The Quintessence of the Sun
F.133.a
ལྟ་བ་ཕྱིན་ཅི་ལོག་ཏུ་གྱུར་པའི་བར་གྱི་སེམས་ཅན་དེ་དག་ལ་ངས་རིག་པ་ཡོད་པའི་སྦུབས་ཞི་བ་ལུང་བསྟན་པ་ཆེན་པོ་འདིའི་ཆོས་བསྟན་ཏོ། །གང་དང་གང་དུ་སེམས་ཅན་རྣམས་ཀྱིས་ཐོས་པ་དེ་དང་དེར་ཡང་ཉོན་མོངས་པ་ཆུང་ངུ་དག་ཏུ་གྱུར་ཏོ། །དགེ་མཚན་དང་། བཀྲ་ཤིས་དང་། ལྟ་བ་ངན་པ་ཐམས་ཅད་སྤངས་ཏེ། དེ་ཕྱིན་ཆད་དགེ་བའི་ལས་དང་ཡང་དག་པར་ལྡན་པ་ལེགས་པར་བྱས་པའི་ལས་ཀྱི་མཐའ་དང་། སྨོན་ལམ་དག་མང་བ་ངེས་པའི་ཕུང་པོ་དག་ཏུ་གྱུར་ཏོ། །རིགས་ཀྱི་བུ་དེ་བཞིན་དུ་ངས་ཐབས་ལ་འཇུག་པའི་སྦྱོར་བ་ལ་བརྟུལ་བ་དེས་སེམས་ཅན་རྣམས་ཡོངས་སུ་སྨིན་པར་བྱས་ཤིང་ཕ་རོལ་ཏུ་ཕྱིན་པ་དྲུག་གི་བར་ཡོངས་སུ་རྫོགས་པར་བྱས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་མངོན་པར་རྫོགས་པར་སངས་རྒྱས་སོ། །རིག་པ་ཡོད་པའི་སྦུབས་ཞི་བ་ལུང་བསྟན་པ་ཆེན་པོ་འདི་ནི་དེ་ལྟར་སེམས་ཅན་རྣམས་ལ་གཅེས་སྤྲས་བྱེད་པ་ཡིན་ནོ། །དེ་ལྟར་ཕན་ཡོན་མང་བ་ཡིན་ཏེ། སེམས་ཅན་ཐམས་ཅད་ལ་ཕན་པར་བྱེད་པ། ནད་ཐམས་ཅད་རབ་ཏུ་ཞི་བར་བྱེད་པ། བུད་མེད་སྦྲུམ་མ་ཐམས་ཅད་སྲུང་བར་བྱེད་པ། རབ་ཏུ་ཐར་བར་བྱེད་པ། ཉོན་མོངས་པ་ཐམས་ཅད་རབ་ཏུ་ཞི་བར་བྱེད་པ། ཕུང་པོ་དང་། ཁམས་ཐམས་ཅད་ཡོངས་སུ་ཤེས་པར་བྱེད་པ། ཆོས་ཐམས་ཅད་རྣམ་པར་འབྱེད་པར་བྱེད་པ། ཐབས་ཐམས་ཅད་ཡང་དག་པར་སྟོན་པར་བྱེད་པ། བྱང་གྲོལ་གྱི་བདེ་བ་ཐམས་ཅད་ཡོངས་སུ་རྟོགས་པར་བྱེད་པ། སེམས་ཅན་ཐམས་ཅད་རབ་ཏུ་དད་པར་བྱེད་པ། ཆོས་ཐམས་ཅད་ཀྱི་བདེ་བ་ལ་འཇུག་པར་བྱེད་པ། བདུད་དང་ཕས་ཀྱི་རྒོལ་བ་ཐམས་ཅད་ཆོས་དང་འཐུན་པས་ཚར་གཅོད་པར་བྱེད་པ། བདུད་ཀྱི་ཡུལ་ཐམས་ཅད་ངེས་པར་འདུལ་བར་བྱེད་པ་ཡིན་ནོ། །རིགས་ཀྱི་བུ་རིག་པ་ཡོད་པའི་སྦུབས་ཞི་བ་ལུང་བསྟན་པ་ཆེན་པོ་འདི་ནི་བདུད་རྣམས་ཚར་གཅོད་པར་བྱེད་ཅིང་ཉོན་མོངས་པ་རྣམས་ཕམ་པར་བྱེད་པ་ཡིན་ཏེ། ལྷ་རྣམས་དགའ་བར་བྱེད་པ། གནོད་སྦྱིན་རྣམས་ཡང་དག་པར་མགུ་བར་བྱེད་པ། ལྷ་མ་ཡིན་རྣམས་རྣམ་པར་འཇོམས་པར་བྱེད་པ། ནམ་མཁའ་ལྡིང་རྣམས་དངང་བར་བྱེད་པ། མི་འམ་ཅི་རྣམས་དད་པར་བྱེད་པ། ལྟོ་འཕྱེ་ཆེན་པོ་རྣམས་རྒྱབ་ཀྱིས་ཕྱོགས་པར་བྱེད་པ། འཐབ་པ་དང་།
