འཇམ་དཔལ་གྱི་རྩ་བའི་རྒྱུད།

The Root Manual of the Rites of Mañjuśrī
F.204.b

Mañjuśrī­mūla­kalpa
F.204.b, volume 88, Degé Kangyur

རྣམས་ཀྱིས་བསྟན་པ་ཡིན། །​དེ་ནས་གཞན་ཡང་རབ་བཤད་པ། །​ངེས་པར་ཟློས་པས་རྟག་ཏུ་བྱ། །​ཡུད་ཙམ་དག་ནི་བཅུ་གཉིས་དང་། །​དུས་དང་དུས་མིན་འགྲོ་བའི་རྒྱུ། །​གྲུབ་པའི་རྒྱུ་འམ་མ་ཡིན་པ། །​འགྲོ་བ་མིན་པའང་བཤད་པར་བྱ། །​འཇིག་རྟེན་ལ་ཉེ་བཟང་བ་དང་། །​ཆར་དང་ཆར་མིན་ཡང་དང་ཡང་། །​ཡུལ་འཁོར་འཇིག་དང་མུ་གེ་དང་། །​ལོ་ལེགས་ཉི་མ་གསལ་མཐོང་དགེ། །​དུས་དང་དེ་བཞིན་དབང་པོའི་གཞུ། །​སྐྱེ་བོ་རྣམས་ལ་རྟག་ཞི་བྱེད། །​མཇུག་རིངས་ས་འགུལ་གནམ་གྲུམ་དང་། །​སྐར་མདའ་དང་ནི་ལྷོ་འུར་དང་། །རྒྱུ་སྐར་གཟའ་དང་སྐར་རྣམས་ཀྱི། །​སྤྱོད་པ་དགེ་དང་མི་དགེ་བ། །​འབྱུང་པོ་རྣམས་ཀྱི་སྤྱོད་པ་ནི། །​དགེ་དང་མི་དགེའི་སྤྱོད་པ་ཡིན། །​ཤ་ཟ་དང་ནི་མ་མོ་དང་། །​དྲག་པོ་མ་རུངས་ཉེར་འཇོམས་བྱེད། །​ཤ་ཟ་རྣམས་ཀྱི་སྤྱོད་པ་ནི། །​དེ་བཞིན་མ་རུངས་སེམས་ཅན་བརྗོད། །​གང་དུ་ལྷ་ལ་རབ་དད་དང་། །​རིན་ཆེན་ཆོས་དང་བློ་མཆོག་དང་། །​དགེ་བའི་ལས་དང་རྟག་ཏུ་ལྡན། །​བྱམས་སེམས་བརྩེ་བར་ལྡན་པ་དང་། །​ལེགས་པར་སྤྱོད་པའི་དོན་ལྡན་བློ། །​གཞན་གྱི་སྡུག་བསྔལ་དག་ལ་སེམས། །​སྔགས་དང་རིག་པ་རྣམས་ཀྱིས་དྲངས། །​སྨན་གྱི་དོན་དུ་ཁ་ཟས་སྤྱོད། །​གང་དུ་མཚན་ཉིད་ལ་བརྟེན་པས། །​སྤྱོད་པ་རྒྱ་ཆེར་བསྟན་པ་ཡིན། །​གཞན་གྱི་ལུས་ལ་གནས་ནས་ནི། །​མི་ལུས་བརྟེན་ནས་གནས་པ་ཡིན། །​ལྷ་ནི་མཆོད་པ་ཞེས་བཤད་དེ། །​ལྷ་མིན་ང་རྒྱལ་ཅན་གྱི་རྒྱུས། །​གནས་དེར་གནས་པའང་རྣམ་པ་གཉིས། །རིམ་བཞིན་ལྷ་དང་ལྷ་མ་ཡིན། །​དེ་ཡང་དེར་ནི་རྣམ་གཉིས་ཏེ། །​དྲག་པ་དང་ནི་ཐུན་མོང་ཡིན། །​དེ་ཡང་དེར་ནི་རྣམ་གཉིས་འགྲོ། །​དགེ་དང་མི་དགེ་འགྲོ་བ་ལྔ། །​དེར་གནས་རྣམ་གསུམ་འགྲོ་བ་སྟེ། །​ཉི་ཤུ་སུམ་ཅུ་གྲངས་མེད་པའོ། །​ལྷ་དབང་དང་ནི་འོག་མིན་པར། །​གོ་རིམས་ཇི་བཞིན་ས་མེད་པའོ། །​འཇིག་རྟེན་ཁམས་ནི་མཐའ་མེད་པ། །​དགེ་དང་མི་དགེ་འཇིག་རྟེན་ཡིན། །​འཁོར་སྤྱོད་སེམས་ཅན་ཇི་སྙེད་དང་། །​འཕགས་པ་ཉན་ཐོས་ཇི་སྙེད་དང་། །​སངས་རྒྱས་རང་སངས་རྒྱས་རྣམས་དང་། །​དེ་ཡི་ཐུགས་ལས་སྐྱེས་སྲས་དང་། །​བྱང་

eKangyur, UT4CZ5369-I1KG9214-0000, page 408 (204b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh543/UT22084-088-038-19115#UT22084-088-038-19115