The Ten Bhūmis
F.277.b
རིའི་རྒྱལ་པོ་དཔལ་དང་ལྡན་པ་ནི་རིན་པོ་ཆེའི་རང་བཞིན་རྣམ་པར་དག་པ་ལྷ་མ་ཡིན་རྫུ་འཕྲུལ་ཆེན་པོ་དང་ལྡན་པ་རྣམས་ཀྱི་འབྱུང་གནས་ཡིན་ཏེ། ལྷ་མ་ཡིན་རྫུ་འཕྲུལ་ཆེན་པོ་ཅན་བགྲངས་པས་ཟད་པ་མེད་དོ། །ཀྱེ་རྒྱལ་བའི་སྲས་དེ་བཞིན་དུ་བྱང་ཆུབ་སེམས་དཔའི་ས་ལེགས་པའི་བློ་གྲོས་ལ་གནས་པའི་བྱང་ཆུབ་སེམས་དཔའ་ཡང་སེམས་ཅན་འབྱུང་བ་དང་། འཇིག་པ་ཤེས་པའི་རྒྱུད་ཐམས་ཅད་ཀྱི་འབྱུང་གནས་ཡིན་ཏེ། འགྲོ་བ་ཐམས་ཅད་འབྱུང་བ་ཡོངས་སུ་དྲིས་པ་བསྟན་པས་ཟད་པ་མེད་དོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། རིའི་རྒྱལ་པོ་ཆེན་པོ་རི་རབ་ནི་རིན་པོ་ཆེའི་རང་བཞིན་རྣམ་པར་དག་པ་ལྷ་རྫུ་འཕྲུལ་ཆེན་པོ་དང་ལྡན་པ་རྣམས་ཀྱི་འབྱུང་གནས་ཡིན་ཏེ། ལྷ་རྫུ་འཕྲུལ་ཆེན་པོ་ཅན་བགྲངས་པས་ཟད་པ་མེད་དོ། །ཀྱེ་རྒྱལ་བའི་སྲས་དེ་བཞིན་དུ་བྱང་ཆུབ་སེམས་དཔའི་ས་ཆོས་ཀྱི་སྤྲིན་ལ་གནས་པའི་བྱང་ཆུབ་སེམས་དཔའ་ཡང་དེ་བཞིན་གཤེགས་པའི་སྟོབས་དང་། མྱི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པ་རྣམས་ཀྱི་འབྱུང་གནས་ཡིན་ཏེ། སངས་རྒྱས་ཀྱི་འཕྲིན་ལས་ཡང་དག་པར་བསྟན་པ་ཡོངས་སུ་དྲིས་པ་བསྟན་པས་ཟད་པ་མེད་དོ། །ཀྱེ་རྒྱལ་བའི་སྲས་ཇི་ལྟར་རིན་པོ་ཆེའི་རི་ཆེན་པོ་དེ་དག་རྒྱ་མཚོ་ཆེན་པོ་ལས་བྱུང་ཞིང་རྒྱ་མཚོ་ཆེན་པོ་ལས་སྨོས་པ་དེ་བཞིན་དུ། ཀྱེ་རྒྱལ་བའི་སྲས་བྱང་ཆུབ་སེམས་དཔའི་ས་བཅུ་པོ་འདི་དག་ཀྱང་ཐམས་ཅད་མཁྱེན་པ་ཉིད་ལས་བྱུང་ངོ་། །ཐམས་ཅད་མཁྱེན་པ་ཉིད་ལས་སྨོས་པའོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། རྒྱ་མཚོ་ཆེན་པོ་ནི་རྣམ་པ་བཅུས་མི་འཕྲོགས་པའི་ཕྱིར་རྒྱ་མཚོའི་གྲངས་སུ་འགྲོ་སྟེ། བཅུ་གང་ཞེ་ན་འདི་ལྟ་སྟེ། རིམ་གྱིས་གཞོལ་བ་དང་། ཤི་བའི་རོ་དང་མྱི་འགོགས་པ་དང་། ཆུ་གཞན་གྱི་གྲངས་ཡོངས་སུ་སྤངས་པ་དང་། རོ་གཅིག་པ་དང་། རིན་པོ་ཆེ་མང་བ་དང་། ཟབ་ཅིང་གཏིང་རིང་བ་དང་། ཡངས་ཤིང་ཚད་མེད་པ་དང་། འབྱུང་བོ་མང་པོའི་གནས་སུ་གྱུར་པ་དང་། དབྲེས་ཀྱི་ཚུལ་ལས་མི་འདའ་བ་དང་། སྤྲིན་ཆེན་པོའི་ཆར་ཐམས་ཅད་ཡོངས་སུ་འཛིན་པས་མི་ངོམས་པའོ།
