དམ་པའི་ཆོས་དྲན་པ་ཉེ་བར་གཞག་པ།

The Application of Mindfulness of the Sacred Dharma
F.34.b

Saddharma­smṛtyupasthāna
F.34.b, volume 71, Degé Kangyur

འཆི་བའོ། །​ཚོལ་ཁྲོས་མི་རྣམས་ཉེ་བར་བཅོམ། །​ལྷ་རྣམས་བག་མེད་པས་ཉེར་བཅོམ། །​ཡི་དགས་བཀྲེས་སྐོམ་དག་གིས་གཡེངས། །​ཚོར་བ་དྲག་པོས་དམྱལ་བ་རྣམས། །​ཕན་ཚུན་ཀུན་ཏུ་གསོད་བཙོག་པ། །​དུད་འགྲོ་གཏི་མུག་དཔུང་གཉེན་ཡིན། །​དེ་ལྟར་འཇིག་རྟེན་རྣམ་དུ་མར། །​བྲེལ་དོག་དེ་དང་དེས་དཀྲུགས་སོ། །​བག་མེད་པས་ནི་རྨོངས་པ་ཡིས། །​འོན་ཀྱང་ཆོས་ལ་དགའ་བ་མིན། །​སྨན་དང་རྩྭ་སོགས་ཐམས་ཅད་ཀྱང་། །​ཇི་ལྟར་ས་གཞི་ལས་རབ་སྐྱེ། །​དེ་བཞིན་བག་མེད་ལས་ཉོན་མོངས། །​རྣམ་པ་ཐ་དད་རབ་འཕེལ་བྱེད། །​དེ་ནི་བདུད་ཀྱི་དམག་ཚོགས་ཀྱི། །​རྗེ་དཔོན་དབང་ཕྱུག་མཆོག་འདི་ཡིན། །​ཉི་མའི་འོད་ཀྱིས་མུན་པ་ལྟར། །​ཡེ་ཤེས་རྡོ་རྗེས་གཞོམ་པར་བྱ། །​སྐྱོན་ཡོན་ཡོངས་ཤེས་དེ་དག་ནི། །​རེ་ཞིག་དང་པོར་བསྟན་པ་ཡིན། །​བག་མེད་པ་རྣམས་རྟག་སྡུག་བསྔལ། །བག་ཡོད་འབྲས་བུ་བདེ་བ་ཡིན། །​དེ་ལྟར་འཐབ་བྲལ་བ་རྣམས་ཀྱི་བདག་པོ་མུ་སུ་ལུན་དྷ་དེས་རྣམ་པ་དུ་མ་རྣམས་སུ་དང་རྣམ་པར་རྟོག་པ་དུ་མ་རྣམས་ཀྱིས་ཀྱང་བག་མེད་པ་དེའི་སྐྱོན་རྣམས་དང་། བག་ཡོད་པའི་ཡོན་ཏན་རྣམས་ཀྱང་མངོན་པར་བརྗོད་དོ། །​འཆི་བདག་ནད་དང་རྒ་སྡུག་བསྔལ། །​མི་འཐུན་པ་དང་ཕྲད་པ་དང་། །​གཞན་ཡང་སྡུག་བསྔལ་དྲག་པོ་དང་། །​འཁོར་བ་འདི་ནི་ལྡན་པ་ཡིན། །​མ་འོངས་སྡུག་བསྔལ་འཆོས་པ་ནི། །​ཕན་པ་དང་ནི་བདེ་བ་ཡིན། །​སྡུག་བསྔལ་སྡིག་པའི་རྒྱུ་ལས་སྐྱེ། །​སྡིག་མེད་བྱེད་པ་བདེ་ཡིན་ནོ། །ཉོན་མོངས་ཟད་ལས་བདེ་བའི་མཆོག །​ཡིན་པར་མཁས་པས་གསུངས་པ་ཡིན། །​འདི་ནི་མྱ་ངན་འདས་འགྲོའི་ལམ། །​ཡིན་པར་དེ་ཉིད་གཟིགས་པས་གསུངས། །​ཀུན་ནས་བསྡམས་དང་བག་ཡོད་དང་། །​ཞི་བ་དང་ནི་ནགས་ན་རྒྱུ། །​འདོད་ལ་བརྐམ་མིན་བརྟན་པ་ཡི། །​མྱ་ངན་འདས་པ་རིང་བ་མིན། །​གྲོགས་དང་གྲོགས་མིན་དང་རབ་བྲལ། །​སྲིད་པའི་འདོད་ཆགས་རྣམ་པར་སྤངས། །​ཡུལ་རྣམས་ལ་ཡང་བག་ཡོད་པའི། །​ཤིན་ཏུ་མྱ་ངན་འདས་རིང་མིན། །​དགེ་དང་སྡིག་ལ་ཆགས་པ་མེད། །​བྱམས་དང་སྙིང་རྗེ་སྒོམ་པ་པོ། །​འཁོར་

eKangyur, UT4CZ5369-I1KG9197-0000, page 68 (34b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh287/UT22084-068-021-101803#UT22084-068-021-101803