The Exemplary Tale of Puṇyabala
F.8.a
ཅིའི་ཕྱིར་བདག་ཅག་ཚིམ་པར་མི་བྱེད། གཞོན་ནུས་སྨྲས་པ། ལྷའི་བཟའ་བ་དང་བཏུང་བ་འདི་དག་བྱིན་པ་ཡིན་ན། ཁ་ཟས་འདི་དག་ལས་ཅི་ཉེས་ཏེ་མི་ཟ། ཡི་དགས་རྣམས་ཀྱིས་སྨྲས་པ། གཞོན་ནུ་བདག་ཅག་ནི་སྔོན་གྱི་ལས་ཀྱི་ཉེས་པས་ལྷའི་བཟའ་བ་དང་བཏུང་བ་དེ་དག་མི་མཐོང་ངོ་། །དེ་ནས་གཞོན་ནུ་བསོད་ནམས་སྟོབས་མི་དགའ་ནས། ཀྱེ་མ་སེར་སྣའི་རྣམ་པར་གཡོ་བ་སྙམ་དུ་ཡིད་ལ་བསམས་ཏེ། ཡི་དགས་དེ་དག་ལ་བྱམས་པས་ཁྱབ་པར་བྱས་ནས་སེམས་བསྐྱེད་དེ་ཚིག་ཏུ་སྨྲས་པ། ཇི་སྟེ་བསོད་ནམས་དག་གི་མཐུ་ཡོད་ན་བདེན་པ་དེ་དང་། བདེན་པའི་ཚིག་དེས་ཡི་དགས་འདི་དག་གིས་ལྷའི་བཟའ་བ་དང་བཏུང་བ་འདི་དག་ཡང་དག་པ་ཇི་ལྟ་བ་བཞིན་དུ་མཐོང་ཞིང་ཟ་བའི་མཐུ་ཡོད་པར་གྱུར་ཅིག་ཅེས་གཞོན་ནུས་ཚིག་ཏུ་བརྗོད་མ་ཐག་ཏུ་ཡི་དགས་རྣམས་ཀྱིས་ལྷའི་བཟའ་བ་དང་བཏུང་བ་དེ་དག་ལོག་པར་མི་མཐོང་ཞིང་དེ་དག་གི་ཁ་ཡང་ཐ་མལ་དུ་གྱུར་ཏོ། །དེ་ནས་གཞོན་ནུ་བསོད་ནམས་སྟོབས་ཡིད་རབ་ཏུ་དགའ་བས་ཡི་དགས་དེ་དག་ལྷའི་བཟའ་བ་དང་བཏུང་བས་ཚིམ་པར་བྱས་ཏེ། དེ་དག་གིས་བཟའ་བ་དང་བཏུང་བ་སྔོན་མ་མྱོང་བ་ཐོབ་ནས་བཀྲེས་པ་དང་སྐོམ་པ་ཤིན་ཏུ་མི་བཟད་པ་ཆེན་པོའི་དབང་དུ་གྱུར་པས་ཧ་ཅང་མང་དུ་ཟོས་ཏེ། གསུས་པ་རྡོལ་ནས་དེ་དག་གཞོན་ནུ་བསོད་ནམས་སྟོབས་ལ་སེམས་མངོན་པར་དགའ་བཞིན་དུ་ཤི་སྟེ། དགའ་ལྡན་གྱི་ལྷའི་རིས་སུ་སྐྱེས་ནས་གཞོན་ནུ་བསོད་ནམས་སྟོབས་ལ་གཞོན་ནུ་ཁྱོད་ཀྱིས་བདག་ཅག་དགའ་ལྡན་གྱི་ལྷའི་རིས་སུ་བཀོད་ཀྱིས་མཆོག་ཏུ་དགའ་བ་སྐྱེད་ཅིག །ད་ནི་ཁྱོད་ཉིད་ལས་བརྟེན་ཏེ་སྦྱིན་པ་དག་སྦྱིན་ཞིང་བསོད་ནམས་དག་བྱའོ་ཞེས་སྨྲས་སོ། །དེ་ནས་གཞོན་ནུ་བསོད་ནམས་སྟོབས་མཆོག་ཏུ་དགའ་བ་སྐྱེས་ནས་ལེགས་སོ་ཞེས་སྨྲས་ཏེ། སྐྱེད་མོས་ཚལ་ཉིད་དུ་སོང་ངོ་། །དེ་ནས་སྐྱེད་མོས་ཚལ་དེར་འདུག་ནས་མི་རྣམས་ཀྱི་ཉམས་སུ་དཔེན་པ་གང་ཡིན་ཞེས་ཡང་དག་པའི་གཏམ་འདི་ལྟ་བུ་གློད་ཅིང་ངེས་པར་བྱེད་དོ། །དེ་ནས་གཞོན་ནུ་གཟུགས་དང་ལྡན་པ་ན་རེ་འདི་ལ་གདོད་བརྟག་ཏུ་ཅི་ཡོད། འདི་ནི་འཇིག་རྟེན་གྱིས་རྟོགས་པ་ཁོ་ན་སྟེ།
