The Perfection of Wisdom in One Hundred Thousand Lines
F.229.b
།ཤེས་རབ་ཀྱི་ཕ་རོལ་ཏུ་ཕྱིན་པ་ནི། དྲན་པ་ཉེ་བར་གཞག་པ་རྣམས་ཆེ་བར་མྱི་བྱེད་ཆུང་བར་མྱི་བྱེད་དོ། །ཡང་དག་པར་སྤོང་བ་རྣམས་ཆེ་བར་མྱི་བྱེད་ཆུང་བར་མྱི་བྱེད་དོ། །རྫུ་འཕྲུལ་གྱི་རྐང་པ་རྣམས་ཆེ་བར་མྱི་བྱེད་ཆུང་བར་མྱི་བྱེད་དོ། །དབང་པོ་རྣམས་ཆེ་བར་མྱི་བྱེད་ཆུང་བར་མྱི་བྱེད་དོ། །སྟོབས་རྣམས་ཆེ་བར་མྱི་བྱེད་ཆུང་བར་མྱི་བྱེད་དོ། །བྱང་ཆུབ་ཀྱི་ཡན་ལག་རྣམས་ཆེ་བར་མྱི་བྱེད་ཆུང་བར་མྱི་བྱེད་དོ། །འཕགས་པའི་ལམ་ཡན་ལག་བརྒྱད་པ་ཆེ་བར་མྱི་བྱེད་ཆུང་བར་མྱི་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི། འཕགས་པའི་བདེན་པ་རྣམས་ཆེ་བར་མྱི་བྱེད་ཆུང་བར་མྱི་བྱེད་དོ། །བསམ་གཏན་རྣམས་ཆེ་བར་མྱི་བྱེད་ཆུང་བར་མྱི་བྱེད་དོ། །ཚད་མྱེད་པ་རྣམས་ཆེ་བར་མྱི་བྱེད་ཆུང་བར་མྱི་བྱེད་དོ། །གཟུགས་མྱེད་པའི་སྙོམས་པར་འཇུག་པ་རྣམས་ཆེ་བར་མྱི་བྱེད་ཆུང་བར་མྱི་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི། རྣམ་པར་ཐར་པ་བརྒྱད་ཆེ་བར་མྱི་བྱེད་ཆུང་བར་མྱི་བྱེད་དོ། །མཐར་ཀྱིས་གནས་པའི་སྙོམས་པར་འཇུག་པ་དགུ་ཆེ་བར་མི་བྱེད་ཆུང་བར་མྱི་བྱེད་དོ། །རྣམ་པར་ཐར་པའི་སྒོ་སྟོང་པ་ཉིད་དང་མཚན་མ་མྱེད་པ་དང་། སྨོན་པ་མྱེད་པ་ཆེ་བར་མྱི་བྱེད་ཆུང་བར་མྱི་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི། མངོན་པར་ཤེས་པ་རྣམས་ཆེ་བར་མྱི་བྱེད་ཆུང་བར་མྱི་བྱེད་དོ། །ཏིང་ངེ་འཛིན་རྣམས་ཆེ་བར་མྱི་བྱེད་ཆུང་བར་མྱི་བྱེད་དོ། །གཟུངས་ཀྱི་སྒོ་རྣམས་ཆེ་བར་མྱི་བྱེད་ཆུང་བར་མྱི་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི། དེ་བཞིན་གཤེགས་པའི་སྟོབས་བཅུ་ཆེ་བར་མྱི་བྱེད། ཆུང་བར་མྱི་བྱེད་དོ། །མྱི་འཇིགས་པ་བཞི་ཆེ་བར་མྱི་བྱེད་ཆུང་བར་མྱི་བྱེད་དོ། །སོ་སོ་ཡང་དག་པར་རིག་པ་བཞི་ཆེ་བར་མྱི་བྱེད་ཆུང་བར་མྱི་བྱེད་དོ། །སྙིང་རྗེ་ཆེན་པོ་ཆེ་བར་མྱི་བྱེད་ཆུང་བར་མྱི་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི། སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ཆེ་བར་མྱི་བྱེད་ཆུང་བར་མྱི་བྱེད་དོ། །རྒྱུན་ཏུ་ཞུགས་པའི་འབྲས་བུ་ཆེ་བར་མྱི་བྱེད་ཆུང་བར་མྱི་བྱེད་དོ། །ལན་ཅིག་ཕྱིར་འོང་བའི་འབྲས་བུ་ཆེ་བར་མྱི་བྱེད་ཆུང་བར་མྱི་བྱེད་དོ།
eKangyur, UT4CZ5369-I1KG9145-0000, page 458 (229b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97440#UT22084-014-001-97440