དཔལ་ནག་པོ་ཆེན་པོ་ཞེས་བྱ་བའི་རྒྱུད་ཀྱི་རྒྱལ་པོ།

The Glorious Sovereign Tantra of Mahākāla
F.79.b

Śrīmahākāla­tantra­rāja­nāma
F.79.b, volume 81, Degé Kangyur

ཡིད་ལ་མི་བྱེད་པ་གང་ལ་འཕེལ་བ། དེ་དང་ལྡན་པ་དེ་དངོས་པོ་མེད་པའོ། །​ཨུ་ཎུ་ཨ་ར་ནཱ་ཧི་ཏཏྟ་ཧ་ལུ་ཨེ་ཧེ་ཎི་ཛ་ཧི་ཀ་ཧ་ཝི་ནཱ་སཾ་ཧོ། ཙི་ཨ་ར་གོ་ཙ་ར་ཨི་ཙིཏྟ་ཏ་ཧ་ཐཾ་བི་ན་སུ་ཧ་ལ་པ་རི་བྷཱ་སི་ཨོ་ནྷ་རེ་ཁ་ཎ་པི་ན་ཐཀྐ། ཨོ་ཨུཛྫ་ཎི་ཨེ་ལེ་ཁ་ས་ཎོ། བྷ་ཎ་ཨི་བྷེ་ཨོ་ས་ཝ་རཏྟ་ཀ་ཧི་ཝི་ཎ་ཙྪི་ཊྛི་ཨོ་ཞེས་པ་དང་། བྷཾ་བཱ་ལོ་ཨ་གོ་ཨ་ར་ཙིནྟཱ་གྷ་རཾ་གྷ་ར་གྷ་རེ་ཎི་ཧེ་ཊ་མུ་ཀྵ་ཧི་ཨོ། མ་ཧཱ་ཛ་ནན་དེ་ཝི་ཨ་སོ་ཧི་ཎ་བྷ་ཎི་ཨོ། བི་ཧ་ཧ་ད་ཏེ་པ་རི་བྷ་ཝཾ་ཏེ། ཀ་ཧ་ཝི་ན་ཛ་ཨི་ཞེས་པ་འདི་དག་ནི་སྐད་ངན་པའི་བྱེ་བྲག་གིས་དེ་ཁོ་ན་བཤད་པའོ། །​འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་དེ་ཁོ་ནའི་ལེའུ་སྟེ་ཉི་ཤུ་རྩ་བརྒྱད་པའོ།​། །​།གཞན་ཡང་ཞིང་སྐྱེས་བརྗོད་པར་བྱ་སྟེ། བྲམ་ཟེའི་རིགས་ལས་སྐྱེས་པའི་བུད་མེད་བོང་གེ་རིང་བ། མིག་ཆེ་བ། ཁ་དོག་སེར་སྐྱའམ་ནག་པོ་སྟེ། འདི་ལྟ་བུའི་རྣལ་འབྱོར་མས་དག་པར་བྱེད་དོ། །​དམངས་རིགས་ལས་སྐྱེས་པའི་རྐང་པ་འཁྱོག་པ་ཁ་དོག་སྔོ་སངས་སམ། སེར་སྐྱའམ། ནག་མོ་སྐྲ་འཁྱིལ་བ་སྐད་འཛེར་བ་ནི་མཁའ་འགྲོ་མའོ། །​རྡོ་རྗེའི་རིགས་ཀྱང་དེ་དང་མཚུངས་སོ། །​རེག་མི་བཏུབ་པ་ལས་སྐྱེས་པའི་མཚན་ཉིད་ཐམས་ཅད་རྫོགས་པ་དེས་ཁྲུམས་སྟོད་དང་། ནག་པ་དང་། ས་རི་དང་། ལག་དང་། ཆུ་སྟོད་དང་། ནབ་སོ་དང་། བྲ་ཉེ་དང་། སྨིན་དྲུག་རྣམས་ལས་སྐྱེས་པའི་མི་དེ་རྣམས་ཀྱིས་འཇིགས་བྱེད་ཆེན་པོའི་དངོས་གྲུབ་ཐོབ་པར་འགྱུར་རོ། །​སྣར་མ་དང་། མགོ་དང་། མཆུ་དང་། སྐག་རྣམས་ལ་ཡང་ངོ་། །​འདི་ནི་ནག་པོ་ཆེན་པོའི་རྒྱུད་ཀྱི་རྒྱལ་པོ་ལས་ཞིང་སྐྱེས་ཀྱི་ལེའུ་སྟེ་ཉི་ཤུ་རྩ་དགུ་པའོ།​། །​།དེ་ནས་ཞིང་སྐྱོང་བཤད་པར་བྱའོ། །​གང་གིས་ངེས་པར་བགེགས་ཡོད་པའི་སར་ཕྱིན་ལ་ཇི་ལྟར་བསྐྱེད་པར་བྱ་བ་དེ་ལྟར་བསྐྱེད་པ་ནི་དང་པོར་ཡི་གེ་ཧཱུྃ་གིས་དམིགས་ལ་མཆོད་པ་སྣ་ཚོགས་པས་མཆོད་ལ། སྡིག་པ་བཤགས་པ་ལ་སོགས་པ་བྱས་པ་དང་། སྙིང་གར་ཧཱུྃ་ཡོངས་སུ་གྱུར་པ་ལས་གྲི་གུག་ཡི་གེ་ཀྵཾ་དང་ཧཱུྃ་གིས་བྱིན་གྱིས་བརླབ་པའོ། །​དེ་རྣམས་ཡོངས་སུ་གྱུར་པ་ལས་བདག་ཉིད་ཞིང་སྐྱོང་ཕྱག་གཉིས་པ། གྲི་གུག་དང་ཐོད་པ་ཕྱག་ན་བསྣམས་པ། གཡས་བརྐྱང་གིས་བཞུགས་པས་ཁྱི་མནན་པ། ཕཊ་ཅེས་

eKangyur, UT4CZ5369-I1KG9207-0000, page 158 (79b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://84000.co/translation/toh440/UT22084-081-009-1802#UT22084-081-009-1802