སྟག་རྣའི་རྟོགས་པ་བརྗོད་པ།

The Exemplary Tale of Śārdūlakarṇa
F.266.a

Śārdūla­karṇāvadāna
F.266.a, volume 76, Degé Kangyur

སྟོང་དང་སྣྲོན་དུ་འཛོམ་པར་འགྱུར་ཞིང་རྒྱལ་དང་བཅོ་ལྔར་ལྡན་ན། ཉིན་པར་ལ་ཡུད་ཙམ་བཅུ་གཉིས་ཡོད་དོ། །​མཚན་མོ་ལ་ནི་ཡུད་ཙམ་བཅོ་བརྒྱད་ཡོད་དོ། །​སོར་དྲུག་གི་གྲིབ་མས་ཉི་མ་འགྱུར་ཞིང་མགོ་དང་མཚན་མོར་འཛོམ་ལ། ས་ག་དང་ཉི་མར་འགྲོགས་ཤིང་དགུན་གྱི་ཟླ་བ་གཉིས་པའི་གནམ་སྟོང་དང་ཆུ་སྟོད་དུ་འཛོམ་ལ་མཆུ་དང་བཅོ་ལྔར་ལྡན་ན། ཉིན་པར་ལ་ནི་ཡུད་ཙམ་བཅུ་གསུམ་ཡོད་དོ། །​མཚན་མོ་ལ་ནི་ཡུད་ཙམ་བཅུ་བདུན་ཡོད་དོ། །​སོར་ལྔའི་གྲིབ་མ་འགྲིབས་པས་ཉི་མ་འགྱུར་ཞིང་རྒྱལ་དང་མཚན་མོར་འཛོམ་ལ། སྣྲོན་དང་ཉི་མ་འགྲོགས་ཤིང་དགུན་གྱི་ཟླ་བ་བཞི་པའི་གནམ་སྟོང་དང་གྲོ་བཞིན་དུ་འཛོམ་ལ་ཆུ་སྟོད་དང་བཅོ་ལྔར་འཛོམ་ན། ཉིན་པར་ལ་ཡུད་ཙམ་བཅུ་བཞིའོ། །​མཚན་མོ་ལ་ནི་ཡུད་ཙམ་བཅུ་དྲུག་གོ། །​སོར་བཞིའི་གྲིབ་མས་ཉི་མ་འགྱུར་ཞིང་མཆུ་དང་། མཚན་མོར་འཛོམ་ལ། ཆུ་སྟོད་དང་ཉི་མ་འགྲོགས་ཤིང་དཔྱིད་ཟླ་ར་བའི་གནམ་སྟོང་དང་ཁྲུམས་སྟོད་དུ་འཛོམ་པར་འགྱུར་ཞིང་ནག་པ་དང་བཅོ་ལྔར་འཛོམ་ན། ཉིན་པར་ལ་ནི་ཡུད་ཙམ་བཅོ་ལྔར་འགྱུར་རོ། །​མཚན་མོ་ལ་ཡང་ཡུད་ཙམ་བཅོ་ལྔར་འགྱུར་ཞིང་སོར་གསུམ་གྱི་གྲིབ་མས་ཉི་མ་འགྱུར་ཞིང་ཆུ་སྟོད་དང་མཚན་མོར་འཛོམ་ལ་གྲོ་བཞིན་དང་ཉི་མར་འགྲོགས་པར་འགྱུར་ཞིང་དཔྱིད་ཀྱི་ཟླ་བ་གཉིས་པའི་གནམ་སྟོང་དང་ཐ་སྐར་དུ་འཛོམ་ལ་ས་ག་དང་བཅོ་ལྔར་འཛོམ་ན་ཉིན་པར་ལ་ནི་ཡུད་ཙམ་བཅུ་དྲུག་ཏུ་འགྱུར་རོ། །​མཚན་མོ་ལ་ནི་ཡུད་ཙམ་བཅུ་བཞིའོ། །​སོར་གཉིས་ཀྱི་གྲིབ་མས་ཉི་མ་འགྱུར་ཞིང་ནག་པ་དང་མཚན་མོར་འཛོམ་ལ་ཁྲུམས་སྟོད་དང་ཉི་མར་འགྲོགས་པར་གྱུར་ཅིང་དཔྱིད་ཀྱི་ཟླ་བ་གསུམ་པའི་གནམ་སྟོང་དང་སྨིན་དྲུག་ཏུ་འཛོམ་པར་གྱུར་ལ་སྣྲུམས་དང་བཅོ་ལྔར་འཛོམ་ན། ཉིན་པར་ལ་ནི་ཡུད་ཙམ་བཅུ་བདུན་དུ་འགྱུར་རོ། །མཚན་མོ་ལ་ནི་ཡུད་ཙམ་བཅུ་གསུམ་མོ། །​སོར་གཉིས་ཀྱི་གྲིབ་མས་ཉི་མ་འགྱུར་ཞིང་སྣྲོན་དང་མཚན་མོར་འཛོམ་ལ་སྨིན་དྲུག་དང་ཉི་མར་འཛོམ་པར་གྱུར་ཅིང་། དཔྱིད་ཀྱི་ཟླ་བ་བཞི་པའི་གནམ་སྟོང་དང་རྒྱལ་དུ་འཛོམ་པར་གྱུར་ལ་ཆུ་སྟོད་དང་བཅོ་ལྔ་རུ་འཛོམ་ན། ཉིན་པར་

eKangyur, UT4CZ5369-I1KG9202-0000, page 531 (266a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://84000.co/translation/toh358/UT22084-076-012-2009#UT22084-076-012-2009