གསེར་འོད་དམ་པའི་མདོ།

The Sūtra of the Sublime Golden Light (1)
F.19.a

Suvarṇa­prabhāsottamasūtra
F.19.a, volume 89, Degé Kangyur

༄༅༅། །​རྒྱ་ཡི་སྐད་དུ། ཏཱ་ཤིན་ཀྱིན་ཀྭང་མྱའུ་ཙའི་ཤིན་ཝང་ཀྱིན། བོད་སྐད་དུ། འཕགས་པ་གསེར་འོད་དམ་པ་མཆོག་ཏུ་རྣམ་པར་རྒྱལ་བའི་མདོ་སྡེའི་རྒྱལ་པོ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །​འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་སྤུངས་པའི་རི་ཤིན་ཏུ་རྣམ་པར་དག་པ་ཆོས་ཀྱི་དབྱིངས་ཟབ་མོ་སངས་རྒྱས་ཐམས་ཅད་ཀྱི་སྤྱོད་ཡུལ་དེ་བཞིན་གཤེགས་པའི་གནས་ན་དགེ་སློང་ཆེན་པོའི་དགེ་འདུན་ཁྲི་ཕྲག་དགུ་ཁྲི་བརྒྱད་སྟོང་དང་ཐབས་ཅིག་ཏུ་བཞུགས་ཏེ། ཐམས་ཅད་ཀྱང་དགྲ་བཅོམ་པ་ཤ་སྟག །​གླང་པོ་ཆེའི་རྒྱལ་པོ་ལྟར་ཤིན་ཏུ་རྣམ་པར་བྱང་བ་ཤ་སྟག །​ཟག་པ་ཟད་པ་ཤ་སྟག །​ཉོན་མོངས་པ་མེད་པ་ཤ་སྟག །​སེམས་ཤིན་ཏུ་རྣམ་པར་གྲོལ་བ་ཤ་སྟག །​ཤེས་རབ་ཤིན་ཏུ་རྣམ་པར་གྲོལ་བ་ཤ་སྟག །​བྱ་བ་བྱས་པ་ཤ་སྟག །​ཁུར་བོར་བ་ཤ་སྟག །​བདག་གི་དོན་རབ་ཏུ་རྙེད་པ་ཤ་སྟག །​སྲིད་པའི་སྦྱོར་བ་ཡོངས་སུ་ཟད་པ་ཤ་སྟག །​དམ་པའི་དབང་མཆོག་ཐོབ་པ་ཤ་སྟག །​ཚུལ་ཁྲིམས་རྣམ་པར་དག་པ་ལ་གནས་པ་ཤ་སྟག །​ཐབས་དང་ཤེས་རབ་ཏུ་ལྡན་པར་མཁས་པའི་རྒྱན་གྱིས་བརྒྱན་པ་ཤ་སྟག །​རྣམ་པར་ཐར་པ་བརྒྱད་དང་ལྡན་པ་ཤ་སྟག །​ཕ་རོལ་དུ་ཡོངས་སུ་ཕྱིན་པ་ཤ་སྟག་སྟེ། དེ་དག་གི་མིང་ལ་འདི་ལྟ་སྟེ། ཚེ་དང་ལྡན་པ་ཀུན་ཤེས་ཀཽཎྜི་ནྱ་དང་། ཚེ་དང་ལྡན་པ་རྟ་ཐུལ་དང་། ཚེ་དང་ལྡན་པ་རླངས་པ་དང་། ཚེ་དང་ལྡན་པ་མིང་ཆེན་དང་། ཚེ་དང་ལྡན་པ་བཟང་པོ་དང་། ཚེ་དང་ལྡན་པ་འོད་སྲུང་ཆེན་པོ་དང་། ཚེ་དང་ལྡན་པ་ལྟེང་རྒྱས་འོད་སྲུང་དང་། ཚེ་དང་ལྡན་པ་ག་ཡཱ་འོད་སྲུང་དང་། ཚེ་དང་ལྡན་པ་ཆུ་བོ་འོད་སྲུང་དང་། ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་དང་། དེ་ལ་གཅིག་མ་གཏོགས་པ་དེ་ནི་ཚེ་དང་ལྡན་པ་ཀུན་དགའ་བོ་སྟེ། དེ་ལ་སོགས་ཏེ་ཉན་ཐོས་ཀྱི་དགེ་འདུན་ཆེན་པོ་རྣམས་ཕྱི་དྲོའི་དུས་ན་སོ་སོའི་ཏིང་ངེ་འཛིན་ལས་ལངས་ནས་བཅོམ་ལྡན་འདས་གང་ན་པ་དེར་ལྷགས་ཏེ། བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་ཕྱག་བྱས་ནས། གཡས་ཕྱོགས་ནས་ལན་

eKangyur, UT4CZ5369-I1KG9215-0000, page 38 (19b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh555/UT22084-089-012-3254#UT22084-089-012-3254