The Perfection of Wisdom in One Hundred Thousand Lines
F.227.b
།བསམ་གཏན་རྣམས་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །ཚད་མྱེད་པ་རྣམས་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །གཟུགས་མྱེད་པའི་སྙོམས་པར་འཇུག་པ་རྣམས་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །རྣམ་པར་ཐར་པ་བརྒྱད་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །མཐར་ཀྱིས་གནས་པའི་སྙོམས་པར་འཇུག་པ་དགུ་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །རྣམ་པར་ཐར་པའི་སྒོ་སྟོང་པ་ཉིད་དང་མཚན་མ་མྱེད་པ་དང་སྨོན་པ་མྱེད་པ་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །མངོན་པར་ཤེས་པ་རྣམས་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །ཏིང་ངེ་འཛིན་རྣམས་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །གཟུངས་ཀྱི་སྒོ་རྣམས་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །དེ་བཞིན་གཤེགས་པའི་སྟོབས་བཅུ་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །མྱི་འཇིགས་པ་བཞི་མཐུ་དང་ལྡན་པར་མི་བགྱིད་མཐུ་མ་མཆིས་པར་མྱི་བགྱིད་དོ། །སོ་སོ་ཡང་དག་པར་རིག་པ་བཞི་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །སྙིང་རྗེ་ཆེན་པོ་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །རྒྱུན་ཏུ་ཞུགས་པའི་འབྲས་བུ་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །ལན་ཅིག་ཕྱིར་འོང་བའི་འབྲས་བུ་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །ཕྱིར་མྱི་འོང་བའི་འབྲས་བུ་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །དགྲ་བཅོམ་པ་ཉིད་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །རང་བྱང་ཆུབ་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ། །ལམ་གྱི་རྣམ་པ་ཤེས་པ་ཉིད་མཐུ་དང་ལྡན་པར་མྱི་བགྱིད་མཐུ་མ་མཆིས་པར་མྱི་བགྱིད་དོ།
eKangyur, UT4CZ5369-I1KG9145-0000, page 454 (227b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97436#UT22084-014-001-97436