The Quintessence of the Sun
F.92.b
།སེམས་ཅན་འགྲོ་བ་སྤོང་བར་མཛད་པ་པོ། །ཚུལ་གཅིག་ལྡན་པ་ཉིད་ཀྱི་མཁྱེན་མངའ་བ། །ལྷ་མི་རྣམ་པ་མང་པོ་ཁྲི་དག་ཀྱང་། །སོམ་ཉི་རྒལ་མཛད་དགེ་བརྙེས་ཆུ་བོ་རྒལ། །བདེ་འགྲོའི་མཁྱེན་པ་མྱུར་དང་ལྡན་པ་པོ། །བྱང་ཆུབ་སྤྱོད་དང་སངས་རྒྱས་ཆོས་མངོན་སུམ། །སེམས་གཡོ་སེམས་ཅན་ཁ་ཅིག་འདོད་ཀླུང་ལྷུང་། །མུན་པས་ཁེབས་ཤིང་མིག་དང་མི་ལྡན་པའི། །སྡུག་བསྔལ་ཐམས་ཅད་བཅོམ་པར་གྱུར་ལགས་པ། །མ་ཐོས་དགེ་བྲལ་སློབ་དཔོན་མཁས་ལྡན་པའི། །སྐྱེ་བོ་བྲལ་ལ་མི་དབང་ཐུགས་རྗེ་སྐྱེད། །མཉམ་པའི་ཆོས་ཉན་སྐྱེ་བའི་ཕ་རོལ་མཆི། །སྲིད་པ་གཅོད་པ་བཤད་པར་མཛད་དུ་གསོལ། །སྐྱེ་ཀླུང་ཕ་རོལ་གཤེགས་ཐུབ་ཐུགས་རྗེས་གསུངས། །བློ་འཆལ་སྐྱེ་མང་སྲེད་པའི་དྲ་བའི་ལམ། །དེ་དག་ཐམས་ཅད་ཉོན་མོངས་རྩ་བ་ཅན། །དེར་ནི་སེམས་ཅན་འཁྱམས་འགྱུར་གཅད་དུ་གསོལ། །གང་དུ་སྡུག་བསྔལ་རབ་ཞི་དབང་དྲུག་དང་། །ཡིད་ཀྱང་ཞི་འགྱུར་སྲེད་སྐྱོན་རྒྱལ་བ་གསུང་། །སྲེད་པ་བྲལ་བ་སྲེད་རྒྱུ་མི་མངའ་བ། །སེམས་ཅན་གདུང་བ་དཔལ་ཀུན་བྲལ་གྱུར་པ། །དེ་སླད་ཐུབ་པ་ཐུགས་བརྩེ་བ་ཡི་རྒྱུས། །སྲེད་པ་ཡི་ནི་ཆུ་ཀླུང་སྐེམས་མཛད་པ། །མྱུར་དུ་བདེ་ཞིང་འཆི་བ་མ་མཆིས་པའི། །ཆོས་ཀྱང་སྲེད་པ་གཅོད་པ་བཤད་པར་གསོལ། །དེ་ནས་བཅོམ་ལྡན་འདས་ཀྱིས་ཚངས་པ་པད་མ་འབར་བའི་དཔལ་ལ་འདི་སྐད་ཅེས་བཀའ་སྩལ་ཏོ། །གང་དག་སྔོན་ཆད་ཕ་རོལ་ཕྱིན། །སྤྱོད་པ་སྤྱད་ཅིང་སྤྱོད་འགྱུར་བ། །དེ་དག་ཉན་ཐོས་ཆོས་རྣམས་ལ། །ནམ་ཡང་དགའ་བར་མི་བྱ་སྟེ། །སངས་རྒྱས་ཆོས་ལས་ཉམས་འགྱུར་བའི། །ལྟུང་བ་གཉིས་པ་གཞན་མེད་དེ། །དེ་ནི་ཡང་དང་ཡང་དུ་ཡང་། །གཉི་གར་སེམས་ནི་འཇུག་པ་ཡིན། །ཁྲོ་དང་ཉན་ཐོས་ཆོས་རྣམས་དང་། །རྐྱེན་གྱི་བྱང་ཆུབ་འཇུག་པ་ཡི། །ཆོས་གསུམ་རྣམ་པར་སྤངས་པས་ན། །སངས་རྒྱས་ཆོས་རྣམས་རྫོགས་པར་འགྱུར། །སྐྱེ་གནས་བཞི་ལྡན་སེམས་ཅན་འདི། །སངས་རྒྱས་ཞིང་འདིར་ལྷགས་པ་དག །ཐམས་ཅད་འདོད་པ་རྟེན་མི་བྱེད། །ཐམས་ཅད་མི་སྡུག་ཐོབ་པ་ཡིན། །འདི་ན་སེམས་ཅན་མཁས་པ་གང་། །བྱང་ཆུབ་མཆོག་གི་ཕྱིར་ཞུགས་ཤིང་།