ཅིའི་ཕྱིར་བདག་ཅག་ཚིམ་པར་མི་བྱེད། གཞོན་ནུས་སྨྲས་པ། ལྷའི་བཟའ་བ་དང་བཏུང་བ་འདི་དག་བྱིན་པ་ཡིན་ན། ཁ་ཟས་འདི་དག་ལས་ཅི་ཉེས་ཏེ་མི་ཟ། ཡི་དགས་རྣམས་ཀྱིས་སྨྲས་པ། གཞོན་ནུ་བདག་ཅག་ནི་སྔོན་གྱི་ལས་ཀྱི་ཉེས་པས་ལྷའི་བཟའ་བ་དང་བཏུང་བ་དེ་དག་མི་མཐོང་ངོ་། །དེ་ནས་གཞོན་ནུ་བསོད་ནམས་སྟོབས་མི་དགའ་ནས། ཀྱེ་མ་སེར་སྣའི་རྣམ་པར་གཡོ་བ་སྙམ་དུ་ཡིད་ལ་བསམས་ཏེ། ཡི་དགས་དེ་དག་ལ་བྱམས་པས་ཁྱབ་པར་བྱས་ནས་སེམས་བསྐྱེད་དེ་ཚིག་ཏུ་སྨྲས་པ། ཇི་སྟེ་བསོད་ནམས་དག་གི་མཐུ་ཡོད་ན་བདེན་པ་དེ་དང་། བདེན་པའི་ཚིག་དེས་ཡི་དགས་འདི་དག་གིས་ལྷའི་བཟའ་བ་དང་བཏུང་བ་འདི་དག་ཡང་དག་པ་ཇི་ལྟ་བ་བཞིན་དུ་མཐོང་ཞིང་ཟ་བའི་མཐུ་ཡོད་པར་གྱུར་ཅིག་ཅེས་གཞོན་ནུས་ཚིག་ཏུ་བརྗོད་མ་ཐག་ཏུ་ཡི་དགས་རྣམས་ཀྱིས་ལྷའི་བཟའ་བ་དང་བཏུང་བ་དེ་དག་ལོག་པར་མི་མཐོང་ཞིང་དེ་དག་གི་ཁ་ཡང་ཐ་མལ་དུ་གྱུར་ཏོ། །དེ་ནས་གཞོན་ནུ་བསོད་ནམས་སྟོབས་ཡིད་རབ་ཏུ་དགའ་བས་ཡི་དགས་དེ་དག་ལྷའི་བཟའ་བ་དང་བཏུང་བས་ཚིམ་པར་བྱས་ཏེ། དེ་དག་གིས་བཟའ་བ་དང་བཏུང་བ་སྔོན་མ་མྱོང་བ་ཐོབ་ནས་བཀྲེས་པ་དང་སྐོམ་པ་ཤིན་ཏུ་མི་བཟད་པ་ཆེན་པོའི་དབང་དུ་གྱུར་པས་ཧ་ཅང་མང་དུ་ཟོས་ཏེ། གསུས་པ་རྡོལ་ནས་དེ་དག་གཞོན་ནུ་བསོད་ནམས་སྟོབས་ལ་སེམས་མངོན་པར་དགའ་བཞིན་དུ་ཤི་སྟེ། དགའ་ལྡན་གྱི་ལྷའི་རིས་སུ་སྐྱེས་ནས་གཞོན་ནུ་བསོད་ནམས་སྟོབས་ལ་གཞོན་ནུ་ཁྱོད་ཀྱིས་བདག་ཅག་དགའ་ལྡན་གྱི་ལྷའི་རིས་སུ་བཀོད་ཀྱིས་མཆོག་ཏུ་དགའ་བ་སྐྱེད་ཅིག །ད་ནི་ཁྱོད་ཉིད་ལས་བརྟེན་ཏེ་སྦྱིན་པ་དག་སྦྱིན་ཞིང་བསོད་ནམས་དག་བྱའོ་ཞེས་སྨྲས་སོ། །དེ་ནས་གཞོན་ནུ་བསོད་ནམས་སྟོབས་མཆོག་ཏུ་དགའ་བ་སྐྱེས་ནས་ལེགས་སོ་ཞེས་སྨྲས་ཏེ། སྐྱེད་མོས་ཚལ་ཉིད་དུ་སོང་ངོ་། །དེ་ནས་སྐྱེད་མོས་ཚལ་དེར་འདུག་ནས་མི་རྣམས་ཀྱི་ཉམས་སུ་དཔེན་པ་གང་ཡིན་ཞེས་ཡང་དག་པའི་གཏམ་འདི་ལྟ་བུ་གློད་ཅིང་ངེས་པར་བྱེད་དོ། །དེ་ནས་གཞོན་ནུ་གཟུགས་དང་ལྡན་པ་ན་རེ་འདི་ལ་གདོད་བརྟག་ཏུ་ཅི་ཡོད། འདི་ནི་འཇིག་རྟེན་གྱིས་རྟོགས་པ་ཁོ་ན་སྟེ།
eKangyur, UT4CZ5369-I1KG9202-0000, page 15 (8a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh347/UT22084-076-001-389#UT22084-076-001-389