རྡོ་རྗེ་འཇིགས་བྱེད་རྣམ་པར་འཇོམས་པ།

The Fearsome Vajra of Destruction
F.247.b

Vajra­bhaira­vavidāraṇa
F.247.b, volume 79, Degé Kangyur

བཅོམ་ལྡན་འདས་ཀྱིས་བཀའ་སྩལ་པ། །​རྡོ་རྗེ་རྣམ་པ་གསུམ་ཡིན་ཏེ། །​དོན་གྱི་རྡོ་རྗེ་དེ་ནས་རྟགས། །​རྫས་ཀྱི་རྡོ་རྗེ་དང་ནི་གསུམ། །​དེ་ནས་དོན་གྱི་རྡོ་རྗེ་བཤད། །​གཟུང་འཛིན་རྟོག་པས་མི་ཕྱེད་ཕྱིར། །​དོན་གྱི་རྡོ་རྗེ་བཤད་པའོ། །​དབང་བཞི་རྡོ་རྗེ་རེ་རེ་སྟེ། །​རྡོ་རྗེ་བཞི་རུ་བཤད་པ་ཡིན། །​རྟགས་ཀྱི་རྡོ་རྗེ་གསུམ་ཡིན་ཏེ། །​རྩེ་གསུམ་རྩེ་ལྔ་རྩེ་དགུ་པ། །​རྩེ་གསུམ་སྐུ་གསུང་ཐུགས་ཀྱི་རྟགས། །​རྩེ་ལྔ་ཡེ་ཤེས་ལྔ་ཡི་རྟགས། །​རྩེ་དགུ་ཁམས་གསུམ་ས་དགུའི་རྟགས། །​རྫས་ཀྱི་རྡོ་རྗེ་བཞི་ཡིན་ཏེ། །​བུམ་པའི་དབང་དང་འབྲེལ་པ་ཡི། །​སྐུ་མདོག་ཕྱག་མཚན་ལ་སོགས་ལྷ། །​གཟུང་དང་འཛིན་པའི་རྣམ་རྟོག་ནི། །​འཇིག་དང་འཇོམས་པས་རྡོ་རྗེའོ། །​གསང་བའི་དབང་དང་འབྲེལ་པ་ཡི། །​རྩ་དང་རླུང་དང་ཐིག་ལེ་ལ། །​གཟུང་འཛིན་གཉིས་སུ་གང་རྟོག་པ། །​འཇིག་ཅིང་འཇོམས་པས་རྡོ་རྗེའོ། །​ཤེས་རབ་ཡེ་ཤེས་དང་འབྲེལ་པའི། །​ལྷན་ཅིག་སྐྱེས་དགའ་ལ་སོགས་ལ། །​གཟུང་དང་འཛིན་པར་གང་རྟོག་པ། །​འཇིག་ཅིང་འཇོམས་པས་རྡོ་རྗེ་ཡིན། །​བཞི་པའི་དབང་དང་འབྲེལ་པ་ཡི། །​རང་རིག་སེམས་ཉིད་སྟོང་ཉིད་ལ། །​གཟུང་འཛིན་གཉིས་སུ་གང་རྟོག་པ། །​འཇིག་ཅིང་འཇོམས་པས་རྡོ་རྗེའོ། །​དེ་ནས་རྟགས་ཀྱི་རྡོ་རྗེ་ནི། །​རྩེ་གསུམ་སྐུ་གསུང་ཐུགས་སུ་བཤད། །འདོད་ཆགས་ཞེ་སྡང་གཏི་མུག་གསུམ། །​འཇིག་ཅིང་འཇོམས་པས་རྡོ་རྗེ་སྟེ། །​རྩེ་ལྔ་ཡེ་ཤེས་ལྔ་ཡི་རྟགས། །​ང་རྒྱལ་ལ་སོགས་རྣམ་པ་ལྔ། །​འཇིག་ཅིང་འཇོམས་པས་རྡོ་རྗེའོ། །​དེ་ནས་རྫས་ཀྱི་རྡོ་རྗེ་ནི། །​རྣམ་པ་བཞི་རུ་བསྟན་པ་སྟེ། །​ཟུར་གསུམ་རྣོ་ལ་འབིགས་པ་དང་། །​གྲུ་བཞི་དག་ནི་གསལ་བར་བྱེད། །​ཟླུམ་པོས་རྫས་རྣམས་འཇོམས་པར་བྱེད། །​ཟུར་ལྔས་འདོད་བསྒྲུབ་རྫས་རྡོ་རྗེ། །​རྒྱུད་ཀྱི་དོན་ནི་རྣམ་པ་བཞི། །​རྒྱུ་དང་འབྲས་བུ་གཉིས་ཀའི་རྒྱུད། །​མཐར་ཐུག་རྒྱུད་ནི་རྒྱལ་པོ་སྟེ། །​དེ་རྣམས་ཀུན་ལ་དབང་བྱེད་པས། །​ལོག་ལྟའི་རྒྱུད་སོགས་སྤོང་བར་བྱེད། །​བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའི་འཁོར་དཔག་ཏུ་མེད་པ་རྣམས་དགའ་ཞིང་མགུ་ནས་རྗེས་སུ་ཡི་རངས་ཏེ། གཡས་ཕྱོགས་ནས་ལན་གསུམ་བསྐོར་ནས་སོ་སོའི་རྫུ་འཕྲུལ་གྱིས་མི་སྣང་བར་གྱུར་ཏོ། །​དཔལ་རྡོ་རྗེ་འཇིགས་བྱེད་རྣམ་པར་འཇོམས་པའི་རྒྱུད་ཀྱི་

eKangyur, UT4CZ5369-I1KG9205-0000, page 494 (247b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://84000.co/translation/toh409/UT22084-079-036-116#UT22084-079-036-116