བསྐལ་པ་བཟང་པོ།

The Good Eon
F.163.b

Bhadra­kalpika
F.163.b, volume 45, Degé Kangyur

པ་ལན་གྲངས་དྲུག་ཅུ་རྩ་དྲུག་འདུས། །​མི་ཚེ་ལོ་གྲངས་ཉི་ཤུ་རྩ་ཡང་གཉིས། །​གྲགས་པ་མཐའ་ཡས་དེ་ཡི་དམ་ཆོས་དག །​ལོ་གྲངས་སུམ་བརྒྱ་ཚང་བའི་བར་དུ་གནས། །​རྒྱལ་བའི་མཆོད་རྟེན་བཟང་པོ་གཅིག་ཡིན་ཏེ། །​དཔག་ཚད་བརྒྱད་པ་ཀུན་ཏུ་མཛེས་པ་ཡིན། །​བདེ་བར་གཤེགས་པ་ཚངས་པའི་དབྱངས་དག་གི། །​སྐྱེ་བའི་ཡུལ་ནི་དགའ་བའི་དབྱངས་ཞེས་བྱ། །​རྒྱལ་བའི་རིགས་ནི་བྲམ་ཟེ་འོད་ཀྱི་ཚད། །​དཔག་ཚད་དགུ་ཡོད་ཡབ་ནི་ན་ཚོད་བཟང་། །​ལྷ་དགའ་ཞེས་ནི་བྱ་བ་ཡུམ་ཡིན་ནོ། །​སྲས་པོ་དགའ་བོ་དུལ་བ་རིམ་གྲོ་པ། །​ཡོན་ཏན་རྒྱ་མཚོ་ཞེས་བྱ་མཁས་པ་སྟེ། །​ཡེ་ཤེས་རྣམ་པར་འཕྲུལ་པ་རྫུ་འཕྲུལ་ཅན། །​འདུས་པ་ལན་གྲངས་བརྒྱད་ཅུ་ཀུན་ལ་ཡང་། །​ཐ་བ་མེད་ཅིང་ཞི་དུལ་དགའ་བ་པོ། །​བསམ་གཏན་པ་ནི་བྱེ་བ་བྱེ་བ་ཡོད། །​མི་ཚེ་ལོ་གྲངས་སྟོང་ཕྲག་བཅུ་དྲུག་ཡིན། །​དམ་ཆོས་ལོ་གྲངས་དག་ནི་བརྒྱད་ཁྲིར་གནས། །​རྒྱལ་བའི་སྐུ་གདུང་དག་ནི་རྒྱས་འགྱུར་ལ། །​མཆོད་རྟེན་གྲངས་ནི་བརྒྱད་ཁྲི་ཚང་བ་སྟེ། །​རིན་ཆེན་རྒྱལ་མཚན་དྲ་བ་དག་གིས་གཡོགས། །​དེ་བཞིན་གཤེགས་པ་སེང་གེའི་ཟླ་བ་ཡི། །​སྐྱེ་བའི་ཡུལ་ནི་རྟག་ཏུ་མཐོང་ཞེས་བྱ། །​རིགས་ནི་རྒྱལ་རིགས་ཡིན་ཏེ་འོད་དཔག་ཚད། །​དགུ་བཅུ་གཉིས་ཡོད་ཡབ་ནི་ལེགས་བྱིན་ཡིན། །​སངས་རྒྱས་བློ་གྲོས་ཡུམ་ཡིན་སྲས་པོ་ནི། །​མིག་མི་འཐུན་པ་ཟླ་བ་རིམ་གྲོ་པ། །​རབ་ཏུ་བརྒྱན་པའི་གཟི་བརྗིད་བློ་ལྡན་ཏེ། །​རྣམ་པར་ངེས་ཞེས་བྱ་བ་རྫུ་འཕྲུལ་ཅན། །​འདུས་པ་ལན་གྲངས་བརྒྱད་ཅུ་ཀུན་ལ་ཡང་། །​འཇིག་རྟེན་ཆགས་མེད་གཡོ་མེད་ང་མེད་པ། །​འབུམ་ཕྲག་དྲུག་ཅུ་རྩ་ནི་གསུམ་གསུམ་ཡོད། །​མི་ཚེ་ལོ་གྲངས་དག་ནི་བརྒྱད་ཁྲི་ཡིན། །​མགོན་པོ་མཆོག་མ་མྱ་ངན་འདས་ནས་ཀྱང་། །​དམ་པའི་ཆོས་ནི་ལོ་གྲངས་སྟོང་དུ་གནས། །​རྒྱལ་བའི་སྐུ་གདུང་རིལ་གཅིག་མཆོད་རྟེན་གཅིག །​དཔག་ཚད་གསུམ་པ་རྒྱལ་མཚན་དག་གིས་བརྒྱན། །​སངས་རྒྱས་མཚུངས་པ་མེད་པ་དཔལ་དག་གི། །​སྐྱེ་བའི་ཡུལ་ནི་འཇིག་རྟེན་མཛེས་ཞེས་བྱ། །​རྒྱལ་བ་རྒྱལ་རིགས་ཡིན་ཏེ་འོད་ཀྱི་ཚད། །​དཔག་ཚད་གཅིག་ཡོད་ཡབ་ནི་མྱ་ངན་མེད། །

eKangyur, UT4CZ5369-I1KG9171-0000, page 326 (163b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh94/UT22084-045-001-14180#UT22084-045-001-14180