བསྐལ་པ་བཟང་པོ།

The Good Eon
F.164.b

Bhadra­kalpika
F.164.b, volume 45, Degé Kangyur

དག་ནི་རྒྱས་འགྱུར་མཆོད་རྟེན་གྲངས། །​བྱེ་བ་བརྒྱ་ཕྲག་དགུ་ཡོད་གསེར་གྱིས་སྤྲས། །​དེ་བཞིན་གཤེགས་པ་གྲགས་པའི་བཤེས་གཉེན་གྱི། །​སྐྱེ་བའི་ཡུལ་ནི་གྲགས་པ་འཕགས་ཞེས་བྱ། །​རིགས་ནི་བྲམ་ཟེ་ཡིན་ཏེ་འོད་དཔག་ཚད། །​བྱེ་བ་དགུ་ཡོད་སྦྱིན་སྲེག་འོད་འཕྲོ་ཡབ། །​བསོད་ནམས་ཅན་ཞེས་བྱ་བ་ཡུམ་ཡིན་ནོ། །​སྲས་པོ་དྲང་སྲོང་ཁྱད་འཕགས་རིམ་གྲོ་པ། །​ཡོན་ཏན་བདེན་ཞེས་བྱ་བ་མཁས་པ་སྟེ། །​འཇིགས་མེད་བློ་ཞེས་བྱ་བ་རྫུ་འཕྲུལ་ཅན། །​འདུས་པ་ལན་གྲངས་དྲུག་ཅུ་རྩ་དྲུག་སྟེ། །​ཀུན་ལའང་བདུད་དཔུང་བརླག་མཐར་བྱེད་པ་པོ། །​བྱེ་བ་ཕྲག་ནི་སུམ་ཅུ་བཞི་བཞི་ཡོད། །​མི་ཚེ་ལོ་གྲངས་ཉི་ཁྲི་ཆིག་སྟོང་ཡིན། །​མཚུངས་པ་མེད་པའི་དམ་པའི་ཆོས་དག་ཀྱང་། །​ལོ་གྲངས་ཉི་ཁྲི་ཉིས་སྟོང་བར་དུ་གནས། །​རྒྱལ་བའི་སྐུ་གདུང་དག་ནི་རྒྱས་འགྱུར་ལ། །​མཆོད་རྟེན་བཟང་པོ་བྱེ་བ་བདུན་ཅུ་དྲུག །​དེ་བཞིན་གཤེགས་པ་བདེན་པ་ཞེས་བྱ་བའི། །​སྐྱེ་བའི་ཡུལ་ནི་གཟི་བརྗིད་མཛེས་ཞེས་བྱ། །​དེའི་རིགས་རྒྱལ་རིགས་ཡིན་ཏེ་འོད་དཔག་ཚད། །​བྱེ་བ་བཅུ་ཡོད་མི་ཡི་དབང་པོ་ཡབ། །​སྐལ་འདོད་མ་ནི་ཡུམ་ཡིན་སྲས་པོ་ནི། །​སྐར་མཁན་མཆོད་སྦྱིན་བཟང་པོ་རིམ་གྲོ་པ། །​སྙན་པར་གྲགས་ཞེས་བྱ་བ་ཤེས་ཅན་ཏེ། །​རྣམ་པར་འཕྲུལ་ཞེས་བྱ་བ་རྫུ་འཕྲུལ་ཅན། །​འདུས་པ་ལན་གྲངས་བྱེ་སྟོང་ཀུན་ལ་ཡང་། །​དྲི་གསུམ་དྲི་མ་ཀུན་བྲལ་དགྲ་བཅོམ་པ། །​བྱེ་བ་བརྒྱ་ཕྲག་བདུན་ཅུ་བདུན་ཅུ་ཡོད། །​སྐུ་ཚེ་ལོ་གྲངས་སུམ་ཁྲི་ཚང་བ་ཡིན། །​རྒྱལ་བ་ཞི་བར་ཕྱིན་པའི་དམ་ཆོས་དག །​ལོ་གྲངས་དགུ་སྟོང་བར་དུ་གནས་པར་འགྱུར། །​རྒྱལ་བའི་སྐུ་གདུང་རིལ་གཅིག་མཆོད་རྟེན་གཅིག །​དཔག་ཚད་དགུ་པ་རིན་ཆེན་བརྒྱ་ཡིས་སྤྲས། །​བདེ་བར་གཤེགས་པ་དཀའ་ཐུབ་ཆེན་པོ་ཡི། །​སྐྱེ་ཡུལ་མགོན་མེད་ཚིམ་པར་བྱེད་ཅེས་བྱ། །​རིགས་ནི་བྲམ་ཟེ་ཡིན་ཏེ་འོད་དཔག་ཚད། །​ཉི་ཤུ་གཉིས་ཡོད་ཡབ་ནི་འོད་ཟེར་བཟང་། །​དགའ་ལྡན་མ་ཞེས་བྱ་བ་ཡུམ་ཡིན་ནོ། །​སྲས་པོ་འཇིགས་མེད་གྲགས་པ་རིམ་གྲོ་པ། །​རྣམ་པར་སྣང་བྱེད་གྲགས་པ་ཤེས་ཅན་ཏེ། །​ལྷུན་པོ་སྒུལ་ཞེས་བྱ་བ་རྫུ་འཕྲུལ་ཅན། །

eKangyur, UT4CZ5369-I1KG9171-0000, page 328 (164b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh94/UT22084-045-001-14182#UT22084-045-001-14182