ཀུན་ཏུ་རྒྱུ་བ་སེན་རིངས་ཀྱིས་ཞུས་པ།

The Questions of Dīrghanakha the Wandering Mendicant
F.298.b

Dīrghanakha­parivrājaka­paripṛcchā
F.298.b, volume 74, Degé Kangyur

རྒྱ་གར་སྐད་དུ། དཱི་རྒྷན་ཁ་པ་རི་པྲཱ་ཛ་ཀ་པ་རི་པྲྀ་ཙྪཱ་ནཱ་མ་སཱུ་ཏྲ། བོད་སྐད་དུ། ཀུན་ཏུ་རྒྱུ་བ་སེན་རིངས་ཀྱིས་ཞུས་པ་ཞེས་བྱ་བའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །​འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན། བྱ་རྒོད་ཀྱི་ཕུང་པོའི་རི་ལ། དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་སོ། །​དེ་ནས་བཅོམ་ལྡན་འདས་འཁོར་བཞི་པོ་དག་ལ་ཆོས་སྟོན་ཏེ། ཚངས་པར་སྤྱོད་པ། ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། ཡང་དག་པར་རབ་ཏུ་སྟོན་ཏོ། །​དེའི་ཚེ་ཀུན་ཏུ་རྒྱུ་སེན་རིངས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་སྤྱན་སྔར། ཁར་བ་ལ་ཨོམ་ཚུགས་བཅས་ཏེ་ཅང་མི་སྨྲ་བར་འདུག་ནས་བལྟས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །​ཀྱེ་གོའུ་ཏ་མ་འཇིག་རྟེན་ནི་ལས་བདག་གིར་བྱ་བ། ལས་ཀྱི་བགོ་སྐལ་ལ་སྤྱོད་པ། ལས་ཀྱི་འཆིང་བ་ཅན་ལས་བརྟན་པར་བྱའོ་ཞེས་དེ་སྐད་སྨྲས་པ་ནི་བདེན་ན། དགེ་སྦྱོང་གོའུ་ཏ་མས་སྔོན་ལས་ཅི་ཞིག་བྱས་ཤིང་བསགས་ན། དེས་དགེ་སྦྱོང་གོའུ་ཏ་མ་རྡོ་རྗེའི་ལུས་དང་ལྡན་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། བྲམ་ཟེ་ཆེན་པོ་འདི་ནི་ངས་ཚེ་རབས་སྔ་མའི་སྐྱེ་བར་སྲོག་གཅོད་པ་སྤངས་པའི་ལས་དེའི་འབྲས་བུ་ཡིན་ནོ། །​དགེ་སྦྱོང་གོའུ་ཏ་མས་སྔོན་ལས་ཅི་ཞིག་བྱས་ཤིང་བསགས་ན། དེས་དགེ་སྦྱོང་གོའུ་ཏམ་སོར་མོ་རིང་ཞིང་སོར་མོའི་བར་དྲ་བས་འབྲེལ་པར་གྱུར། བཅོམ་ལྡན་འདས་ཀྱིས་བཀའ་སྩལ་པ། བྲམ་ཟེ་ཆེན་པོ་འདི་ནི་ངས་ཚེ་རབས་སྔ་མའི་སྐྱེ་བར་ལེན་པ་སྤངས་པའི་ལས་དེའི་འབྲས་བུ་ཡིན་ནོ། །​དགེ་སྦྱོང་གོའུ་ཏ་མས་སྔོན་ལས་ཅི་ཞིག་བྱས་ཤིང་

eKangyur, UT4CZ5369-I1KG9200-0000, page 596 (298b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh342/UT22084-074-003-138#UT22084-074-003-138