།སེམས་ཅན་འགྲོ་བ་སྤོང་བར་མཛད་པ་པོ། །ཚུལ་གཅིག་ལྡན་པ་ཉིད་ཀྱི་མཁྱེན་མངའ་བ། །ལྷ་མི་རྣམ་པ་མང་པོ་ཁྲི་དག་ཀྱང་། །སོམ་ཉི་རྒལ་མཛད་དགེ་བརྙེས་ཆུ་བོ་རྒལ། །བདེ་འགྲོའི་མཁྱེན་པ་མྱུར་དང་ལྡན་པ་པོ། །བྱང་ཆུབ་སྤྱོད་དང་སངས་རྒྱས་ཆོས་མངོན་སུམ། །སེམས་གཡོ་སེམས་ཅན་ཁ་ཅིག་འདོད་ཀླུང་ལྷུང་། །མུན་པས་ཁེབས་ཤིང་མིག་དང་མི་ལྡན་པའི། །སྡུག་བསྔལ་ཐམས་ཅད་བཅོམ་པར་གྱུར་ལགས་པ། །མ་ཐོས་དགེ་བྲལ་སློབ་དཔོན་མཁས་ལྡན་པའི། །སྐྱེ་བོ་བྲལ་ལ་མི་དབང་ཐུགས་རྗེ་སྐྱེད། །མཉམ་པའི་ཆོས་ཉན་སྐྱེ་བའི་ཕ་རོལ་མཆི། །སྲིད་པ་གཅོད་པ་བཤད་པར་མཛད་དུ་གསོལ། །སྐྱེ་ཀླུང་ཕ་རོལ་གཤེགས་ཐུབ་ཐུགས་རྗེས་གསུངས། །བློ་འཆལ་སྐྱེ་མང་སྲེད་པའི་དྲ་བའི་ལམ། །དེ་དག་ཐམས་ཅད་ཉོན་མོངས་རྩ་བ་ཅན། །དེར་ནི་སེམས་ཅན་འཁྱམས་འགྱུར་གཅད་དུ་གསོལ། །གང་དུ་སྡུག་བསྔལ་རབ་ཞི་དབང་དྲུག་དང་། །ཡིད་ཀྱང་ཞི་འགྱུར་སྲེད་སྐྱོན་རྒྱལ་བ་གསུང་། །སྲེད་པ་བྲལ་བ་སྲེད་རྒྱུ་མི་མངའ་བ། །སེམས་ཅན་གདུང་བ་དཔལ་ཀུན་བྲལ་གྱུར་པ། །དེ་སླད་ཐུབ་པ་ཐུགས་བརྩེ་བ་ཡི་རྒྱུས། །སྲེད་པ་ཡི་ནི་ཆུ་ཀླུང་སྐེམས་མཛད་པ། །མྱུར་དུ་བདེ་ཞིང་འཆི་བ་མ་མཆིས་པའི། །ཆོས་ཀྱང་སྲེད་པ་གཅོད་པ་བཤད་པར་གསོལ། །དེ་ནས་བཅོམ་ལྡན་འདས་ཀྱིས་ཚངས་པ་པད་མ་འབར་བའི་དཔལ་ལ་འདི་སྐད་ཅེས་བཀའ་སྩལ་ཏོ། །གང་དག་སྔོན་ཆད་ཕ་རོལ་ཕྱིན། །སྤྱོད་པ་སྤྱད་ཅིང་སྤྱོད་འགྱུར་བ། །དེ་དག་ཉན་ཐོས་ཆོས་རྣམས་ལ། །ནམ་ཡང་དགའ་བར་མི་བྱ་སྟེ། །སངས་རྒྱས་ཆོས་ལས་ཉམས་འགྱུར་བའི། །ལྟུང་བ་གཉིས་པ་གཞན་མེད་དེ། །དེ་ནི་ཡང་དང་ཡང་དུ་ཡང་། །གཉི་གར་སེམས་ནི་འཇུག་པ་ཡིན། །ཁྲོ་དང་ཉན་ཐོས་ཆོས་རྣམས་དང་། །རྐྱེན་གྱི་བྱང་ཆུབ་འཇུག་པ་ཡི། །ཆོས་གསུམ་རྣམ་པར་སྤངས་པས་ན། །སངས་རྒྱས་ཆོས་རྣམས་རྫོགས་པར་འགྱུར། །སྐྱེ་གནས་བཞི་ལྡན་སེམས་ཅན་འདི། །སངས་རྒྱས་ཞིང་འདིར་ལྷགས་པ་དག །ཐམས་ཅད་འདོད་པ་རྟེན་མི་བྱེད། །ཐམས་ཅད་མི་སྡུག་ཐོབ་པ་ཡིན། །འདི་ན་སེམས་ཅན་མཁས་པ་གང་། །བྱང་ཆུབ་མཆོག་གི་ཕྱིར་ཞུགས་ཤིང་།
eKangyur, UT4CZ5369-I1KG9192-0000, page 184 (92b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh257/UT22084-066-015-38#UT22084-066-015-38