Purification of Karmic Obscurations
F.292.a
འཆལ་པའི་ཚུལ་ཁྲིམས་ཀྱི་ཆོས་རྣམས་དང་། ཚུལ་ཁྲིམས་ཀྱི་ཆོས་རྣམས་ལ་གཉིས་སུ་མི་འབྱེད་པ་དང་། གནོད་སེམས་ཀྱི་ཆོས་རྣམས་དང་། བཟོད་པའི་ཆོས་རྣམས་ལ་གཉིས་སུ་མི་འབྱེད་པ་དང་། ལེ་ལོའི་ཆོས་རྣམས་དང་། བརྩོན་འགྲུས་ཀྱི་ཆོས་རྣམས་ལ་གཉིས་སུ་མི་འབྱེད་པ་དང་། རྣམ་པར་གཡེངས་པའི་ཆོས་རྣམས་དང་། བསམ་གཏན་གྱི་ཆོས་རྣམས་ལ་གཉིས་སུ་མི་འབྱེད་པ་དང་། འཆལ་པའི་ཤེས་རབ་ཀྱི་ཆོས་རྣམས་དང་། ཤེས་རབ་ཀྱི་ཆོས་རྣམས་ལ་གཉིས་སུ་མི་འབྱེད་པ་དེས་ནི་ལས་ཀྱི་སྒྲིབ་པ་རྣམ་པར་དག་པ་ཐོབ་པར་འགྱུར་རོ། འཇམ་དཔལ་གཞན་ཡང་བྱང་ཆུབ་སེམས་དཔའ་གང་ཉོན་མོངས་པ་ཐམས་ཅད་ལ་སངས་རྒྱས་ཀྱི་ཆོས་རྣམས་སུ་མོས་པ་དེས་ནི་ལས་ཀྱི་སྒྲིབ་པ་རྣམ་པར་དག་པ་ཐོབ་པར་འགྱུར་རོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་ཇི་ལྟར་ཉོན་མོངས་པ་ཐམས་ཅད་ལ་སངས་རྒྱས་ཀྱི་ཆོས་རྣམས་འཇུག་པར་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ཇི་སྙམ་དུ་སེམས། ཆོས་འགའ་ཙམ་ཡང་ཆོས་འགའ་ཙམ་ལ་ཀུན་ནས་ཉོན་མོངས་པའི་བྱ་བ་བྱེད་དམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ཇི་སྙམ་དུ་སེམས། ཆོས་འགའ་ཙམ་ཡང་ཆོས་འགའ་ཙམ་ལ་རྣམ་པར་བྱང་བའི་བྱ་བ་བྱེད་དམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ཇི་སྙམ་དུ་སེམས། ཁྱོད་ཀྱིས་མི་སྐྱེ་བའི་ཆོས་ལ་བཟོད་པ་ཇི་ལྟར་ཐོབ། འཇམ་དཔལ་གྱིས་གསོལ་པ། བཅོམ་ལྡན་འདས་བདག་གིས་ནི་ཉོན་མོངས་པ་ཐམས་ཅད་ལ་མི་སྐྱེ་བའི་ཆོས་ལ་བཟོད་པ་ཐོབ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཉོན་མོངས་པ་ཐམས་ཅད་ནི་ནམ་མཁའི་གཞི་ལས་བྱུང་བའི་སླད་དུ་སྟེ། བཅོམ་ལྡན་འདས་བདག་གིས་ནི་ཆོས་འགའ་ཙམ་ཡང་ཡོངས་སུ་མ་འཚལ་ཅིང་མ་སྤངས་ལ། མ་བསྒོམས་ཤིང་མངོན་སུམ་དུ་མ་བགྱིས་ལགས་སོ། །བཅོམ་ལྡན་འདས་བྱིས་པ་སོ་སོའི་སྐྱེ་བོ་ཐམས་ཅད་ནི་སངས་རྒྱས་ཀྱི་ཆོས་རྣམས་དང་བྲལ་བ་ཡང་མ་ལགས།
