ་པ་བཟང་པོ།

The Good Eon
F.281.b

Bhadra­kalpika
F.281.b, volume 45, Degé Kangyur

མིག་སྦྱིན་མཛད་པ་མྱ་ངན་འདས་ནས་ཀྱང་། །​རྒྱལ་བའི་སྐུ་གདུང་དག་ནི་རྒྱས་པར་འགྱུར། །​དེ་བཞིན་གཤེགས་པ་ལྷ་ཡི་རྒྱལ་པོ་ཡི། །​སྐྱེ་བའི་ཡུལ་ནི་ལྷ་ཡིས་མཆོད་ཅེས་བྱ། །​རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །​སྟོང་ཁམས་གཅིག་ཙམ་ཡབ་ནི་ལྷ་བཟང་ཡིན། །ལྷ་ཡི་དབང་ཕྱུག་མ་ནི་རྒྱལ་བའི་ཡུམ། །​སྲས་པོ་ལྷ་ཡིན་ལྷ་ནི་རིམ་གྲོ་པ། །​ཚངས་པ་འཕགས་ཞེས་བྱ་བ་མཁས་པ་སྟེ། །​ལྷ་དབང་གཙོ་བོ་ཞེས་བྱ་རྫུ་འཕྲུལ་ཅན། །​འདུས་པ་ལན་གྲངས་བརྒྱད་ཅུ་ཀུན་ལ་ཡང་། །​གཟུངས་ཐོབ་བྱང་ཆུབ་དག་ནི་འདོད་པ་པོ། །​ཁྲི་ཕྲག་དག་ནི་དགུ་བཅུ་བཞི་བཞི་ཡོད། །​མི་ཚེ་ལོ་གྲངས་བྱེ་སྟོང་དགུ་བཅུ་དགུ། །​བྱང་ཆུབ་ཏུ་ནི་ཡོངས་སུ་སྨིན་བྱའི་ཕྱིར། །​དམ་ཆོས་ལོ་གྲངས་བརྒྱད་འབུམ་བར་དུ་གནས། །​རྒྱལ་བའི་སྐུ་གདུང་དག་ནི་རྒྱས་འགྱུར་ལ། །​མཆོད་རྟེན་བཟང་པོས་ཞིང་རྣམས་གང་བར་འགྱུར། །​དེ་བཞིན་གཤེགས་པ་ནོར་བུ་གསལ་བ་ཡི། །​སྐྱེ་བའི་ཡུལ་ནི་རིན་ཆེན་གསལ་ཞེས་བྱ། །​རྒྱལ་བའི་རིགས་ནི་རྒྱལ་རིགས་འོད་ཀྱི་ཚད། །​དཔག་ཚད་ཁྲི་ཡོད་ཡབ་ནི་གསལ་བ་ཡིན། །​རིན་ཆེན་མཆོག་ཅེས་བྱ་བ་རྒྱལ་བའི་ཡུམ། །​སྲས་པོ་དགའ་ལྡན་ལེགས་མཐོང་རིམ་གྲོ་པ། །​མིག་སྡུག་པ་ཞེས་བྱ་བ་མཁས་པ་སྟེ། །​རྟག་པ་མཐོང་ཞེས་བྱ་བ་རྫུ་འཕྲུལ་ཅན། །​འདུས་པ་ལན་གྲངས་དྲུག་ཅུ་གཉིས་ཀུན་ལའང་། །​དགྲ་བཅོམ་ཟག་པ་མེད་པའི་བསམ་གཏན་པ། །​བྱེ་བ་ཕྲག་ནི་བདུན་ཅུ་གསུམ་གསུམ་ཡོད། །​མི་ཚེ་ལོ་གྲངས་བདུན་ཁྲི་བཞི་སྟོང་ཡིན། །​འགོག་པར་ཕྱིན་པའི་དམ་པའི་ཆོས་དག་ཀྱང་། །​ལོ་གྲངས་བདུན་ཁྲི་བཞི་སྟོང་བར་དུ་གནས། །​སྐུ་གདུང་མཆོད་རྟེན་དཔག་ཚད་བརྒྱ་པ་གཅིག །​གསེར་དང་ནོར་བུའི་ལྡ་ལྡིས་མཛེས་པར་བྱས། །​དེ་བཞིན་གཤེགས་པ་ནོར་བཟང་སྐྱེ་བ་ཡི། །​ཡུལ་ནི་བསོད་ནམས་རྣམ་པར་བརྒྱན་ཅེས་བྱ། །​རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །​དཔག་ཚད་དགུ་སྟོང་རབ་ཏུ་དགེ་བ་ཡབ། །​ཐར་པའི་རྒྱལ་མཚན་ཞེས་བྱ་རྒྱལ་བའི་ཡུམ། །​སྲས་པོ་སྟོན་བརྩེགས་རྒྱལ་བ་རིམ་གྲོ་པ། །​ཡེ་ཤེས་ང་རོ་ཞེས་བྱ་མཁས་པ་སྟེ། །​མཛེས་པར་གནས་ཞེས་བྱ་བ་རྫུ་འཕྲུལ་ཅན། །​འདུས་པ་ལན་གྲངས་བརྒྱད་ཅུ་ཀུན་ལ་ཡང་། །​ངར་

eKangyur, UT4CZ5369-I1KG9171-0000, page 562 (281b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh94/UT22084-045-001-14416#UT22084-045-001-14416