གསེར་འོད་དམ་པའི་མདོ།

The Sūtra of the Sublime Golden Light (1)
F.121.b

Suvarṇa­prabhāsottamasūtra
F.121.b, volume 89, Degé Kangyur

བ་ཀུན་གྱིས་མྱ་ངན་སྐྱེ། །​སཱ་ལུ་ནས་དང་ལོ་ཏོག་རྣམས། །​རོ་ཞིམ་ཁད་ཀྱིས་མེད་གྱུར་པས། །​བཟའ་ཚེ་སེམས་ཀྱང་མི་དགའ་ན། །​འབྱུང་ཆེན་འཕེལ་བྱེད་ག་ལ་ནུས། །​སེམས་ཅན་ཁ་དོག་འོད་ཉམས་ཤིང་། །​མཐུ་སྟོབས་ཟད་ཅིང་ཉམས་པར་འགྱུར། །​ཁ་ཟས་མང་པོ་ཟོས་ཀྱང་ནི། །​འགྲངས་པ་ཉིད་དུ་ཡོང་མི་འགྱུར། །​ཡུལ་ཁམས་དེ་ན་ཡོད་པ་ཡི། །​སེམས་ཅན་རྣམ་པ་ཇི་སྙེད་པ། །​སྟོབས་ཆུང་དཔའ་བཤོར་མེད་པས་ན། །​བྱ་བ་དག་ནི་བྱེད་མི་ནུས། །​ཡུལ་མི་ཕལ་ཆེར་ནད་ཐེབས་པས། །​སྡུག་བསྔལ་སྣ་ཚོགས་ལུས་གཟིར་འགྱུར། །​འདྲེ་སྲིན་ཀུན་དུ་ཁྱབ་པས་ན། །​ཐམས་ཅད་ཀུན་དུ་སྲིན་པོར་སྐྱེ། །​རྒྱལ་པོས་ཆོས་མིན་རབ་སྤྱད་ནས། །​མི་དགེའི་གྲོགས་པོ་བསྟེན་པས་ན། །​འཇིག་རྟེན་རྣམ་པ་གསུམ་པོ་ཀུན། །​དེས་ན་གནོད་པ་སྣ་ཚོགས་མྱོང་། །​དེ་འདྲའི་ཉེས་དམིགས་མཐའ་མེད་པ། །​ཡུལ་ནས་འབྱུང་བར་འགྱུར་བ་ཡང་། །​སྡིག་ཅན་མི་ནི་མཐོང་འགྱུར་ཡང་། །​ཡལ་བོར་མ་བསྐྲད་པ་ལས་གྱུར། །​ལྷ་རྣམས་ཀུན་གྱིས་བྱིན་བརླབས་ནས། །​ཡུལ་གྱི་རྒྱལ་པོ་བྱས་གྱུར་ཀྱང་། །​ཡང་དག་དམ་པའི་ཆོས་དག་གིས། །​ཡུལ་ཁམས་ཡོངས་སུ་སྲུང་མི་བྱེད། །​གང་ཞིག་དགེ་སྤྱོད་སྒྲུབ་བྱེད་ན། །​རྟག་ཏུ་མཐོ་རིས་གནས་སུ་སྐྱེ། །​གལ་ཏེ་སྡིག་པའི་ལས་བྱས་པ། །​ཚེ་འཕོས་ངེས་པར་ངན་འགྲོར་ལྟུང་། །​གལ་ཏེ་རྒྱལ་པོས་ཡུལ་མི་རྣམས། །​ཐལ་རངས་ཉེས་པ་བྱེད་འཇུག་ན། །སུམ་ཅུ་རྩ་གསུམ་ལྷ་ཚོགས་རྣམས། །​ཐམས་ཅད་རབ་གདུངས་སེམས་སྐྱེ་འགྱུར། །​ལྷ་རྣམས་དང་ནི་ཕ་མ་ཡི། །​བསྟན་དག་བཞིན་དུ་མི་བྱེད་པ། །​འདི་ནི་ཆོས་མིན་མི་ཡིན་པས། །​རྒྱལ་པོ་སྲི་ཞུའི་བུ་མ་ཡིན། །​གལ་ཏེ་རང་གི་ཡུལ་ཁམས་སུ། །​ཆོས་མིན་སྤྱོད་པ་མཐོང་བའི་ཚེ། །​ཆོས་བཞིན་ཆད་པས་གཅོད་བྱེད་ཅིང་། །​ཡལ་དོར་སེམས་ནི་མི་བསྐྱེད་ན། །​དེ་ཕྱིར་ལྷ་ཚོགས་མང་པོ་ཀུན། །​རྒྱལ་པོ་དེ་ལ་སྐྱོབ་པར་བྱེད། །​བྱང་ཆུབ་སྤྱོད་པ་བསྒྲུབ་པའི་ཕྱིར། །​སྡིག་པའི་ཆོས་རྣམས་ཞི་བྱེད་ན། །​རྒྱལ་པོ་ཚེ་འདི་ཉིད་ལ་ནི། །

eKangyur, UT4CZ5369-I1KG9215-0000, page 242 (121b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh555/UT22084-089-012-3458#UT22084-089-012-3458