The Perfection of Wisdom in One Hundred Thousand Lines
F.128.b
།མྱི་དམྱིགས་པ་སྟོང་པ་ཉིད་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །དངོས་པོ་མྱེད་པ་སྟོང་པ་ཉིད་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ངོ་བོ་ཉིད་སྟོང་པ་ཉིད་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །དྲན་པ་ཉེ་བར་གཞག་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ཡང་དག་པར་སྤོང་བ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །རྫུ་འཕྲུལ་གྱི་རྐང་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །དབང་པོ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །སྟོབས་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །བྱང་ཆུབ་ཀྱི་ཡན་ལག་ལ་འཕོ་བ་མེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །འཕགས་པའི་ལམ་ཡན་ལག་བརྒྱད་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །འཕགས་པའི་བདེན་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །བསམ་གཏན་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ཚད་མྱེད་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །གཟུགས་མྱེད་པའི་སྙོམས་པར་འཇུག་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །རྣམ་པར་ཐར་པ་བརྒྱད་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །མཐརད་ཀྱིས་གནས་པའི་སྙོམས་པར་འཇུག་པ་དགུ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །སྟོང་པ་ཉིད་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །མཚན་མ་མྱེད་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །སྨོན་པ་མྱེད་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ།
eKangyur, UT4CZ5369-I1KG9147-0000, page 256 (128b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-98789#UT22084-014-001-98789