The Perfection of Wisdom in One Hundred Thousand Lines
F.300.b
།རྒ་ཤི་ནི་ཡིད་བརྟན་དུ་མྱི་རུང་བར་ཡིད་ལ་བྱའོ། །རྒ་ཤི་ནི་གནོད་པར་ཡིད་ལ་བྱའོ། །ཀཽ་ཤི་ཀ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། དེ་མྱི་དམྱིགས་པའི་ཚུལ་གྱིས། མ་རིག་པ་འགག་པ་ནི་བདག་མྱེད་པར་ཡིད་ལ་བྱའོ། །མ་རིག་པ་འགག་པ་ནི་ཞི་བར་ཡིད་ལ་བྱའོ། །མ་རིག་པ་འགག་པ་ནི་དབེན་པར་ཡིད་ལ་བྱའོ། །མ་རིག་པ་འགག་པ་ནི་སྟོང་པ་ཉིད་དུ་ཡིད་ལ་བྱའོ། །མ་རིག་པ་འགག་པ་ནི་མཚན་མ་མྱེད་པ་ཉིད་དུ་ཡིད་ལ་བྱའོ། །མ་རིག་པ་འགག་པ་ནི་སྨོན་པ་མྱེད་པ་ཉིད་དུ་ཡིད་ལ་བྱའོ། །མ་རིག་པ་འགག་པ་ནི་མངོན་པར་འདུ་བྱེད་པ་མྱེད་པ་ཉིད་དུ་ཡིད་ལ་བྱའོ། །རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། དེ་མྱི་དམྱིགས་པའི་ཚུལ་གྱིས། མ་རིག་པ་འགགས་པས་འདུ་བྱེད་འགག་པ་ནི་བདག་མྱེད་པར་ཡིད་ལ་བྱའོ། །འདུ་བྱེད་འགག་པ་ནི་ཞི་བར་ཡིད་ལ་བྱའོ། །འདུ་བྱེད་འགག་པ་ནི་དབེན་པར་ཡིད་ལ་བྱའོ། །འདུ་བྱེད་འགག་པ་ནི་སྟོང་པ་ཉིད་དུ་ཡིད་ལ་བྱའོ། །འདུ་བྱེད་འགག་པ་ནི་མཚན་མ་མྱེད་པ་ཉིད་དུ་ཡིད་ལ་བྱའོ། །འདུ་བྱེད་འགག་པ་ནི་སྨོན་པ་མྱེད་པ་ཉིད་དུ་ཡིད་ལ་བྱའོ། །འདུ་བྱེད་འགག་པ་ནི་མངོན་པར་འདུ་བྱེད་པ་མྱེད་པ་ཉིད་དུ་ཡིད་ལ་བྱའོ། །རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། དེ་མྱི་དམྱིགས་པའི་ཚུལ་གྱིས། འདུ་བྱེད་འགགས་པས་རྣམ་པར་ཤེས་པ་འགག་པ་ནི་བདག་མྱེད་པར་ཡིད་ལ་བྱའོ། །རྣམ་པར་ཤེས་པ་འགག་པ་ནི་ཞི་བར་ཡིད་ལ་བྱའོ། །རྣམ་པར་ཤེས་པ་འགག་པ་ནི་དབེན་པར་ཡིད་ལ་བྱའོ། །རྣམ་པར་ཤེས་པ་འགག་པ་ནི་སྟོང་པ་ཉིད་དུ་ཡིད་ལ་བྱའོ། །རྣམ་པར་ཤེས་པ་འགག་པ་ནི་མཚན་མ་མྱེད་པ་ཉིད་དུ་ཡིད་ལ་བྱའོ། །རྣམ་པར་ཤེས་པ་འགག་པ་ནི་སྨོན་པ་མྱེད་པ་ཉིད་དུ་ཡིད་ལ་བྱའོ། །རྣམ་པར་ཤེས་པ་འགག་པ་ནི་མངོན་པར་འདུ་བྱེད་པ་མྱེད་པ་ཉིད་དུ་ཡིད་ལ་བྱའོ། །རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས།
eKangyur, UT4CZ5369-I1KG9143-0000, page 600 (300b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96060#UT22084-014-001-96060