བསོད་ནམས་ཀྱི་སྟོབས་ཀྱི་རྟོགས་པ་བརྗོད་པ།

The Exemplary Tale of Puṇyabala
F.10.a

Puṇyabalāvadāna
F.10.a, volume 76, Degé Kangyur

འབྲུ་དག་ཀྱང་། །​རྟག་ཏུ་ཟད་པར་མི་འགྱུར་རོ། །​ལྷ་ཀླུ་ལྷ་མིན་གནོད་སྦྱིན་དང་། །​ཡི་དགས་ལྟོ་འཕྱེ་མི་རྣམས་ཀྱང་། །​བསོད་ནམས་བདག་ཉིད་ཆེ་བའི་ཕྱིར། །​དུག་དང་གནོད་པ་རྣམས་ལས་སྲུང་། །​བསོད་ནམས་དག་གིས་བསྙེན་བཀུར་འཐོབ། །​སྐྱེ་བོ་མང་དགའ་བསོད་ནམས་ཀྱིས། །​བསོད་ནམས་དག་གིས་གྲགས་ལྡན་འགྱུར། །​བསོད་ནམས་དག་གིས་སྐལ་བཟང་འཐོབ། །​བསོད་ནམས་དག་གིས་ཚིག་ཀྱང་བཙན། །​བསོད་ནམས་དག་གིས་སྡུག་གུར་འགྱུར། །​ཚངས་པའི་དབྱངས་འཐོབ་བསོད་ནམས་ཀྱིས། །​བསོད་ནམས་ཀྱིས་ནི་ལུས་མདོག་སྡུག །​བསོད་ནམས་དག་གིས་ཚིག་ཀྱང་བཟང་། །​དྲན་ལྡན་མཛའ་ལྡན་གཙོ་བོར་འགྱུར། །​དེ་དང་དེར་ནི་མཁས་པར་འོང་། །​མི་ཕྱེད་པ་ཡི་འཁོར་དང་ལྡན། །​བསོད་ནམས་ཅན་ནི་ནད་མེད་ཅིང་། །​སྨོན་པའི་གནས་འགྱུར་བསོད་ནམས་ཀྱིས། །​བསོད་ནམས་རྙེད་ལྡན་གཟི་བྱིན་ཡོད། །​བསོད་ནམས་དག་གིས་རྒྱལ་སྲིད་འཐོབ། །​འགྲན་ཟླ་མེད་ཅིང་གནོད་པ་མེད། །​ལོངས་སྤྱོད་མི་ཉམས་བསོད་ནམས་ཀྱིས། །​བསོད་ནམས་དག་གིས་གཏེར་ཡང་རྙེད། །​འཁོར་ལོས་སྒྱུར་འགྱུར་བསོད་ནམས་ཀྱིས། །​རིན་ཆེན་བདུན་ནི་མདུན་དུ་འགྲོ། །​ནམ་མཁའི་བར་ནས་ཀུན་ཏུ་རྒྱུ། །​ཉི་ཟླ་དང་ཡང་གཟི་བྱིན་མཉམ། །​ཟླ་བ་ཉིད་འཐོབ་བསོད་ནམས་ཀྱིས། །​བསོད་ནམས་ཀྱིས་འཐོབ་ཉི་མ་ཉིད། །​ཚངས་པ་ཉིད་འཐོབ་བསོད་ནམས་ཀྱིས། །​བསོད་ནམས་ཀྱིས་འཐོབ་བརྒྱ་བྱིན་ཉིད། །​གཞལ་མེད་ཁང་ན་རྒྱུ་བ་ཡི། །​བསོད་ནམས་ཀྱིས་ནི་ལྷར་ཡང་འགྱུར། །བསོད་ནམས་དེ་བཞིན་ལྷ་ཡི་བུ། །​ལྷ་མིན་དབང་པོ་སྟོབས་པོ་ཆེ། །​བསོད་ནམས་དག་གིས་ངན་འགྲོ་སྤོང་། །​བསོད་ནམས་ཀྱིས་ནི་བདེ་འགྲོར་འགྲོ །​ཤིན་ཏུ་ཡིད་འོང་རབ་དཀོན་པའི། །​མེ་ཏོག་བསོད་ནམས་དག་གིས་རྙེད། །​བསོད་ནམས་དག་གིས་གྲུབ་པ་འཐོབ། །​འགྲོ་བ་སྣང་བྱེད་བསོད་ནམས་ཀྱིས། །​ལྷ་དང་ལྷ་མིན་མི་རྣམས་ཀྱིས། །​ཡང་དག་མཆོག་འགྱུར་བསོད་ནམས་ཀྱིས། །​ཞེས་གཞོན་ནུ་བསོད་ནམས་སྟོབས་ཀྱིས་དེ་སྐད་ཅེས་སྨྲས་ན། འོན་ཀྱང་རང་རང་གི་ཕྱོགས་འཛིན་པས་ཁས་མི་ལེན་ཏོ། །​དེ་ནས་བསོད་ནམས་སྟོབས་ཀྱིས་དེ་དག་ལ་ཡང་སྨྲས་

eKangyur, UT4CZ5369-I1KG9202-0000, page 19 (10a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh347/UT22084-076-001-393#UT22084-076-001-393