The Perfection of Wisdom in One Hundred Thousand Lines
F.129.a
།སྨོན་པ་མྱེད་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །མངོན་པར་ཤེས་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ཏིང་ངེ་འཛིན་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །གཟུངས་ཀྱི་སྒོ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །དེ་བཞིན་གཤེགས་པའི་སྟོབས་བཅུ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །མྱི་འཇིགས་པ་བཞི་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །སོ་སོ་ཡང་དག་པར་རིག་པ་བཞི་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །སྙིང་རྗེ་ཆེན་པོ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །རྒྱུན་ཏུ་ཞུགས་པའི་འབྲས་བུ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ལན་ཅིག་ཕྱིར་འོང་བའི་འབྲས་བུ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ཕྱིར་མྱི་འོང་བའི་འབྲས་བུ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །དགྲ་བཅོམ་པ་ཉིད་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །རང་བྱང་ཆུབ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ལམ་གྱི་རྣམ་པ་ཤེས་པ་ཉིད་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །རྣམ་པ་ཐམས་ཅད་མཁྱེན་པ་ཉིད་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །གསོལ་པ། བཅོམ་ལྡན་འདས་རྣམ་པར་དག་པ་ནི་ཀུན་ནས་ཉོན་མོངས་པ་མ་མཆིས་པའོ། །བཅོམ་ལྡན་འདས་ཀྱིས་བཀའ་སྩལ་པ། ཤིན་ཏུ་རྣམ་པར་དག་པའི་ཕྱིར་རོ། །ཤ་ར་དྭ་ཏིའི་བུས་གསོལ་པ། བཅོམ་ལྡན་འདས་གང་ལ་ཀུན་ནས་ཉོན་མོངས་པ་མ་མཆིས་པའི་སླད་དུ།
eKangyur, UT4CZ5369-I1KG9147-0000, page 257 (129a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-98790#UT22084-014-001-98790