གསེར་འོད་དམ་པའི་མདོ།

The Sūtra of the Sublime Golden Light (1)
F.78.b

Suvarṇa­prabhāsottamasūtra
F.78.b, volume 89, Degé Kangyur

རྟེན་སྣང་མཛད་དང་། །​རྐང་གཉིས་གཙོ་བོ་མཆོག་ལ་ནི། །​བྱང་ཆུབ་སེམས་དཔའ་ཡང་དག་སྤྱོད། །​ཞུ་ན་ཐུགས་རྗེས་གནང་བར་སྨོན། །​བཅོམ་ལྡན་རིགས་ཀྱི་ལྷ་མོ་ལ། །​གལ་ཏེ་ཐེ་ཙོམ་ཡོད་གྱུར་ན། །​ཁྱོད་ཀྱིས་ཡིད་བཞིན་ཞུས་ཤིག་དང་། །​རྣམ་ཕྱེ་བསྟན་པ་བྱ་ཞེས་གསུངས། །​དེ་ནས་ལྷ་མོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །​བྱང་ཆུབ་སེམས་དཔའ་ཇི་ལྟ་བུར། །​བྱང་ཆུབ་ཡང་དག་སྤྱད་སྤྱོད་ན། །​བདག་དང་གཞན་ལ་སྨན་སླད་དུ། །​འཁོར་བ་མྱ་ངན་འདས་སྤངས་འགྱུར། །​བཅོམ་ལྡན་འདས་ཀྱིས་རིགས་ཀྱི་ལྷ་མོ་ལ་བཀའ་སྩལ་པ། ཆོས་ཀྱི་དབྱིངས་ལ་བརྟེན་ཏེ་བྱང་ཆུབ་ཀྱི་ཆོས་སྤྱད་ནས་མཉམ་པ་ཉིད་ཀྱི་ཆོས་སྤྱོད་པ་བསྒོམ་པར་བྱའོ། །​ཇི་ལྟར་ཆོས་ཀྱི་དབྱིངས་ལ་བརྟེན་ཏེ་བྱང་ཆུབ་ཀྱི་ཆོས་ལ་སྤྱད་ནས་མཉམ་པ་ཉིད་ཀྱི་སྤྱོད་པ་བསྒོམ་པར་བྱ་ཞེ་ན། འདི་ལྟར་ཕུང་པོ་ལྔ་པོ་དག་གིས་ཆོས་ཀྱི་དབྱིངས་སྟོན་པར་བྱས་པས་ཆོས་ཀྱི་དབྱིངས་གང་ཡིན་པ་དེ་ཉིད་ཕུང་པོ་ལྔ་ཡིན་ཡང་ཕུང་པོ་ལྔ་ཡང་བརྗོད་དུ་མེད་ལ་ཕུང་པོ་ལྔ་མ་ཡིན་པ་ཡང་བརྗོད་དུ་མེད་དོ། །​དེ་ཅིའི་ཕྱིར་ཞེ་ན། གལ་ཏེ་ཆོས་ཀྱི་དབྱིངས་ཕུང་པོ་ལྔ་ཡིན་པར་གྱུར་ན་ནི་ཆད་པའི་ལྟ་བར་འགྱུར་ལ། གལ་ཏེ་ཕུང་པོ་ལྔ་དང་ཐ་དད་པར་གྱུར་ན་ནི་རྟག་པའི་ལྟ་བར་འགྱུར་བས་མཚན་ཉིད་གཉིས་དང་བྲལ་བ། མཐའ་གཉིས་ལ་མངོན་པར་མ་ཆགས་པ། བལྟར་མེད་པ། བལྟ་བར་བྱ་བ་ལས་ཡང་དག་པར་འདས་པ། མིང་མེད་པ། མཚན་མ་མེད་པ་གང་ཡིན་པ་དེ་ནི་ཆོས་ཀྱི་དབྱིངས་བསྟན་པ་ཞེས་བྱའོ། །​རིགས་ཀྱི་ལྷ་མོ་ཇི་ལྟར་ཕུང་པོ་ལྔ་པོ་དག་གིས་ཆོས་ཀྱི་དབྱིངས་སྟོན་པར་བྱེད་ཅེ་ན། འདི་ལྟར་ཕུང་པོ་ལྔ་དག་ནི་རྒྱུ་དང་རྐྱེན་ལས་སྐྱེ་བ་མ་ཡིན་ནོ། །​དེ་ཅིའི་ཕྱིར་ཞེ་ན། གལ་ཏེ་རྒྱུ་དང་རྐྱེན་ལས་སྐྱེས་པ་ཞིག་ཡིན་པར་གྱུར་ན་སྐྱེས་ཟིན་པའི་ཕྱིར་སྐྱེ་འམ། མ་སྐྱེས་པའི་ཕྱིར་སྐྱེ། གལ་ཏེ་སྐྱེས་ཟིན་པ་ཞིག་ཡིན་ན་ནི་རྒྱུ་དང་རྐྱེན་དགོས་པ་ཅི་ཞིག་ཡོད། གལ་ཏེ་མ་སྐྱེས་པ་ཞིག་སྐྱེ་ན་ནི་ནམས་ཀྱང་སྐྱེ་བ་དམིགས་པར་མི་འགྱུར་རོ། །​དེ་ཅིའི་ཕྱིར་ཞེ་ན། མ་སྐྱེས་པའི་ཆོས་གང་ཡིན་པ་དེ་ནི་ཡོད་པ་མ་ཡིན་པ་མིང་མེད་པ་མཚན་མ་མེད་པ་

eKangyur, UT4CZ5369-I1KG9215-0000, page 156 (78b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh555/UT22084-089-012-3372#UT22084-089-012-3372