The Perfection of Wisdom in One Hundred Thousand Lines
F.129.b
རྣ་བ་ལས་གཞན་དུ་ཡང་བཙལ་བར་མྱི་བྱའོ། །སྣ་ལས་ཀྱང་བཙལ་བར་མྱི་བྱ། སྣ་ལས་གཞན་དུ་ཡང་བཙལ་བར་མྱི་བྱའོ། །ལྕེ་ལས་ཀྱང་བཙལ་བར་མི་བྱ། ལྕེ་ལས་གཞན་དུ་ཡང་བཙལ་བར་མྱི་བྱའོ། །ལུས་ལས་ཀྱང་བཙལ་བར་མྱི་བྱ། ལུས་ལས་གཞན་དུ་ཡང་བཙལ་བར་མྱི་བྱའོ། །ཡིད་ལས་ཀྱང་བཙལ་བར་མྱི་བྱ། ཡིད་ལས་གཞན་དུ་ཡང་བཙལ་བར་མྱི་བྱའོ། །དེ་ཅིའི་ཕྱིར་ཞེ་ན། ཀཽ་ཤི་ཀ་དེ་ནི་འདི་ལྟར་མྱིག་གང་ཡིན་པ་དང་། རྣ་བ་གང་ཡིན་པ་དང་། སྣ་གང་ཡིན་པ་དང་། ལྕེ་གང་ཡིན་པ་དང་། ལུས་གང་ཡིན་པ་དང་། ཡིད་གང་ཡིན་པ་དང་། བྱང་ཆུབ་སེམས་དཔའ་གང་ཡིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དང་། བཙལ་བ་གང་ཡིན་པའི་ཆོས་དེ་དག་ཐམས་ཅད་ནི་ལྡན་པ་ཡང་མ་ཡིན་མྱི་ལྡན་པ་ཡང་མ་ཡིན། གཟུགས་མྱེད་པ། བལྟར་མྱེད་པ། ཐོགས་པ་མྱེད་པ། མཚན་ཉིད་གཅིག་པ་སྟེ། འདི་ལྟར་མཚན་ཉིད་མྱེད་པའོ། །ཀཽ་ཤི་ཀ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་གཟུགས་ལས་ཀྱང་བཙལ་བར་མྱི་བྱ། གཟུགས་ལས་གཞན་དུ་ཡང་བཙལ་བར་མྱི་བྱའོ། །སྒྲ་ལས་ཀྱང་བཙལ་བར་མྱི་བྱ། སྒྲ་ལས་གཞན་དུ་ཡང་བཙལ་བར་མྱི་བྱའོ། །དྲི་ལས་ཀྱང་བཙལ་བར་མྱི་བྱ། དྲི་ལས་གཞན་དུ་ཡང་བཙལ་བར་མྱི་བྱའོ། །རོ་ལས་ཀྱང་བཙལ་བར་མྱི་བྱ། རོ་ལས་གཞན་དུ་ཡང་བཙལ་བར་མྱི་བྱའོ། །རེག་ལས་ཀྱང་བཙལ་བར་མྱི་བྱ། རེག་ལས་གཞན་དུ་ཡང་བཙལ་བར་མྱི་བྱའོ། །ཆོས་ལས་ཀྱང་བཙལ་བར་མྱི་བྱ། ཆོས་ལས་གཞན་དུ་ཡང་བཙལ་བར་མྱི་བྱའོ། །དེ་ཅིའི་ཕྱིར་ཞེ་ན། ཀཽ་ཤི་ཀ་དེ་ནི་འདི་ལྟར་གཟུགས་གང་ཡིན་པ་དང་། སྒྲ་གང་ཡིན་པ་དང་། དྲི་གང་ཡིན་པ་དང་། རོ་གང་ཡིན་པ་དང་། རེག་གང་ཡིན་པ་དང་། ཆོས་གང་ཡིན་པ་དང་། བྱང་ཆུབ་སེམས་དཔའ་གང་ཡིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་གང་ཡིན་པ་དང་། བཙལ་བ་གང་ཡིན་པའི་ཆོས་དེ་དག་ཐམས་ཅད་ནི་ལྡན་པ་ཡང་མ་ཡིན་མི་ལྡན་པ་ཡང་མ་ཡིན།
eKangyur, UT4CZ5369-I1KG9144-0000, page 258 (129b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96477#UT22084-014-001-96477