བསྐལ་པ་བཟང་པོ།

The Good Eon
F.218.a

Bhadra­kalpika
F.218.a, volume 45, Degé Kangyur

ནི་ལན་སུམ་ཅུ་སྟེ། ཐམས་ཅད་ལ་ཡང་དུང་ཕྱུར་ཕྲག་བདུན་བདུན་ནོ། །​སྐུ་ཚེའི་ཚད་ནི་ལོ་དགུ་ཁྲི་ཉིས་སྟོང་ངོ་། །​དམ་པའི་ཆོས་ཀྱང་ལོ་དགུ་ཁྲི་ཉིས་སྟོང་གི་བར་དུ་གནས་སོ། །​སྐུ་གདུང་ནི་རྒྱས་པར་འགྱུར་རོ། །​དེ་བཞིན་གཤེགས་པ་འཇིགས་མཛད་སྐྱེ་བའི་ཡུལ་ནི་འཇིགས་མཆོག་ཅེས་བྱའོ། །​རིགས་ནི་བྲམ་ཟེའོ། །​འོད་ནི་དཔག་ཚད་སུམ་བརྒྱའོ། །​ཡབ་ནི་དབང་ཕྱུག་ཆེན་པོ་ཞེས་བྱའོ། །​ཡུམ་ནི་དགེ་བ་ཅན་ཞེས་བྱའོ། །​སྲས་ནི་ལྷ་མཆོད་ཅེས་བྱའོ། །​རིམ་གྲོ་པ་ནི་ཡོན་ཏན་གྱི་ཚོགས་ཞེས་བྱའོ། །​ཤེས་རབ་ཅན་རྣམས་ཀྱི་མཆོག་ནི་མི་ཟད་པའི་བློ་ཞེས་བྱའོ། །​རྫུ་འཕྲུལ་ཅན་རྣམས་ཀྱི་མཆོག་ནི་ལྟ་བས་མཐོང་ཞེས་བྱའོ། །​འདུས་པ་ནི་ལན་དྲུག་སྟེ། ཐམས་ཅད་ལ་ཡང་བྱེ་བ་ཕྲག་སྟོང་སྟོང་ངོ་། །​སྐུ་ཚེའི་ཚད་ནི་ལོ་བདུན་སྟོང་ངོ་། །​དམ་པའི་ཆོས་ཀྱང་ལོ་བདུན་སྟོང་གི་བར་དུ་གནས་སོ། །​སྐུ་གདུང་ནི་རིལ་པོ་གཅིག་ཏུ་འདུག་གོ། །​མཆོད་རྟེན་ཡང་གཅིག་ཏུ་ཟད་དོ། །​དེ་བཞིན་གཤེགས་པ་ཆུ་བོ་སྤོང་བ་སྐྱེ་བའི་ཡུལ་ནི་བཀོད་པ་གསལ་བ་ཞེས་བྱའོ། །​རིགས་ནི་རྒྱལ་རིགས་སོ། །​འོད་ནི་དཔག་ཚད་བཞི་བཅུའོ། །​ཡབ་ནི་དཔའ་བའི་འོད་ཅེས་བྱའོ། །​ཡུམ་ནི་འདམ་ལས་རྒལ་ཞེས་བྱའོ། །​སྲས་ནི་ཡུལ་འཁོར་ཁ་ལོ་སྒྱུར་ཞེས་བྱའོ། །​རིམ་གྲོ་པ་ནི་བལྟ་བཟོད་ཅེས་བྱའོ། །​ཤེས་རབ་ཅན་རྣམས་ཀྱི་མཆོག་ནི་ཁ་ན་མ་ཐོ་བ་མེད་པའི་ལས་ཅན་ཞེས་བྱའོ། །​རྫུ་འཕྲུལ་ཅན་རྣམས་ཀྱི་མཆོག་ནི་རྐང་མི་འཁྱོལ་ཞེས་བྱའོ། །​འདུས་པ་ནི་ལན་དྲུག་སྟེ། ཐམས་ཅད་ལ་ཡང་ཐེར་འབུམ་ཕྲག་དྲུག་ཅུ་དྲུག་ཅུའོ། །​སྐུ་ཚེའི་ཚད་ནི་ལོ་དྲུག་ཁྲི་དྲུག་སྟོང་ངོ་། །​དམ་པའི་ཆོས་ནི་ལོ་དྲུག་ཁྲིའི་བར་དུ་གནས་སོ། །​སྐུ་གདུང་ནི་རིལ་པོ་གཅིག་ཏུ་འདུག་གོ། །​མཆོད་རྟེན་ཡང་གཅིག་ཏུ་ཟད་དོ།​། །​།འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅྭ་བརྒྱད་པ། དེ་བཞིན་གཤེགས་པ་ཐོགས་མེད་གྲགས་པ་སྐྱེ་བའི་ཡུལ་ནི་ཕྱོགས་གསལ་ཞེས་བྱའོ། །​རིགས་ནི་བྲམ་ཟེའོ། །​འོད་ནི་དཔག་ཚད་སུམ་ཅུའོ། །​ཡབ་ནི་དབང་ཆེན་བྱིན་ཞེས་བྱའོ། །

eKangyur, UT4CZ5369-I1KG9171-0000, page 435 (218a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh94/UT22084-045-001-14289#UT22084-045-001-14289