The Perfection of Wisdom in One Hundred Thousand Lines
F.230.a
།ལན་ཅིག་ཕྱིར་འོང་བའི་འབྲས་བུ་ཆེ་བར་མྱི་བྱེད་ཆུང་བར་མྱི་བྱེད་དོ། །ཕྱིར་མྱི་འོང་བའི་འབྲས་བུ་ཆེ་བར་མྱི་བྱེད་ཆུང་བར་མྱི་བྱེད་དོ། །དགྲ་བཅོམ་པ་ཉིད་ཆེ་བར་མྱི་བྱེད་ཆུང་བར་མྱི་བྱེད་དོ། །རང་བྱང་ཆུབ་ཆེ་བར་མྱི་བྱེད་ཆུང་བར་མྱི་བྱེད་དོ། །ལམ་གྱི་རྣམ་པ་ཤེས་པ་ཉིད་ཆེ་བར་མྱི་བྱེད་ཆུང་བར་མྱི་བྱེད་དོ། །བྱང་ཆུབ་དང་སངས་རྒྱས་དང་སངས་རྒྱས་ཀྱི་ཆོས་རྣམས་ཆེ་བར་མྱི་བྱེད་ཆུང་བར་མྱི་བྱེད་དོ། །ཞེས་བགྱི་བར་འདུ་ཤེས་སུ་གྱུར་པ་དང་། བཅོམ་ལྡན་འདས་གལ་ཏེ་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ལ་གསར་དུ་ཞུགས་པས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན། བསམ་གཏན་གྱི་ཕ་རོལ་ཏུ་ཕྱིན་པ་ལ་བརྟེན། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་བརྟེན། བཟོད་པའི་ཕ་རོལ་ཏུ་ཕྱིན་པ་ལ་བརྟེན། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྟེན། སྦྱིན་པའི་ཕ་རོལ་ཏུ་ཕྱིན་པ་ལ་བརྟེན་ནས། ཤེས་རབ་ཀྱི་ཕ་རོལ་ཏུ་ཕྱིན་པ་ནི། གཟུགས་འདུ་བར་མྱི་བྱེད་ཡངས་པར་མྱི་བྱེད་དོ། །ཚོར་བ་འདུ་བར་མྱི་བྱེད་ཡངས་པར་མྱི་བྱེད་དོ། །འདུ་ཤེས་འདུ་བར་མྱི་བྱེད་ཡངས་པར་མྱི་བྱེད་དོ། །འདུ་བྱེད་འདུ་བར་མྱི་བྱེད་ཡངས་པར་མྱི་བྱེད་དོ། །རྣམ་པར་ཤེས་པ་འདུ་བར་མྱི་བྱེད་ཡངས་པར་མྱི་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི། མྱིག་འདུ་བར་མྱི་བྱེད་ཡངས་པར་མྱི་བྱེད་དོ། །རྣ་བ་འདུ་བར་མྱི་བྱེད་ཡངས་པར་མྱི་བྱེད་དོ། །སྣ་འདུ་བར་མྱི་བྱེད་ཡངས་པར་མྱི་བྱེད་དོ། །ལྕེ་འདུ་བར་མྱི་བྱེད་ཡངས་པར་མྱི་བྱེད་དོ། །ལུས་འདུ་བར་མྱི་བྱེད་ཡངས་པར་མྱི་བྱེད་དོ། །ཡིད་འདུ་བར་མྱི་བྱེད་ཡངས་པར་མྱི་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི། གཟུགས་འདུ་བར་མྱི་བྱེད་ཡངས་པར་མྱི་བྱེད་དོ། །སྒྲ་འདུ་བར་མྱི་བྱེད་ཡངས་པར་མྱི་བྱེད་དོ། །དྲི་འདུ་བར་མྱི་བྱེད་ཡངས་པར་མྱི་བྱེད་དོ། །རོ་འདུ་བར་མྱི་བྱེད་ཡངས་པར་མྱི་བྱེད་དོ། །རེག་འདུ་བར་མྱི་བྱེད་ཡངས་པར་མྱི་བྱེད་དོ། །ཆོས་འདུ་བར་མྱི་བྱེད་ཡངས་པར་མྱི་བྱེད་དོ།
eKangyur, UT4CZ5369-I1KG9145-0000, page 459 (230a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97441#UT22084-014-001-97441