The Perfection of Wisdom in One Hundred Thousand Lines
F.295.b
བམ་པོ་ཉི་ཤུ་པ། །རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། དེ་མྱི་དམྱིགས་པའི་ཚུལ་གྱིས། སའི་ཁམས་ནི་མྱི་རྟག་པར་ཡིད་ལ་བྱའོ། །སའི་ཁམས་ནི་སྡུག་བསྔལ་བར་ཡིད་ལ་བྱའོ། །སའི་ཁམས་ནི་བདག་མྱེད་པར་ཡིད་ལ་བྱའོ། །སའི་ཁམས་ནི་ཞི་བར་ཡིད་ལ་བྱའོ། །སའི་ཁམས་ནི་དབེན་པར་ཡིད་ལ་བྱའོ། །སའི་ཁམས་ནི་ནད་དུ་ཡིད་ལ་བྱའོ། །སའི་ཁམས་ནི་ཤུ་བར་ཡིད་ལ་བྱའོ། །སའི་ཁམས་ནི་ཟུག་རྔུར་ཡིད་ལ་བྱའོ། །སའི་ཁམས་ནི་སྡིག་པར་ཡིད་ལ་བྱའོ། །སའི་ཁམས་ནི་ན་བར་ཡིད་ལ་བྱའོ། །སའི་ཁམས་ནི་དགྲར་ཡིད་ལ་བྱའོ། །སའི་ཁམས་ནི་འཇིག་པའི་ཆོས་ཅན་དུ་ཡིད་ལ་བྱའོ། །སའི་ཁམས་ནི་མྱི་བརྟན་པར་ཡིད་ལ་བྱའོ། །སའི་ཁམས་ནི་འཇིག་པར་ཡིད་ལ་བྱའོ། །སའི་ཁམས་ནི་འཇིགས་པར་ཡིད་ལ་བྱའོ། །སའི་ཁམས་ནི་འགོ་བའི་ནད་དུ་ཡིད་ལ་བྱའོ། །སའི་ཁམས་ནི་སྟོང་པ་ཉིད་དུ་ཡིད་ལ་བྱའོ། །སའི་ཁམས་ནི་བདག་གི་མྱེད་པར་ཡིད་ལ་བྱའོ། །སའི་ཁམས་ནི་ཡིད་བརྟན་དུ་མྱི་རུང་བར་ཡིད་ལ་བྱའོ། །སའི་ཁམས་ནི་གནོད་པར་ཡིད་ལ་བྱའོ། །རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། དེ་མྱི་དམྱིགས་པའི་ཚུལ་གྱིས། ཆུའི་ཁམས་ནི་མྱི་རྟག་པར་ཡིད་ལ་བྱའོ། །ཆུའི་ཁམས་ནི་སྡུག་བསྔལ་བར་ཡིད་ལ་བྱའོ། །ཆུའི་ཁམས་ནི་བདག་མེད་པར་ཡིད་ལ་བྱའོ། །ཆུའི་ཁམས་ནི་ཞི་བར་ཡིད་ལ་བྱའོ། །ཆུའི་ཁམས་ནི་དབེན་པར་ཡིད་ལ་བྱའོ། །ཆུའི་ཁམས་ནི་ནད་དུ་ཡིད་ལ་བྱའོ། །ཆུའི་ཁམས་ནི་ཤུ་བར་ཡིད་ལ་བྱའོ། །ཆུའི་ཁམས་ནི་ཟུག་རྔུར་ཡིད་ལ་བྱའོ། །ཆུའི་ཁམས་ནི་སྡིག་པར་ཡིད་ལ་བྱའོ། །ཆུའི་ཁམས་ནི་ན་བར་ཡིད་ལ་བྱའོ། །ཆུའི་ཁམས་ནི་དགྲར་ཡིད་ལ་བྱའོ། །ཆུའི་ཁམས་ནི་འཇིག་པའི་ཆོས་ཅན་དུ་ཡིད་ལ་བྱའོ། །ཆུའི་ཁམས་ནི་མྱི་བརྟན་པར་ཡིད་ལ་བྱའོ། །ཆུའི་ཁམས་ནི་འཇིག་པར་ཡིད་ལ་བྱའོ། །
eKangyur, UT4CZ5369-I1KG9143-0000, page 590 (295b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-99220#UT22084-014-001-99220