ལྟ་བ་ཕྱིན་ཅི་ལོག་ཏུ་གྱུར་པའི་བར་གྱི་སེམས་ཅན་དེ་དག་ལ་ངས་རིག་པ་ཡོད་པའི་སྦུབས་ཞི་བ་ལུང་བསྟན་པ་ཆེན་པོ་འདིའི་ཆོས་བསྟན་ཏོ། །གང་དང་གང་དུ་སེམས་ཅན་རྣམས་ཀྱིས་ཐོས་པ་དེ་དང་དེར་ཡང་ཉོན་མོངས་པ་ཆུང་ངུ་དག་ཏུ་གྱུར་ཏོ། །དགེ་མཚན་དང་། བཀྲ་ཤིས་དང་། ལྟ་བ་ངན་པ་ཐམས་ཅད་སྤངས་ཏེ། དེ་ཕྱིན་ཆད་དགེ་བའི་ལས་དང་ཡང་དག་པར་ལྡན་པ་ལེགས་པར་བྱས་པའི་ལས་ཀྱི་མཐའ་དང་། སྨོན་ལམ་དག་མང་བ་ངེས་པའི་ཕུང་པོ་དག་ཏུ་གྱུར་ཏོ། །རིགས་ཀྱི་བུ་དེ་བཞིན་དུ་ངས་ཐབས་ལ་འཇུག་པའི་སྦྱོར་བ་ལ་བརྟུལ་བ་དེས་སེམས་ཅན་རྣམས་ཡོངས་སུ་སྨིན་པར་བྱས་ཤིང་ཕ་རོལ་ཏུ་ཕྱིན་པ་དྲུག་གི་བར་ཡོངས་སུ་རྫོགས་པར་བྱས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་མངོན་པར་རྫོགས་པར་སངས་རྒྱས་སོ། །རིག་པ་ཡོད་པའི་སྦུབས་ཞི་བ་ལུང་བསྟན་པ་ཆེན་པོ་འདི་ནི་དེ་ལྟར་སེམས་ཅན་རྣམས་ལ་གཅེས་སྤྲས་བྱེད་པ་ཡིན་ནོ། །དེ་ལྟར་ཕན་ཡོན་མང་བ་ཡིན་ཏེ། སེམས་ཅན་ཐམས་ཅད་ལ་ཕན་པར་བྱེད་པ། ནད་ཐམས་ཅད་རབ་ཏུ་ཞི་བར་བྱེད་པ། བུད་མེད་སྦྲུམ་མ་ཐམས་ཅད་སྲུང་བར་བྱེད་པ། རབ་ཏུ་ཐར་བར་བྱེད་པ། ཉོན་མོངས་པ་ཐམས་ཅད་རབ་ཏུ་ཞི་བར་བྱེད་པ། ཕུང་པོ་དང་། ཁམས་ཐམས་ཅད་ཡོངས་སུ་ཤེས་པར་བྱེད་པ། ཆོས་ཐམས་ཅད་རྣམ་པར་འབྱེད་པར་བྱེད་པ། ཐབས་ཐམས་ཅད་ཡང་དག་པར་སྟོན་པར་བྱེད་པ། བྱང་གྲོལ་གྱི་བདེ་བ་ཐམས་ཅད་ཡོངས་སུ་རྟོགས་པར་བྱེད་པ། སེམས་ཅན་ཐམས་ཅད་རབ་ཏུ་དད་པར་བྱེད་པ། ཆོས་ཐམས་ཅད་ཀྱི་བདེ་བ་ལ་འཇུག་པར་བྱེད་པ། བདུད་དང་ཕས་ཀྱི་རྒོལ་བ་ཐམས་ཅད་ཆོས་དང་འཐུན་པས་ཚར་གཅོད་པར་བྱེད་པ། བདུད་ཀྱི་ཡུལ་ཐམས་ཅད་ངེས་པར་འདུལ་བར་བྱེད་པ་ཡིན་ནོ། །རིགས་ཀྱི་བུ་རིག་པ་ཡོད་པའི་སྦུབས་ཞི་བ་ལུང་བསྟན་པ་ཆེན་པོ་འདི་ནི་བདུད་རྣམས་ཚར་གཅོད་པར་བྱེད་ཅིང་ཉོན་མོངས་པ་རྣམས་ཕམ་པར་བྱེད་པ་ཡིན་ཏེ། ལྷ་རྣམས་དགའ་བར་བྱེད་པ། གནོད་སྦྱིན་རྣམས་ཡང་དག་པར་མགུ་བར་བྱེད་པ། ལྷ་མ་ཡིན་རྣམས་རྣམ་པར་འཇོམས་པར་བྱེད་པ། ནམ་མཁའ་ལྡིང་རྣམས་དངང་བར་བྱེད་པ། མི་འམ་ཅི་རྣམས་དད་པར་བྱེད་པ། ལྟོ་འཕྱེ་ཆེན་པོ་རྣམས་རྒྱབ་ཀྱིས་ཕྱོགས་པར་བྱེད་པ། འཐབ་པ་དང་།
eKangyur, UT4CZ5369-I1KG9192-0000, page 265 (133a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh257/UT22084-066-015-304#UT22084-066-015-304