རིའི་རྒྱལ་པོ་དཔལ་དང་ལྡན་པ་ནི་རིན་པོ་ཆེའི་རང་བཞིན་རྣམ་པར་དག་པ་ལྷ་མ་ཡིན་རྫུ་འཕྲུལ་ཆེན་པོ་དང་ལྡན་པ་རྣམས་ཀྱི་འབྱུང་གནས་ཡིན་ཏེ། ལྷ་མ་ཡིན་རྫུ་འཕྲུལ་ཆེན་པོ་ཅན་བགྲངས་པས་ཟད་པ་མེད་དོ། །ཀྱེ་རྒྱལ་བའི་སྲས་དེ་བཞིན་དུ་བྱང་ཆུབ་སེམས་དཔའི་ས་ལེགས་པའི་བློ་གྲོས་ལ་གནས་པའི་བྱང་ཆུབ་སེམས་དཔའ་ཡང་སེམས་ཅན་འབྱུང་བ་དང་། འཇིག་པ་ཤེས་པའི་རྒྱུད་ཐམས་ཅད་ཀྱི་འབྱུང་གནས་ཡིན་ཏེ། འགྲོ་བ་ཐམས་ཅད་འབྱུང་བ་ཡོངས་སུ་དྲིས་པ་བསྟན་པས་ཟད་པ་མེད་དོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། རིའི་རྒྱལ་པོ་ཆེན་པོ་རི་རབ་ནི་རིན་པོ་ཆེའི་རང་བཞིན་རྣམ་པར་དག་པ་ལྷ་རྫུ་འཕྲུལ་ཆེན་པོ་དང་ལྡན་པ་རྣམས་ཀྱི་འབྱུང་གནས་ཡིན་ཏེ། ལྷ་རྫུ་འཕྲུལ་ཆེན་པོ་ཅན་བགྲངས་པས་ཟད་པ་མེད་དོ། །ཀྱེ་རྒྱལ་བའི་སྲས་དེ་བཞིན་དུ་བྱང་ཆུབ་སེམས་དཔའི་ས་ཆོས་ཀྱི་སྤྲིན་ལ་གནས་པའི་བྱང་ཆུབ་སེམས་དཔའ་ཡང་དེ་བཞིན་གཤེགས་པའི་སྟོབས་དང་། མྱི་འཇིགས་པ་དང་། སངས་རྒྱས་ཀྱི་ཆོས་མ་འདྲེས་པ་རྣམས་ཀྱི་འབྱུང་གནས་ཡིན་ཏེ། སངས་རྒྱས་ཀྱི་འཕྲིན་ལས་ཡང་དག་པར་བསྟན་པ་ཡོངས་སུ་དྲིས་པ་བསྟན་པས་ཟད་པ་མེད་དོ། །ཀྱེ་རྒྱལ་བའི་སྲས་ཇི་ལྟར་རིན་པོ་ཆེའི་རི་ཆེན་པོ་དེ་དག་རྒྱ་མཚོ་ཆེན་པོ་ལས་བྱུང་ཞིང་རྒྱ་མཚོ་ཆེན་པོ་ལས་སྨོས་པ་དེ་བཞིན་དུ། ཀྱེ་རྒྱལ་བའི་སྲས་བྱང་ཆུབ་སེམས་དཔའི་ས་བཅུ་པོ་འདི་དག་ཀྱང་ཐམས་ཅད་མཁྱེན་པ་ཉིད་ལས་བྱུང་ངོ་། །ཐམས་ཅད་མཁྱེན་པ་ཉིད་ལས་སྨོས་པའོ། །ཀྱེ་རྒྱལ་བའི་སྲས་འདི་ལྟ་སྟེ་དཔེར་ན། རྒྱ་མཚོ་ཆེན་པོ་ནི་རྣམ་པ་བཅུས་མི་འཕྲོགས་པའི་ཕྱིར་རྒྱ་མཚོའི་གྲངས་སུ་འགྲོ་སྟེ། བཅུ་གང་ཞེ་ན་འདི་ལྟ་སྟེ། རིམ་གྱིས་གཞོལ་བ་དང་། ཤི་བའི་རོ་དང་མྱི་འགོགས་པ་དང་། ཆུ་གཞན་གྱི་གྲངས་ཡོངས་སུ་སྤངས་པ་དང་། རོ་གཅིག་པ་དང་། རིན་པོ་ཆེ་མང་བ་དང་། ཟབ་ཅིང་གཏིང་རིང་བ་དང་། ཡངས་ཤིང་ཚད་མེད་པ་དང་། འབྱུང་བོ་མང་པོའི་གནས་སུ་གྱུར་པ་དང་། དབྲེས་ཀྱི་ཚུལ་ལས་མི་འདའ་བ་དང་། སྤྲིན་ཆེན་པོའི་ཆར་ཐམས་ཅད་ཡོངས་སུ་འཛིན་པས་མི་ངོམས་པའོ།
eKangyur, UT4CZ5369-I1KG9162-0000, page 554 (277b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh44-31/UT22084-036-002-2224#UT22084-036-002-2224