གསེར་འོད་དམ་པའི་མདོ།

The Sūtra of the Sublime Golden Light (1)
F.108.b

Suvarṇa­prabhāsottamasūtra
F.108.b, volume 89, Degé Kangyur

གུས་ཕྱག་འཚལ། །​མི་རྣམས་ནང་ན་ཀུན་གྱི་མཆོག་གྱུར་པས། །​འཇིག་རྟེན་གསུམ་པོ་ཐམས་ཅད་ཁྱོད་ལ་མཆོད། །​བྱད་བཞིན་རབ་མཛེས་ཀུན་གྱིས་བལྟ་བར་མོས། །​ཡོན་ཏན་རྣམ་པ་སྣ་ཚོགས་ལུས་རབ་བརྒྱན། །​མིག་ཡངས་པདྨ་སྔོན་པོའི་འདབ་མ་འདྲ། །​བསོད་ནམས་ཡེ་ཤེས་སྣང་བའི་གྲགས་པས་རྒྱས། །​དཔེར་ན་རིན་ཐང་མེད་པའི་ནོར་བུ་མཚུངས། །​དེང་བདག་དམ་པ་ཁྱོད་ལ་བསྔགས་པས་ན། །​སེམས་ལ་བསམ་པ་ཐམས་ཅད་འགྲུབ་པར་འགྱུར། །​ཡང་དག་ཡོན་ཏན་བཀྲ་ཤིས་གྱ་ནོམ་པ། །​པདྨ་ལྟ་བུར་ཤིན་ཏུ་རྣམ་པར་དག །​ལུས་མདོག་རབ་མཛེས་ཀུན་གྱིས་བལྟ་བར་མོས། །​མཚན་མང་ངོ་མཚར་བསམ་གྱིས་ཡང་མི་ཁྱབ། །​དྲི་མེད་ཡེ་ཤེས་འོད་ཟེར་རབ་འགྱེད་པས། །​དྲན་པས་ཀུན་གྱི་ནང་ན་མཆོག་ཏུ་གྱུར། །​ཇི་ལྟར་སེང་གེ་གཅན་གཟན་མཆོག་གྱུར་ལྟར། །​རྟག་པར་ལག་པ་བརྒྱད་ཀྱིས་བདག་ཉིད་བརྒྱན། །​སོ་སོར་མདའ་གཞུ་རལ་གྲི་སྟ་རེ་དང་། །​ཐོ་རིངས་ལྕགས་ཀྱི་འཁོར་ལོ་ཞགས་པ་ཐོགས། །​རབ་མཛེས་ལྷ་མོ་ཟླ་བ་ཉ་བ་འདྲ། །​ཚིག་ལ་ཐོགས་མེད་དབྱངས་སྙན་འབྱིན་པར་བྱེད། །​སེམས་ཅན་གང་ཞིག་སེམས་ལ་སྨོན་ཡོད་ན། །​སྐྱེས་བུ་དམ་པས་བསམས་བཞིན་རྫོགས་པར་བྱེད། །​བརྒྱ་བྱིན་ལྷ་མང་ཀུན་གྱིས་ཁྱོད་མཆོད་ནས། །​ཐམས་ཅད་བསྔགས་བརྗོད་སྐྱབས་སུ་འགྲོ་བར་བྱེད། །​བསམ་གྱིས་མི་ཁྱབ་ཡོན་ཏན་སྐྱེད་བྱེད་པས། །​དུས་རྣམས་རྟག་ཏུ་གུས་པ་སྐྱེད་པར་བྱེད་སྭཱ་ཧཱ། །​གལ་ཏེ་སྤོབས་ཆེན་ལྷ་མོ་གསོལ་འདོད་ན། །​བསྔགས་བསྟོད་ཚིག་ནི་འདི་ལས་འབྱུང་བ་བཞིན། །​ནད་པར་རྣམ་དག་སེམས་ཀྱིས་རྩེ་གཅིག་གདོན། །​བསམ་པའི་དངོས་པོ་ཐམས་ཅད་བསམས་བཞིན་འགྲུབ། །​དེ་ནས་བཅོམ་ལྡན་འདས་ཀྱིས་བྲམ་ཟེ་དེ་ལ་ཁྱོད་ཀྱིས་སེམས་ཅན་རྣམས་ལ་ཕན་གདགས་ཤིང་བདེ་བ་སྦྱིན་པའི་ཆེད་དུ། ལྷ་མོ་དེ་ལ་བསྔགས་པ་བརྗོད་པས་བྱིན་གྱིས་རློབ་པར་གསོལ་བ་བཏབ་ནས། བསོད་ནམས་དཔག་ཏུ་མེད་པ་འཐོབ་པར་འགྱུར་བ་ལེགས་སོ་ལེགས་སོ་ཞེས་བཀའ་སྩལ་ཏོ།​། །​།གསེར་འོད་དམ་པ་མཆོག་ཏུ་རྣམ་པར་

eKangyur, UT4CZ5369-I1KG9215-0000, page 216 (108b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh555/UT22084-089-012-3432#UT22084-089-012-3432