The Perfection of Wisdom in One Hundred Thousand Lines
F.317.a
།བདག་གིས་སྟོན་པ་ཐོས་སོ་ཞེས་བྱ་བར་སེམས་སྐྱེད་པར་འགྱུར་རོ། །ཤ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་མྱི་གཉིས་པ་དང་། མྱི་དམྱིགས་པའི་ཚུལ་དུ་དོན་དང་ཚུལ་གྱིས་རྗེས་སུ་འབྲང་བར་འགྱུར་རོ། །དེ་ནས་ཚེ་དང་ལྡན་པ་རབ་འབྱོར་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མཉན་པ་འམ་བལྟ་བར་ནུས་སམ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་ནི་མ་ཡིན་ནོ། །རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ནི་ཉན་པ་མྱེད་དོ། །ལྟ་བ་མྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཀྱང་མྱི་ཉན་མྱི་ལྟའོ། །ཆོས་ལ་སེམས་མྱེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ནི་དེ་དག་གིས་མི་ཐོས་མྱི་མཐོང་ངོ་། །ཆོས་ལ་སེམས་མྱེད་པའི་ཕྱིར། བསམ་གཏན་གྱི་ཕ་རོལ་ཏུ་ཕྱིན་པ་ནི་དེ་དག་གིས་མྱི་ཐོས་མྱི་མཐོང་ངོ་། །ཆོས་ལ་སེམས་མྱེད་པའི་ཕྱིར། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ནི་དེ་དག་གིས་མྱི་ཐོས་མྱི་མཐོང་ངོ་། །ཆོས་ལ་སེམས་མྱེད་པའི་ཕྱིར། བཟོད་པའི་ཕ་རོལ་ཏུ་ཕྱིན་པ་ནི་དེ་དག་གིས་མྱི་ཐོས་མི་མཐོང་ངོ་། །ཆོས་ལ་སེམས་མྱེད་པའི་ཕྱིར། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནི་དེ་དག་གིས་མི་ཐོས་མྱི་མཐོང་ངོ་། །ཆོས་ལ་སེམས་མྱེད་པའི་ཕྱིར། སྦྱིན་པའི་ཕ་རོལ་ཏུ་ཕྱིན་པ་ནི་དེ་དག་གིས་མྱི་ཐོས་མྱི་མཐོང་ངོ་། །ཆོས་ལ་སེམས་མྱེད་པའི་ཕྱིར། ནང་སྟོང་པ་ཉིད་ནི་དེ་དག་གིས་མྱི་ཐོས་མྱི་མཐོང་ངོ་། །ཆོས་ལ་སེམས་མྱེད་པའི་ཕྱིར། ཕྱི་སྟོང་པ་ཉིད་ནི་དེ་དག་གིས་མྱི་ཐོས་མྱི་མཐོང་ངོ་། །ཆོས་ལ་སེམས་མྱེད་པའི་ཕྱིར། ཕྱི་ནང་སྟོང་པ་ཉིད་ནི་དེ་དག་གིས་མྱི་ཐོས་མྱི་མཐོང་ངོ་། །ཆོས་ལ་སེམས་མྱེད་པའི་ཕྱིར། སྟོང་པ་ཉིད་སྟོང་པ་ཉིད་ནི་དེ་དག་གིས་མི་ཐོས་མྱི་མཐོང་ངོ་། །ཆོས་ལ་སེམས་མྱེད་པའི་ཕྱིར། ཆེན་པོ་སྟོང་པ་ཉིད་ནི་དེ་དག་གིས་མྱི་ཐོས་མྱི་མཐོང་ངོ་།
eKangyur, UT4CZ5369-I1KG9145-0000, page 633 (317a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97614#UT22084-014-001-97614