འཆལ་པའི་ཚུལ་ཁྲིམས་ཀྱི་ཆོས་རྣམས་དང་། ཚུལ་ཁྲིམས་ཀྱི་ཆོས་རྣམས་ལ་གཉིས་སུ་མི་འབྱེད་པ་དང་། གནོད་སེམས་ཀྱི་ཆོས་རྣམས་དང་། བཟོད་པའི་ཆོས་རྣམས་ལ་གཉིས་སུ་མི་འབྱེད་པ་དང་། ལེ་ལོའི་ཆོས་རྣམས་དང་། བརྩོན་འགྲུས་ཀྱི་ཆོས་རྣམས་ལ་གཉིས་སུ་མི་འབྱེད་པ་དང་། རྣམ་པར་གཡེངས་པའི་ཆོས་རྣམས་དང་། བསམ་གཏན་གྱི་ཆོས་རྣམས་ལ་གཉིས་སུ་མི་འབྱེད་པ་དང་། འཆལ་པའི་ཤེས་རབ་ཀྱི་ཆོས་རྣམས་དང་། ཤེས་རབ་ཀྱི་ཆོས་རྣམས་ལ་གཉིས་སུ་མི་འབྱེད་པ་དེས་ནི་ལས་ཀྱི་སྒྲིབ་པ་རྣམ་པར་དག་པ་ཐོབ་པར་འགྱུར་རོ། འཇམ་དཔལ་གཞན་ཡང་བྱང་ཆུབ་སེམས་དཔའ་གང་ཉོན་མོངས་པ་ཐམས་ཅད་ལ་སངས་རྒྱས་ཀྱི་ཆོས་རྣམས་སུ་མོས་པ་དེས་ནི་ལས་ཀྱི་སྒྲིབ་པ་རྣམ་པར་དག་པ་ཐོབ་པར་འགྱུར་རོ། །དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་ཇི་ལྟར་ཉོན་མོངས་པ་ཐམས་ཅད་ལ་སངས་རྒྱས་ཀྱི་ཆོས་རྣམས་འཇུག་པར་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ཇི་སྙམ་དུ་སེམས། ཆོས་འགའ་ཙམ་ཡང་ཆོས་འགའ་ཙམ་ལ་ཀུན་ནས་ཉོན་མོངས་པའི་བྱ་བ་བྱེད་དམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ཇི་སྙམ་དུ་སེམས། ཆོས་འགའ་ཙམ་ཡང་ཆོས་འགའ་ཙམ་ལ་རྣམ་པར་བྱང་བའི་བྱ་བ་བྱེད་དམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་འདི་ཇི་སྙམ་དུ་སེམས། ཁྱོད་ཀྱིས་མི་སྐྱེ་བའི་ཆོས་ལ་བཟོད་པ་ཇི་ལྟར་ཐོབ། འཇམ་དཔལ་གྱིས་གསོལ་པ། བཅོམ་ལྡན་འདས་བདག་གིས་ནི་ཉོན་མོངས་པ་ཐམས་ཅད་ལ་མི་སྐྱེ་བའི་ཆོས་ལ་བཟོད་པ་ཐོབ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཉོན་མོངས་པ་ཐམས་ཅད་ནི་ནམ་མཁའི་གཞི་ལས་བྱུང་བའི་སླད་དུ་སྟེ། བཅོམ་ལྡན་འདས་བདག་གིས་ནི་ཆོས་འགའ་ཙམ་ཡང་ཡོངས་སུ་མ་འཚལ་ཅིང་མ་སྤངས་ལ། མ་བསྒོམས་ཤིང་མངོན་སུམ་དུ་མ་བགྱིས་ལགས་སོ། །བཅོམ་ལྡན་འདས་བྱིས་པ་སོ་སོའི་སྐྱེ་བོ་ཐམས་ཅད་ནི་སངས་རྒྱས་ཀྱི་ཆོས་རྣམས་དང་བྲལ་བ་ཡང་མ་ལགས།
eKangyur, UT4CZ5369-I1KG9188-0000, page 583 (292a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh218/UT22084-062-018-218#UT22084-062-018-218