The Perfection of Wisdom in One Hundred Thousand Lines
F.301.a
།རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། དེ་མྱི་དམྱིགས་པའི་ཚུལ་གྱིས། རྣམ་པར་ཤེས་པ་འགག་པས་མྱིང་དང་གཟུགས་འགག་པ་ནི་བདག་མྱེད་པར་ཡིད་ལ་བྱའོ། །མྱིང་དང་གཟུགས་འགག་པ་ནི་ཞི་བར་ཡིད་ལ་བྱའོ། །མྱིང་དང་གཟུགས་འགག་པ་ནི་དབེན་པར་ཡིད་ལ་བྱའོ། །མྱིང་དང་གཟུགས་འགག་པ་ནི་སྟོང་པ་ཉིད་དུ་ཡིད་ལ་བྱའོ། །མྱིང་དང་གཟུགས་འགག་པ་ནི་མཚན་མ་མྱེད་པ་ཉིད་དུ་ཡིད་ལ་བྱའོ། །མྱིང་དང་གཟུགས་འགག་པ་ནི་སྨོན་པ་མྱེད་པ་ཉིད་དུ་ཡིད་ལ་བྱའོ། །མྱིང་དང་གཟུགས་འགག་པ་ནི་མངོན་པར་འདུ་བྱེད་པ་མྱེད་པ་ཉིད་དུ་ཡིད་ལ་བྱའོ། །རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། དེ་མྱི་དམྱིགས་པའི་ཚུལ་གྱིས། མྱིང་དང་གཟུགས་འགགས་པས་སྐྱེ་མཆེད་དྲུག་འགག་པ་ནི་བདག་མྱེད་པར་ཡིད་ལ་བྱའོ། །སྐྱེ་མཆེད་དྲུག་འགག་པ་ནི་ཞི་བར་ཡིད་ལ་བྱའོ། །སྐྱེ་མཆེད་དྲུག་འགག་པ་ནི་དབེན་པར་ཡིད་ལ་བྱའོ། །སྐྱེ་མཆེད་དྲུག་འགག་པ་ནི་སྟོང་པ་ཉིད་དུ་ཡིད་ལ་བྱའོ། །སྐྱེ་མཆེད་དྲུག་འགག་པ་ནི་མཚན་མ་མྱེད་པ་ཉིད་དུ་ཡིད་ལ་བྱའོ། །སྐྱེ་མཆེད་དྲུག་འགག་པ་ནི་སྨོན་པ་མྱེད་པ་ཉིད་དུ་ཡིད་ལ་བྱའོ། །སྐྱེ་མཆེད་དྲུག་འགག་པ་ནི་མངོན་པར་འདུ་བྱེད་པ་མྱེད་པ་ཉིད་དུ་ཡིད་ལ་བྱའོ། །རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། དེ་མྱི་དམྱིགས་པའི་ཚུལ་གྱིས། སྐྱེ་མཆེད་དྲུག་འགགས་པས་རེག་པ་འགག་པ་ནི་བདག་མྱེད་པར་ཡིད་ལ་བྱའོ། །རེག་པ་འགག་པ་ནི་ཞི་བར་ཡིད་ལ་བྱའོ། །རེག་པ་འགག་པ་ནི་དབེན་པར་ཡིད་ལ་བྱའོ། །རེག་པ་འགག་པ་ནི་སྟོང་པ་ཉིད་དུ་ཡིད་ལ་བྱའོ། །རེག་པ་འགག་པ་ནི་མཚན་མ་མྱེད་པ་ཉིད་དུ་ཡིད་ལ་བྱའོ། །རེག་པ་འགག་པ་ནི་སྨོན་པ་མྱེད་པ་ཉིད་དུ་ཡིད་ལ་བྱའོ། །རེག་པ་འགག་པ་ནི་མངོན་པར་འདུ་བྱེད་པ་མྱེད་པ་ཉིད་དུ་ཡིད་ལ་བྱའོ། །རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། དེ་མྱི་དམྱིགས་པའི་ཚུལ་གྱིས། རེག་པ་འགགས་པས་ཚོར་བ་འགག་པ་ནི་བདག་མྱེད་པར་ཡིད་ལ་བྱའོ།
eKangyur, UT4CZ5369-I1KG9143-0000, page 601 (301a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96061#UT22084-014-001-96061