བསྐལ་པ་བཟང་པོ།

The Good Eon
F.233.b

Bhadra­kalpika
F.233.b, volume 45, Degé Kangyur

ཚད་དགུ་ཡོད་ཡབ་ནི་ལེགས་མཆོད་ཡིན། །​ཟླ་མཆོག་མ་ཞེས་བྱ་བ་རྒྱལ་བའི་ཡུམ། །​སྲས་པོ་ཟླ་བཟང་ཟླ་བ་རིམ་གྲོ་པ། །​བཞིན་ལྡན་ཞེས་ནི་བྱ་བ་མཁས་པ་སྟེ། །​འཇིག་རྟེན་རྣམ་པར་ལྟ་བ་རྫུ་འཕྲུལ་ཅན། །​འདུས་པ་ལན་གྲངས་སུམ་ཅུ་ཀུན་ལ་ཡང་། །​ངར་མི་འཛིན་པ་མཁའ་དང་མཚུངས་པ་པོ། །​བྱེ་བ་ཕྲག་ནི་བདུན་ཅུ་གཉིས་གཉིས་ཡོད། །​མི་ཚེ་ལོ་གྲངས་སུམ་ཁྲི་ཉིས་སྟོང་ཡིན། །​དམ་པའི་ཆོས་དག་ལོ་གྲངས་སྟོང་ཕྲག་ནི། །​སུམ་ཅུ་རྩ་བདུན་བར་དུ་གནས་པར་འགྱུར། །​རྒྱལ་བའི་སྐུ་གདུང་མཆོད་རྟེན་གཅིག་ཡིན་ཏེ། །​གསེར་གྱི་རྒྱལ་མཚན་མཆོག་སྟོང་སྙེད་ཀྱིས་སྤྲས། །​འཇིག་རྟེན་མགོན་པོ་སྒྲ་གཅན་སྐྱེ་བ་ཡི། །​ཡུལ་ནི་ལྷ་མིན་མཆོད་རྟེན་ཞེས་ཀྱང་བྱ། །​རྒྱལ་བའི་རིགས་ནི་རྒྱལ་རིགས་འོད་དཔག་ཚད། །​ཉི་ཤུ་རྩ་གཉིས་ཡབ་ནི་ལྷ་དབང་ཡིན། །​ལྷ་མ་ཡིན་དབང་བདག་མོ་རྒྱལ་བའི་ཡུམ། །​སྲས་པོ་ནོར་ལྡན་ནོར་བཟངས་རིམ་གྲོ་པ། །​དུལ་གནས་དགའ་ཞེས་བྱ་བ་མཁས་པ་སྟེ། །​དགྲ་ཡིས་འཇིགས་པ་མེད་པ་རྫུ་འཕྲུལ་ཅན། །​འདུས་པ་ལན་གྲངས་བཅུ་གཉིས་ཀུན་ལ་ཡང་། །​སྲེད་པ་འགོག་པར་ཐར་ལ་དགའ་བ་པོ། །​ཐེར་འབུམ་ཕྲག་ནི་གསུམ་གསུམ་ཡོད་པར་འགྱུར། །​མི་ཚེ་ལོ་གྲངས་དག་ནི་ཁྲི་ཡང་ཡིན། །​སྲིད་མཐར་ཕྱིན་པ་མྱ་ངན་འདས་ནས་ཀྱང་། །​དམ་ཆོས་ལོ་གྲངས་སྟོང་དུ་གནས་པར་འགྱུར། །​རྒྱལ་བའི་སྐུ་གདུང་དག་ནི་རྒྱས་འགྱུར་ལ། །​སྲིད་པ་གསུམ་པོར་མཆོད་ཅིང་བཀུར་བར་འགྱུར། །​དེ་བཞིན་གཤེགས་པ་བདུད་རྩི་འོད་སྐྱེ་བའི། །​ཡུལ་ནི་ཡོན་ཏན་སྣང་བར་བྱེད་ཅེས་བྱ། །​རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །​དཔག་ཚད་གསུམ་ཡོད་ཡབ་ནི་མཐུ་ལྡན་ཡིན། །​དད་ལྡན་མ་ཞེས་བྱ་བ་རྒྱལ་བའི་ཡུམ། །​སྲས་པོ་གོ་བགོས་དུལ་བ་རིམ་གྲོ་པ། །​བདུད་རྩིའི་ང་རོ་ཞེས་བྱ་མཁས་པ་སྟེ། །​བསམ་གཏན་པ་ལ་དད་བྱེད་རྫུ་འཕྲུལ་ཅན། །འདུས་པ་ལན་གྲངས་དྲུག་ཅུ་དྲུག་ཀུན་ལའང་། །​ཉོན་མོངས་བདུད་ཀུན་འཇོམས་པར་བྱེད་པ་པོ། །​བྱེ་བ་ཕྲག་ནི་བདུན་ཅུ་གཉིས་གཉིས་ཡོད། །​མི་ཚེ་ལོ་གྲངས་བདུན་ཁྲི་ཆིག་སྟོང་ཡིན། །​དམ་ཆོས་ལོ་གྲངས་དྲུག་ཁྲི་དྲུག་སྟོང་གནས། །​རྒྱལ་བའི་སྐུ་གདུང་མཆོད་རྟེན་གཅིག་ཡིན་

eKangyur, UT4CZ5369-I1KG9171-0000, page 466 (233b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh94/UT22084-045-001-14320#UT22084-045-001-14320