The Perfection of Wisdom in One Hundred Thousand Lines
F.131.b
།མྱེའི་ཁམས་ལས་ཀྱང་བཙལ་བར་མྱི་བྱ། མྱེའི་ཁམས་ལས་གཞན་དུ་ཡང་བཙལ་བར་མྱི་བྱའོ། །རླུང་གི་ཁམས་ལས་ཀྱང་བཙལ་བར་མྱི་བྱ། རླུང་གི་ཁམས་ལས་གཞན་དུ་ཡང་བཙལ་བར་མྱི་བྱའོ། །ནམ་མཁའི་ཁམས་ལས་ཀྱང་བཙལ་བར་མྱི་བྱ། ནམ་མཁའི་ཁམས་ལས་གཞན་དུ་ཡང་བཙལ་བར་མྱི་བྱའོ། །རྣམ་པར་ཤེས་པའི་ཁམས་ལས་ཀྱང་བཙལ་བར་མྱི་བྱ། རྣམ་པར་ཤེས་པའི་ཁམས་ལས་གཞན་དུ་ཡང་བཙལ་བར་མྱི་བྱའོ། །དེ་ཅིའི་ཕྱིར་ཞེ་ན། ཀཽ་ཤི་ཀ་དེ་ནི་འདི་ལྟར་སའི་ཁམས་གང་ཡིན་པ་དང་། ཆུའི་ཁམས་གང་ཡིན་པ་དང་། མྱེའི་ཁམས་གང་ཡིན་པ་དང་། རླུང་གི་ཁམས་གང་ཡིན་པ་དང་། ནམ་མཁའི་ཁམས་གང་ཡིན་པ་དང་། རྣམ་པར་ཤེས་པའི་ཁམས་གང་ཡིན་པ་དང་། བྱང་ཆུབ་སེམས་དཔའ་གང་ཡིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དང་། བཙལ་བ་གང་ཡིན་པའི་ཆོས་དེ་དག་ཐམས་ཅད་ནི་ལྡན་པ་ཡང་མ་ཡིན་མྱི་ལྡན་པ་ཡང་མ་ཡིན། གཟུགས་མྱེད་པ། བལྟར་མྱེད་པ། ཐོགས་པ་མྱེད་པ། མཚན་ཉིད་གཅིག་པ་སྟེ། འདི་ལྟར་མཚན་ཉིད་མྱེད་པའོ། །ཀཽ་ཤི་ཀ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ནི། མ་རིག་པ་ལས་ཀྱང་བཙལ་བར་མྱི་བྱ། མ་རིག་པ་ལས་གཞན་དུ་ཡང་བཙལ་བར་མྱི་བྱའོ། །འདུ་བྱེད་ལས་ཀྱང་བཙལ་བར་མྱི་བྱ། འདུ་བྱེད་ལས་གཞན་དུ་ཡང་བཙལ་བར་མྱི་བྱའོ། །རྣམ་པར་ཤེས་པ་ལས་ཀྱང་བཙལ་བར་མྱི་བྱ། རྣམ་པར་ཤེས་པ་ལས་གཞན་དུ་ཡང་བཙལ་བར་མྱི་བྱའོ། །མྱིང་དང་གཟུགས་ལས་ཀྱང་བཙལ་བར་མྱི་བྱ། མྱིང་དང་གཟུགས་ལས་གཞན་དུ་ཡང་བཙལ་བར་མྱི་བྱའོ། །སྐྱེ་མཆེད་དྲུག་ལས་ཀྱང་བཙལ་བར་མྱི་བྱ། སྐྱེ་མཆེད་དྲུག་ལས་གཞན་དུ་ཡང་བཙལ་བར་མྱི་བྱའོ། །རེག་པ་ལས་ཀྱང་བཙལ་བར་མྱི་བྱ། རེག་པ་ལས་གཞན་དུ་ཡང་བཙལ་བར་མྱི་བྱའོ། །ཚོར་བ་ལས་ཀྱང་བཙལ་བར་མྱི་བྱ། ཚོར་བ་ལས་གཞན་དུ་ཡང་བཙལ་བར་མྱི་བྱའོ། །
eKangyur, UT4CZ5369-I1KG9144-0000, page 262 (131b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96481#UT22084-014-001-96481